ريجيم والله العظيم مالقيت احسن منه

السلام عليكم ورحمة الله وبركاته
اخواتي انا من المتابعات لمنتداكم الحلو من سنين بس ماكنت اقدر اشارك بسبب اني كنت مشتركة بايميل من هوتميل وليومكم هذا ماوصلني قبول العضويه !!

وبعد قرائتي عن المسابقات والمجموعات بصراحة اصريت اشوف موضوع الاشتراك ورجعت وسجلت ببريدي وهم نفس الشيء ! وماوصلني قبول العضويه الا لما غيرت وسويت ايميل على ياهو ساعتها بس انقبلت ولله الحمد
المهم مو هذي قضيتنا
انا حبيت اقولكم عن تجربه صارت معي من سنين طويله جربت ريجيم وبصراحة عمري مانحفت الا بهالفتره
وكان عمري وقتها 20 ووصل وزني من السبعين لحوالي الستين ونازل ويمكن اهم شيء بهالفتره انه الميزان وقتها كان خربان !!
يعني واضح ان الميزان قاعد يخرب علينا مايفيدنا بالمرة لانه يسبب الاحباط دايما رغم ان الواحدة تلاحظ بجسمها نزول بس تحبط بسرعه من الميزان وبالتالي تترك الريجيم
نيجي لموضوع الريجيم اللي حولني لواحدة ثانيه وانتقلت لعالم الرشيقات والاحلى انه استمريت حوالي الثلاث سنوات بعدها اكل براحتي الا انه بعد الثلاث سنوات بدا الوزن يزيد ويوصل ل66 و67 والخ الى ان وزنت نفسي باحد الايام ووجدته 80 ! ومن حينها قلت لازم ارجع لريجيمي القديم لان اظاهر جسمي ما ارتاح الا عليه !

المشكله انه بصراحة ريجيم غير صحي
انا بسببه فقدت قوة ذاكرتي وتركيزي وايضا فقدت نص شعري
ولكن كنت وقتها طالبه بالجامعه مو هاممني الا جسمي اما الحين ناويه اعتمد على الاكل الصحي اكثر وافكر بتناول الفيتامينات والحديد لاني افكر بالانجاب قريبا ان شاءالله

ادري انكم مليتوا من قصة حياتي بس التمهيد ضروري
المهم الريجيم بسيط جدا وهو عبارة عن
------- غداء وبس ---------
نظمت حياتي وقتها على هالطريقة اني ما اكل بالجامعه ووقت الغدا اكل براحتي بس طبعا شويه تخفيف احسن وبس مافي عشا
جربتها اسبوع واذا بجسمي ينحف ! وطبعا ماعندي ميزان ولا شيء يعني ماادري نحفت كم على الميزان المهم جسمي تغير وعجبني فزاد عندي اصراري واستمريت ومن اسبوع لاسبوع والله العظيم يمكن بعد اربع شهور اصبحت واحدة ثانيه البس ملابس لم اتخيل بيوم انها راح تدخل عليا حتى اني اذكر لما جه الشتا السنة اللي بعدها وطلعت ملابس العام ولبست بنطلون جينز قسما بالله لقيته منفوخ وكانه بنطلون سندباد ! انا نفسي ماصدقت اني نزلت لهالدرجة وكل لبسي تبدل وصرت الرشيقة الممشوقه حتى ان طولي بان وكأنه زاد ورقبتي بانت وعيوني وسعت قسما بالله ان احذيتي وسعت عليا
كانت المرة الوحيدة اللي نجح فيها معاي ريجيم لهالدرجة واظن للاسباب التاليه :
اولا ماكان في ميزان وبالتالي هذا اللي فادني ويمكن لو كان مثل الحين كل يوم والتاني على الميزان ماكنت نجحت

وثاني شيء اني احب الاكل جدا واحب طبخ الوالدة وما احب سالفه شريحة لحم مشوي وملعقتين فول وهالسوالف اولا لان امي مو فاضيه لي لوحدي لان عيلتنا عددها كبير وانا موفاضيه اطبخ وبالتالي اللي عجبني بهالريجيم اني ماحسيت بالحرمان بمعنى الكلمة لان كنت اتغدى على راحتي وبالليل لو جاني جوع كنت اشرب حليب بالكاكاو الكي دي دي اللي اموت عليه مع بفك واهل الكويت يعرفونه وبس

ثالث شيء ان الريجيم بعيد المدى وانا ماكنت اعرف يعني بعد اربع الى خمس اشهر اظن وصلت لدرجة من النحافه اني صرت اكره جسمي وابي امتن والله صرت اكل واكل وما امتن !! الا بعد فتره يعني انا تخرجت من الجامعه ( اي بعد سنتين من بدايه الريجيم ) وكنت طبعا رجعت غدا وعشا وافطار بالكليه عادي واذكر اني تخرجت من الجامعه وزني 63 !

رابع شيء من حيث المنطق: مو في ناس يسوون ريجيم السعرات انزين الواحد لو حسبها بوجبه واحدة مهما اكل ايشراح ياكل يعني ؟؟ ممكن يوصل اكثر شيء لالفين سعر حراري لو الاكل معقول ومافيه حلويات ومعجنات وبالتالي راح توفري مثلا يوميا 200 سعر يمكن ماراح يبان هالفرق بعد اسبوع او اسبوعين بس والله بعد شهر راح تشوفين الفرق اكيد

خامس شيء هالرجيم ينزل ببطء وهذا افيد شيء فيه لانه يثبتتتتتتت يعني راح ترتاحين لثلاث او اربع سنوات والله وراح تاكلي فيهم براحتك بس اهم شيء وزنك يثببتتتت على الرقم اللي تبيه يعني مو اول ما يوقف الميزان بالضبط على 60 تاني يوم عادي ترجعين للاكل وانما سيبيه لمدة اسبوع او اسبوعين او اكثر يثبت عليه وبالتالي صعب يطلع بسرعه ل61 و62 الا بعد شهر


بصراحة انا جربت ريجيم البروتينات بعد ماوصل وزني ل68 وبسببه انا وصلت للسبعينات والثمانينات لانه يخسس بسرعه ولو رجعتي تاكلي عادي راح الوزن يتضاعف - انا كرهت هذي الرجيمات والله مومفيدة ابدا والواحد بعد فتره راح يحس بكابه اذا ما اكل اللي يشتهيه لان الاكل نعمة وانا احب اكل كل شيء واذا فضلت مقيدة بفواكة وخضار والله احس بكابه لان انا غرامي الاكل الدسم والمخبوزات بكل انواعها

بصراحة بنات انا تعبت من كل ريجيماتكم واسمحولي جربت منها كثير معظمهم ينزلون اول اسبوع 3 او اربع كيلو وبعدها يبدا ببطء والمشكله انه دايما الاكل بهالريجيمات تكون مو على ذوقي واحس انها حرمان واحس اني فعلا محرومة لان الكل ياكل جنبي احلى اصناف اكل الوالدة وانا قاعدة اكل خس وطماطم !

انا كنت اخر ريجيم جربته من كذا اسبوع وهو ثلاث ايام زبادي وثلاث ايام فاكهه والخ
نزلني اول اسبوع 3 كيلو
وثاني اسبوع كيلو
بس مليت هالاكل صرت احسه بطعمه مثل بعضه واحس اني محرومة من متعه الاكل ومحرومة من الجلوس بجوار اهلي على مائدة الغدا وزادت عندي الكابه فصرت الخبط زيادة على الاكل

انا الحين راح ارجع لريجيمي
واتسجلت معاكم بالمجموعة الثانيه برقم 19
وماراح ينفع اقولكم النتائج اول باول لان احنا اتفقنا ان هالريجيم طويييييييييل الامد يعني لو استمريت ستة اشهر على هذا الريجيم باصرار وما اخربط على العشا ابدا واتنازل عن الافطار والعشا راح اكيد اوصل
الموضوع ومافيه يبيله صبر ونسيان الميزان ومقاومة الاغراءات
وعلى فكرة اذا ماتعشيتي لمدة اسبوع او اثنين بعدها راح تنسي وجبه العشا لان ماراح يجيكي جوع هالوقت بس ممكن ثاني يوم بالنهار تحسي بدوخة الى ان تاكلي
ملحوظة : ممكن في حال الجوع بالليل تاكلي حبه فاكهه او قطعه صغيره من الشيكولاته او تشربي لبن لان ماراح يتاثر الريجيم

انا سبق وقلت هالريجيم موصحي بس شسوي جربت كل ريجيمات العالم ومافادني شي او حل لي مشكله السمنة بشكل جذري

عليكم بس بالمكملات الغذائية فيتامين وحديد والخ

اخيرا بنات احب اقولكم ان الرشاقه حلوة بس الاكل كمان حلو ومافي حل بنظري الا هالطريقه جربوها وانسوها يعني انسوا انكم تسوون ريجيم وتعودوا ان اليوم كله عبارة عن وجبه واحدة وانسوا الميزان وبعد شهرين ثلاث شوفوا الفرق والله العظيم ااكدلكم انه الفرق راح يكون كبير

وعلى فكرة كثير من اللقاءات مع الممثلات لما كانوا بيسالوا الواحدة عن سبب رشاقتها كانت تقول انها بتكتفي بوجبه واحدة باليوم يعني هذي طريقه معروفه ومجربه مو بس مني
واختى لانها رشيقه يكفيها اسبوعين بس لترجع انحف من قبل ومثل ماقلتلكم اهم شيء انسوووووووووووااااااا الميزان

واللي تحب تسال انا بخدمتها رغم ان الريجيم مايحتاج سؤال لانه عبارة عن الغدا مثل المعتاد وبس
بس اللي تحب النتيجة تكون اسرع خليها تخفف يعني بدل خبزتين على الغدا تختصر وتخليها خبزة واحدة مثل ما كنت اسوي وهكذا
اوعدكم بنات اللي تمشي عليه بدون ملل راح توصل
انا ادعي ربنا بس يكون عندي نفس ارادة زمان لان الحين مع الضغوطات كل ما ازعل اقول بلاريجيم بلابطيخخخخخخ واروح اكل !!

بالتوفيق للكل
وان شاءالله الرشاقة لكل الطامحين اليها

ا