اليوم الخامس
السبت . . .
الفطور كان عبارة عن خبز وجبن مع كوب شاهي محلى
وبعد ساعتين
8 ملاعق برياني
وبعد 3 ساعات حليت وتقهويت
* البعض راح يشك اذا فعلًا انا مسوية حمية او تخفيف؟ في الحقيقة انا اكل على مدار الساعة بمعنى لازم احرك فمي 24 ساعة لذلك احاول بقد ما اقدر اخفف اكل واذا قدرت راح ابدأ بالمرحلة الثانية وهي استبدال الاشياء بسعرات اقل ومواد اقوى مثل السكر بالسكر النباتي والخبز الابيض بالاسمر وهكذا

الله يقويك ويعينك وتوصلين لهدفك وإنتي بأتم صحة وعافية.

جربي الخبز الاسمر وراح تشوفين الفرق أو خبز نخاله راح تشششششبعين بقوه وبدل الاثنين راح تاخذي واحد لأنه بطيء الهضم ويجنن فرق مره مره عن الأبيض بسرعه ينهضم وخفيف ولا تشبعين بكمية قليله والله يوفقك ويوفقنا💗

اليوم السادس
الاحد . . .
شهيتي منسدة فهاليوم (بداية تعب وصخونة الموسم)
حليت وتقهويت بعد ماقمت ب 6 ساعات
وبعد ساعة
تعشيت صامولي وبيض
**شكرًا اماني على الدعوات الطيبة والكلام الحلو , الله يعافيك ام عموري على هالنصيحة الذهبية فعلًا نصحني خالي فيها وبإذن الله الخطوة الجاية هو استبدال الخبز العادي بالنخاله**

بأذن الله الله يسهل لك 💗 مشكلة اللي متعود عليه ومايتقبل طعم غيره صعبه مره اعرف لك ناس كذا تكره مره اي شي غير الأبيض؛؛ اختي كانت تقول مافيه مثل الأبيض ويوم جبنا توست نخاله عججبها مره مره 😅