وهذي طريقة كبستي سهله وحلوه


اول شي قطعي الدجاج ونظفيه ونقعيه بمويه وملح ع بال ما تجهزين باقي الخطوات
خذي بصله متوسطه وافرميها وكشنيها مع البصل والبهارات الحب هيل وقرنفل وقرفه
بعدين بعد مايصفر شي بسيط حطي الدجاج بعد ماتغسلينه من الملح وقلبيه كم دقيقه
بعدين حطي البهارات المطحونه كركم نص ملعقه و فلفل اسود نص ملعقه صغيره وكمون ملعقه صغيره وبهارات الكبسه عندك اسناد مثلا حطي ملعقه


بعدين حطي نص حبه طماطم مفرومه فرررممم زي العصير يعني كثري مويه واذا تحبينه احمر حطي حبه طماطم بس انا يعجبني لونه يكون ع اصفر ولاتحطين معجون الطماطم ابد
خليه شوي وزيدي مويه وملحيه
واضغطيه ١٠ دقايق
بعدها الدجاج حطيه ف الفرن يتحمر والمرقه صفيها بالصفايه وهذي خطووه مهمه
عشان يكون الرز صافي
وبس حطي الرز وزيدي مويه اذا احتاج وذوقي الملح و اضغطي الرز ١٠ دقايق
ان شاء الله تعجبك تراها سهله وبنفس الوقت يطلع شكلها وطعمها حلو 😋
والضغط اذا ماتعرفين له ممكن اول وثاني وثالث مره ماتزبطينه لانك ماتعرفين قد ايش يناسب المويه بس فتره وتزبطينه ان شاء الله

نفس زوجي بالرغم ان اهله يعجبهم طبخي الا هو ! اذا هو نفس زوجي يفضل تطبخين اكل قريب من اكل المستشفيات -____- مايستاهلون اكل سنع

فديتك ادخلي اليوتيوب واكتبي اي اكله يحبها زوجك وراح يطبخوها قدامك وانتي شوفيها وطبقيها وبرضوه اكتبي ف قوقل اي طبخه تحبيها او يحبها زوجك مثلا اكتبي طريقة ورق العنب ب الصور راح تطلع لك طريقة ورق العنب ب الصور والمقادير حتى النهايه انا وربي تزوجت ماعرف اطبخ شيء حتى بيض ماعرف وزوجي ماشاء الله شجعني كثير وساعدني ب الكلام حتى بديت اتعلم وكان طبخي مايعجبه بس يمدحني والحين ماشاء الله تبارك الله صرت ماهره ف الطبخ ودايم ابيض وجهه عند ضيوفه ويقول يمدحون طبخك وانا مبسوط انتي سوي مثلي ادخلي اليوتيوب وتعلمي وربي راح تحبين الطبخ وتصيرين خبره فيه عادي كل يوم تفنني ف طبخه اول مره ماراح تضبط معاك وثاني مره بيكون افضل بشوي وثالث مره ب اذن الله تضبطيها حتى او فشلتي ف الطبخه كرريها اكثر حتى تضبطيها وشجعي نفسك انك راح تصيرين طباخه وامدحي نفسك مع الايام الناس تمدحك

اذا المشكله بالزفره بعد ماتغسلي الدجاج ادهنيه بالطحينه وخليه شوي وبعدين اشطفيه يجيكي الدجاج ابيض كانه طازج وكملي طبخ ان شاء الله راح اكتبلك طريقة كبسات مضبوطه راح تدعيلي بس بس بعد مارجع من التحفي