خلي القهوه تطول علي النار زي ماقالوا البنات 20دقيقه

مرحبا شوفي ياعمري انا الحمد لله صرت معروفه بقهوتي بعد ما كنت جدا فاشله فيها لكن من التجربه أكثر من مره واخذ البن الزين والهيل الهندي هو اﻷفضل اللي ريحته تخليك غصب تشربين القهوه
الطريقه <<<< اخلصي علينا
عبي نص الدله مويه وحطي عليها شويه خيوط زعفران وخليها تغلى
بعد ما تغلى حطي 4 الى 5 ملاعق صغار حقت الحلى ( بن ) ملاحظه افضل أنواع البن الخولاني وخوذي افتح درجه يعني الذهبي لو كنت من الشرقيه اشتريه من الشيوخ ولا التوفيق. .
وخليه يغلى اقل شي نص ساعه على نار هاديه واذا مستعجله خليها 20 دقيقه..
وحطي بترمس القهوه الهيل ملعقه كبيره مطحونه يعني اشتري الهيل حب وانتي تطحنيه بالبيت لان أذا خذيته مطحون يخرب وتروح نكهته. + ملعقه صغيره خلطه القصيم وبس
بعد ما تغلى القهوه صبها بس خذي مصفاه صغيره وانتي تصبين عشان لاينزل اللبن..
وبالهنا والعافيه..

اذا حابه تعطين طعم ولون افتح قبل لا تطفين عليها حطي شويه بس يعني اقل من ربع فنجان القهوه حليب بوني وخليها تغلى دقيقتين وطفي عنها. .
أو نص ملعقه صغير كوفي ميت ( مبيض القهوه ) بدال الحليب. .
والهيل ما افضل يغلى مع القهوه لانه بعدين يصير طعمها مر أو يغلى دقيقتين فقط..

واخيرا خلصت بس أنا أحب الشرح بالتفصيل الممل..
وبليز جربيها وبلغيني بالنتايج << حشى أختبار مو قهوه..

نفس كلا م الاخت غيور

أنا احط فجال قهوه قهوه وشوووووي حليب بودره واصب عليها مويه حاره واخليها تطبخ مو اقل من نص ساعه. ..
بالنسبه للهيل احط ملعقه صغيره بالترمس واذا حابه حطي عويدي واصب عليه شوي مويه حاره واقفل الترمس مزبووط واخلي الهيل ينقع ع بال القهوه ما تطبخ
اذ خلصت القهوه اقفل عليها واخلها سلامتكمفوا بعدين اصبها بالترمس

وبث

الله يجزاكم خير يابنات ويوفقكم ويحقق لكم مرادكم يارب جميعا بدون استثناء
وكل يوم بجرب طريقة لين قهوتي تعجب سي السيد بتاعي طفشني ماعاد احب القهوة كل يوم اسوي زمزميتين واكبهم ماتعجبه مره
مع اني اشري قهوة هرري وانقيها واحمسها واحط معاها مستكه وشيبه وكل يوم اطحن حق دلتين بس
واغلي المويه واحط فنجانين قهوة واخلي النار هاديه ربع ساعه وكل يومين اطحن هيل وعويدي ولا فيه فايده غيرت ابريق القهوة ولا فيه فايده
عاد هو يحب القهوة موووووووت
حتى رحت عند امه وقلت علميني كيف تسوين القهوة وطلعت تسويها مثلي بالضبط وخذيت من حمستهم نفس الشيء ماتغير شيء