وجيدة :

السلام عليكم اول شي اعرفي هو يحب الاكل يكون مبهر والا لا وبعدها ابدأي التطبيق بسم الله الذي لا يضر مع ذكر اسمه شي في الارض ولا في السماء وهو السميع العليم اول شي يا طويله العمر الكشنه انا طريقتي في الكشنه مختصره وتطلع لذيييييذة والله مع ان الاخرين دائما يعارضوني عليها بس اول ما يذوقونها يسكتون الي هي كالاتي احط البصل والطماطم والثوم في الخلاط مع بعض>> اذا زوجك ما يحب الثوم شيليه بعدها في الفرن احط زيت واحط عليه الكشنه واحط البهارات مره وحده الي هي فلفل اسود, كمون,بهارات منال العالم للكبسه او ابازير للكبسه او اخلطييهم سوا وهذا الي انا اسويه نص عود قرفه ليمون اسود 4 حبات قرنفل (مسمار او عويدي ) 4 حبات هيل و1 مكعب ماجي بهارات دجاج تكا بهارات البرياني كاري وكركم بكميات صغيره + ملعقه كبيره معجون طماطم احركها شوي وبعدها احط عليه الدجاج يكون مقطع زي ما تبغين ولاحظي اني ما حطيت ملح المهم اكتمي القدر و اول ما يبدا القدر يصفر واحسبي له 15 دقيقه بعدها حطي ملح وذوقي لين توصلين للطعم المطلوب واذا زوجك يعاني من ارتفاع الضغط لا تكثرين ملح حطي الرز طبعا يكون مغسول ومنقع وبعدها سكري قدرك وانا اختك وخلي النار مرفوعه لين يصفر القدر وارخي النار واحسبي له 10 دقايق وبالعافيه

السلام عليكم اول شي اعرفي هو يحب الاكل يكون مبهر والا لا وبعدها ابدأي التطبيق بسم الله الذي لا...

عواطف تركي :

علمينا طريقتك في الطبخ عشان نعرف وين الخلل حسب كلامك انه كان يحب طبخك من قبل بس الحين يقول تغير عموماً الكبسات المضبوطه هي اللي تحترمين ترتيب مراحلها وتعطين كل مرحله وقتها من التحريك الى ان تتسبك زين اللحم مع البصل والفلفل البارد والتوابل والطماطم ثم اضيفي له الماء ولا تكثرين لان كثرة الماء يضيع النكهه ومن اسرار مذاق الكبسه الممتازه هي البهارات المشكله المطحونه والتوابل الحب الصحيحه اعواد قرفه عويدي فلفل اسود ليمون اسود والزنجبيل الطازج ابشريه او قطعيه اعواد والكزبره الطازجه مع اعوادها افرميها فرم خشن واضيفيها للكشنه واستمتعي بمذاق الكبسه كيف يتغير

علمينا طريقتك في الطبخ عشان نعرف وين الخلل حسب كلامك انه كان يحب طبخك من قبل بس الحين يقول تغير...