اللي ردو ماقصرو الله يجزاهم خير
احب اقول ان النظام الغذائي او الرجيم لحاله بدون رياضه يكون النزول بطيء جداً وربما شبه معدوم
لكن اذا قررتي تمارسين رياضه تذكري انك لازم تبدأين بالتدريج ومو شرط كل يوم تمارسين الرياضه
يعني كمبتدئة مارسي رياضة المشي مابين سريع الى بطيء مع التركيز على التنفس او الزومبا للمبتدئين او شوي من تمارين الخمسه ميل اللي متوفره باليوتيوب المهم ان البدايه تكون لمدة 10 دقايق الى ربع ساعه فقط
ومع الايام زيدي الوقت بالتدريج الى ان توصلين نص ساعه او اكثر
لان من اكبر الاخطاء اللي يسوونها الناس انهم من اول يوم يهلكون انفسهم 30 إلى 60 دقيقه على الاجهزه ثم ينهارون من التعب وينسحبون لان الحماس راح مع الالم والشد اللي حسو فيه والضغط على الركب
والجسم عضلاته متيبسه ونايمه سنوات وفجأه يحملونها جهد قوي بدون تهيئة وتدرج
يعني لا تضغطين على نفسك من البدايه تدرجي في الرياضه حتى لو عمرك كبير ووزنك مثالي بالعكس الرياضه بإعتدال مفيده يكفي انها تنشط الدوره الدمويه

تسلمين اماني
من الصباح باروح محل الرياضه اخذ شريط المستوى الاول
وبشوف اذا تمكنت منه ببدا بالثاني
والله اول مره اشوف هالاشرطه ماكنت اعرفها

لاحول ولاقوه الا بالله
كنز من كنوز الجنه

عواطف تركي حبيبتي
ماقدر اعمل رياضه متواصله اكثر من خمس دقايق يتعب القلب عندي ورجلي ماتشيلني من التعب والوزن
انا كبيرة عمر لكن وزني ماهو مثالي فوق التسعين
بعد ما شلت الرحم من ست شهور بدا بطني يتضخم بشكل ماهو طبيعي مدري ليه
سألت الدكتور يقولي ماله علاقه شيل الرحم بالانتفاخ والتضخم
وباذن الله باخذ بنصايحكم وببدا بالتدريج ... خمس دقايق بالجهاز الي زي السيكل والاشرطه ... بكره الصباح بروح المحل
انا بهالسن الحرج لازم اساعد عمري لان محدن بيساعدني
لو ابدا بالقليل
بارك الله فيكن اجمعين

جزاكي الله خير