هلا بالجميع..

sweet &sour،،
البرغل ممنوع،،والعصير ممنوع والمكسرات ممنوعة،،
طبعا اي شي فيه بقسماط ممنوع..

أختي عبير،،
الملوخية مسموح فيها..وباي كمية
عصير البرتقال ممنوع،،بس لو كان حامض وطعمه مافيه حلاوة بكميات قليله جدا ويفضل ما تبدين فيه من الاسبوع الاول،،يعني نهاية الثاني..

السلا م عليكم ورحمة وبركاته
ان لي اسبوع علي هذا الرجيم ونقصت 4 كيلو لكن يبغاله اراده قويه

تحياااااااتي للكل
الحمدلله اليوم كان اوكيك وبديت اتعود على الريجيم بما اني امووووت في الخبز الاسمر
بس يله عشان الرشاقه كل شي يهون
اليوم تغديت 2 قطعه دجاج صغار مشويه و3 بيض مقلي مع خيار وجزر
واتعشيت 3 كباب صغار وبيض مقلي مع جزر وخيار وحمص طحنته بالخلاط
شووووو رايج مساله وقت صح اللي كلته ؟؟
وعندي لج كم سؤال ممكن؟؟
كيف تسوين المتبل وكيف سويتي الفلافل بدون بقسماط وهل ممكن انه ناكل البازلاء المعلبه وهل يجوز استخدام زيت الزيتون في الاسبوع الاول
وااااااايد اسئله صح؟؟ ادري بس مابى اسوي اي شي غلط
ومشكوووووورة مقدما

هتاان الليالي،،مبروك على نزول الوزن،،وعلى قبال الباقي،،والفال لنا يا رب



حيااااااااج أموووووله،،ما شاء الله عليج اكلج مضبوط والله يتمملج على خير..وتكون ايامج خضرا كلها:26:

بالنسبة لأسئلتج،،
بالنسبة للمتبل بجاوبج عليه باجر،،لووووول،،يا الفضيحة،،الخدامه تسويه ويطلع عندها وايد فنان،،فابدا ما اقرب صوبه بس اعرف انها تشوي الباذنجان في الفرن،،بعدين تاخذ لب الباذنجان وتخليه في طاسه مع ثوم مدقوق وشوية روب قليل الدسم يمكن ملعقة وحدة على اساس ما يخترب الريجيم وبصراحة ما اثر..واحط عليه كمية زيت زيتون وليموووووون بالهبل ويطلع رهيب خاصة وهو حار..

بالنسبة للفلافل الله يسلمج كنت ناوية احط الوصفة في موضوع اكلات الريجيم بس بخبرج المكونات..
ملعقة فليفله حرة مفرومه،4 اكواب فول مجروش يعني مب ناعم،حمص كوبين،بصل مفروم ناعم 3/4 كوب،ثوم مدقوق ربع كوب،كزبرة خضراء مفرومة كوب واحد،ملح وكمون وقرفة وسماق على حسب الرغبة وماخذه الوصفة من كتاب الشيف رمزي وطلعت لذيذه،،لدرجة اني كلت اليوم منها بدون ما احاسب الله يستر..

بالنسبة للبازلاء تقدرين تاكلين المعلبة بس تحذري لا تكون حلوة ولا فيها سكر،،انا عن نفسي اخذ بازلاء اكياس مثلجة..ومرات اخذها وي جزر مقطع بعد مثلجة..
اما عن زيت الزيتون فتقدرين تستخدمينه من الاسبوع الاول,,

افاااااا عليج اسئلي على راحتج،،انا مثلج تعبت جوليا لين ما فهمت الريجيم عدل

صراحه أنا متحمسه كثير للرجيم

وراح أسويه أنا وأختي من السبت إن شاء الله

وعلى فكره أختي أشكرك على التجاوب وأهم شئ فيه أنك قلتي الملوخيه عاااادي

:26: :26: وراح أعلمكم بالنتيجه,,,

أختكم عبير