السلام عليكم..
شلونكم بنات شخباركم..؟شلون النظام معاكم.؟؟
انا اليوم صراحه حاسه بتانيب الضمير..
صارلي اسبوع ماشيه اوكي بس اليوم
اكلت حبتين حلو قهوه..وحبة قرص عقيلي :angry:
تتوقعون راح ياثر وايد ..؟
خصوصا اني مو ماكله الا دياي مغلي..
ان شاءالله ماياثر :icon33: :icon33:
ندفع فلوس ولانطبق عدل :icon33: :(
السلام عليكم..
شلونكم بنات شخباركم..؟شلون النظام معاكم.؟؟
انا اليوم صراحه حاسه بتانيب...
شخباركم يارشيقات
هلا والله بنوتة
عذراً عزيزتي انا شوي مشغولة
الوزن باط جبدي .. لا والله مو الوزن الا انا باطة جبدي من المخ اللي عندي .
بديت من آخر الأسبوع اللي فات اخفف من الشاي ( صرت ابد ما اشربه) واكل وجبات
يعني زي السابق شوي بس تركت الشاي
وبديت انقص في اليوم في حدود 300 جم
كل شي تمام لحد الحين .. كل شي تماااااااااااااااام
قلت ممتاز وقعدت احسب
قلت على يوم السبت اكمل اسبوع اكون ناقصة تقريبا كيلوين , كيلوين الا جم جرام .
بعدين طمعت قلت ليش ما انقص اكثر
جان آخذ الدوا اللي ياخذه زوجي ( من ايطاليا )
4 حبات قبل الوجبة
اخذته قبل وجبة الظهر ماسوى شي
لأنه هو يهره هر الله يعزكم
قال مارح يعطي مفعول الا اذا اخذتي مرة ثانية
وآخذ عشان وجبة العشا
ونفس الشي ما سوى شي بالعكس انا كنت اشوي ادخل الحمام خلاني بالمرة ما ادخل .
جيت يوم ثاني وزنت لقيت وزني زايد 800 جم
قلت ولييييييييييييه والدبرة هذا انا جيت اطببها عميتها
وصدق على المثل ( الطمع يذهب بما جمع )
انا وصلت الى 124 و700 جم
وكنت ابي اشيل ال 700 جم جااااااااان ازيد 800 جم .
نفس الشي وسوس فراسي
صدقيني الليلة رح يسببب لج اسهال
قلت يالله نلحق ال ............ انتوا كملوها ( اسم الله عليه ريلي )
ونفس الشي شربت وما جاب نتيجة .
يوم ثاني ( الخميس ) وزنت الا وزني 124 و800 جم يعني حتى ما وصل لوزني مال يوم الثلاثاء.
البارح شريت لي عشرج
واخذت حفنه حطيتهم في كوب صغير ماي مغلي وبعدين شربته .
وتصدقون نفس الشي ما اثر فيني .
انا اشك انه عشرج
اليوم لقيت وزني ثابت مثل امس ما تغير
وانا الملامة في كل هذا شفتوا الطمع شنوا يسوي .
بس قولوا لي شنو شكله العشرج وشلون تسوونه ومتى تشربونه .
انا جاب لي اياه شكله ورق صغير تقريباً انش واصغر بس مستطيل مو عريض
اهو نفسه والا غير ؟؟
شخباركم كلكم بنات موفقين .
امولة مبروك النزول
بنوتة يجيج يوم وتنزلين بس شيلي الشايات والقهاوي وخففي من الباذنجان والكوسة
تراني اذا اكلتها توقف وزني
انا ناوية آخذ الأربعاء الياي يوم راحة
بمناسبة انتهاء شهرين على بداية الريجيم
ورح اعمل الخميس والجمعة رجيم الرقي والمكسرات مجرد كسر للريجيم
ورح ارجع من يوم السبت الى اتكنز اللي ما رح استغني عنه .
مع بداية المسابقة الثانية .
ادعولي انجح هالمرة لأني فشلت في المسابقة السابقة .