هلا حبيباتي بقولكم يومياتي عن هالريجيم
أمس مثل ما قلت لكم بسبب ظروف العمل حذفت التفاحه
والساعه 3:30 تغديت يعني بعد مرور ثلاث ساعات لأني طبعا ما أقدر آكل في نهاية الدوام والغداء كان لحم لأني ما آكل الدجاج
المهم الساعه 5:30 أكلت صحن بسله مسلوق ولكن كنت آكله غصب لأني ما كنت يوعانه
وبعدين طلعت فتأخرت خارج البيت فتعشيت متأخر الساعه عشر وكان طبعا توسته مع تونه
وخلصت اليوم الثاني

أما عن اليوم أقولكم عنه ان شاء الله آخر اليوم أو باجر الصبح هذا اذا الله عطانا عمر

باي ياحلوات

اختي مظلومة وايد
ارجو عدم تأخير العشاء لهذا الوقت المتأخر علشان يمكن للجسم ان يحرق الاكل
وانا سمع لليحبون ان ينصحوا ان يأكلوا ويناموا على الفورا
فيؤدي هذي الطريقة الى سمنة

صح كلامج حبيبتي بس شو اسوي أكون مشغوله طول الوقت وما أفضى وأغلب الايام بعد الثامنه بالليل وغير اني اتأخر في النوم يعني اذا بكرت في النوم الساعه 12
وغير الله يخليج من زين هالأكل الا عينات تاكلين مني يتبخر الاكل مناك ولا كأني كلت شي
وين أيام قبل الي كنت أتعشى هارديز وبلاوي زرقه
الله لا يردها من أيام

المهم بقولكم اليوم شو صار معاي
اليوم طبعا لي ثالث يوم وتصدقون اني ما ييت صوب الميزان

الفطور كان التوست مع مربى دايت الساعه 9ك30 ةشربت بعده شاي أخضر
ما قدرت بعد ساعتين آكل يعني الساعه 12:30 أكلت تفاحه بس ما كملتها ما كنت يوعانه
الساعه 3:30 أكلت توسته مع سلايس جبن ( ابتكرت من عندي هالشي ) لأن الجبن قريش ما عندي وطوفت موعدها فدمجت الجبن السايس طبعا قليل الدسم مع توسته
وبعدين صراحه نمت بعد الساعه 4:30 ما قدرت اقاوم النوم وبعد ساعتين المفروض تكون خضار مسلوقه ما كان عندي أخذت الملوخيه اللي كانت في الثلاجه وصفيتها تمام من الدهن وصارت بدون دهن سخنتها وأكلتها
وبعد ساعتين وأكثر شويه ختمت يومي بروب وبنتي كلت معاي
بعد ساعتين نطيت الحبل 100 نطه تقريبا وسويت تمارين وغسلت سيارتي
وما صار نهاية اليوم الا وأنا منهد حيلي
ان شاء الله بس أخلص يوم الجمعه هالريجيم وابشركم بالنتايج بس يارب تكون حلوه وما أنحبط ترا بزعل صدق لو مانزل وزني لو 3 كيلو لأي صدق ملتزمه

والحمد لله انه ريلي مفلس هاليومين ولا كان عزمني على عشاء يوم الخميس أو الجمعه وبيخرب علي الريجيم بس الحمد لله قاعده في البيت هالاسبوع وما بطلع

تصبحون على خير ياحلوات

اليوم الرابع
مشى تمام بس نسيت آكل الخضار المسلوقه

اليوم الخامس بس ما أحس اني ناقصه خمسه كيلو مثل مايقول الريجيم مع اني ملتزمه فيه بس الرياضه يوم أسوي ويوم لأ ورياضه خفيف تقريبا يعني أنط 100 نطه بين يومين

وباجر ان شاء الله بوزن وبقولكم نتيجة هذا الريجيم

الصراحه كله اكل يعني طول اليوم مالك شغله الا الاكل

وفوق كل هذا ينزل 5 كيلو والله عجب

بس ملاحظه ما له اضرار جانبيه