الفتاة الشامية :

موضوع رائع و مهم فعلا و أحب أن أبين أن القول بأن زيت الزيتون يسبب ضررا عند القلي أو الطبخ فهو من الأخطاء الشائعة أو المتداولة و الموقع التالي يبين الكثير من الأخطاء المتداولة حول زيت الزيتون و الرد العلمي و الطبي عليها و هذا سؤال من الأسئلة المطروحة في الموقع : Can I deep fry croquettes in olive oil without an undesirable taste ? Is it healthy ? If it the answer is yes, why is there so little information publicized and why don't the fast food restaurants use it ? و هذا الجواب : و الذي يبين أن المطاعم لا تستعمل زيت الزيتون للقلي لغلاء ثمنه بالمقارنة مع بقية الزيوت غير أنه أكثر زيت صحي للقلي و الطهي : we're trying our best to get the word out about the healthy aspects of olive oil. Fast food restaurants will never use olive oil, its just too expensive compared to seed oils such as canola, safflower, etc. What may be affordable for a home cook wouldn't pencil for a big chain where costs are shaved by fractions of a cent for each order of fries. Olive pomace oil is often recommended for frying due to the fact that it is cheaper than virgin olive oil. Olive pomace oil and virgin olive oil are both high monounsaturated oils and therefore resistant to oxidation (rancidity). و هذا هو الموقع لمن تحب أن تتصفح جميع الشائعات حول زيت الزيتون مع الرد الطبي عليها http://www.oliveoilsource.com/cooking_olive_oil.htm ياريت عند ذكر معلومة أن يتم ذكر المصدر الطبي أو العلمي حتى يستفيد الجميع و جزاكم الله خيرا

موضوع رائع و مهم فعلا و أحب أن أبين أن القول بأن زيت الزيتون يسبب ضررا عند القلي أو الطبخ فهو...

شام :

مجنونة ابو العيال ........الله يخليلك ياه :) صحيح كلامك لكن هالشي بيعتمد على حسب تفاعلك مع الغربة ونشاطك فيها .... يعني لو كنت بتحبي قعدة البيت وما عندك شي تعمليه وشغلك معقول اكيد لازم تسمني لو أكلم مو كتير لكن لو كنت بتطلعي وبتفوتي وبتدرس او بتشغتلي أو أو ....أكيد في مجال للحركة الطاقة طبعا الغربة لها تأثيرات جانبية كثيرة :27: هههه متل الدواء لكن زيادة الزن واحد من تأثيراتها .... أسعدتني مشاركتك أختي مشاعر نجمة حياك الله أعتقد يجب ان تراجعي طبيب ..... لان وزنك قليل جدا أعانك الله ورزقك القوة والعافية عزيزتي فتاة شامية مشكورة على وضع الرابط يا ريت تترجميلنا ياه :D هههه ورطة يعني أنا قرأت منه الكثير لكن أكيد في اخوات ما بيقدروا يفهموا الكلام كله فلو عندك وقت تترجميلنا الشي المهم طبعا ... بارك الله فيك ويا ريت تحكيلنا كمان عن تجربتك بالوزن ......وما ادراك ما الوزن :) أهلا وسهلا فيك مرة تانية

مجنونة ابو العيال ........الله يخليلك ياه :) صحيح كلامك لكن هالشي بيعتمد على حسب...

فتاة سورية :

اولا اسمحلوا اعتذر عن انقطاعي ما رأيك تجاه هذا الرأي ...؟؟؟؟ اعتقد انه صحيح وهل ازداد وزنك في الغربة بشكل كبير ومختلف عن البلد .......؟؟؟؟ نعم بشكل واضح وملحوظ بس الصراحة ما بعرف هل فعلا بسبب الغربة او بسبب الحمل والولادة ...بس اذكر ان انا هنا صرت اكل بكميات اكثر من الي كنت اكلها عند اهلي ...خصوصا وقت اكون طفشانة او متضايقة احط هالاكل وانزل فيه هل تعتبرين هذا مشكلة ؟؟ وما مدى حجم هذه المشكلة بالنسبة لتفكيرك وسلوكك ؟؟ الصراحة بدات اعتبرها مشكلة من فترة شي سنتين ...في البداية كنت مشغولة مع الاولاد وما كنت افضى اهتم بحالي اما الان الحمد لله كبروا الاولاد شوي ولما انتبهت على حالي ...زعلت لاني فعلا كنت صحانة كثير ...الحمد لله هذا الموضوع ما باثر سلبيا على نفسيتي الان الا اني صرت انتبه اكثر لحالي وكل ما لاحظت ان وزني طلع ولو كيلو واحد على طول ارجع اخفف اكل لختى ينزل بس وقت كنت صحانة كان مضايقني كثير ومن كثر الضيق اجاني الحماس ان اتبع نظام تخفيف الاكل والاستمرار عليه اثر على سلوكي حاليا من ناحية ان صرت على غير العادة اقرا كل اكلة كم فيها من السعرات واحسب كم من السعرات اكلت لهذا اليوم وهذا الشي بضايقني مجرد احساسي اني عم احسب السعرات بضايقني هل حاولت أو جربت نظام حمية من قبل . وما هو ؟؟؟؟ جربت نظام الاخت جوردن وهو عبارة عن تخفيف الاكل للنصف وذكرته من قبل في كثيييير من المواضيع وهذا الكلام كان من شي سنتين هل تتدربين ؟؟؟ ما فهمت اذا كان قصدك الرياضة فكنت امشي تقريبا نص ساعة 3 مرات في الاسبوع وهل استطعت إعادة وزنك للسابق أم أنه صعب ......؟؟؟؟ الحمد لله عاد وزني للسابق متل لما كنت بنت قبل الزواج خلال شهرين تقريبا نزلت 12 كيلو بدون تعب او حرمان من الحلويات ..وللان ما رجع طلع احيانا بيطلع شي كيلو او اتنين بس على طول بخفف اكل وخلال اسبوعين برجع بنزلهم وما الحلول العملية التي نستطيع الخروج بها من هذا الموضوع .......؟؟ اعتقد ان اهم شي الابتعاد كليا عن الاكل بين الوجبات خصوصا الاكل الدسم او الحلويات يعني لو خضروات ان شاء الله ما امشكلة ثانيا بعض الامهات بعد ما بياكلوا وبيشبعوا بياكلوا الباقي بصحون اولادهم لان حرام يكبوها وهذا غلط كمان ...ممكن ما يصبوا لاولادهم كثير من البداية او ياكلوا القليل فقط بحيث لو زاد شي من صحن الاولاد وحبوا ياكلوه ما يكونوا عم ياكلوا زيادة ترك عادة الاكل وقت الطفش او وقت التضايق واهم شي وقت التفرج على التلفزيون استبدال الاكل كامل الدسم بقليل او معدوم الدسم مثل الحليب او البسكويتات او حتى الايسكريم كل شي فيه منه بدون دسم بكون افضل واكيد عدم الاكثار من الحلويات ...انا الصراحة اذا اشتهيت الحلو كثير استبدله بالعشا يعني بدل ما اتعشى اكل تويكس .."ما بعرف اذا هذا صح او خطأ" المواظبة على الرياضة ولو ربع ساعة يوميا " ولو اني اعتقد الجري ورا البيت ونظافته ورا الاولاد بكفي وزيادة" :) هذا الي خطر في بالي حاليا وهذا جواب سريع على الاسئلة ان شاء الله اكون افدتكم على فكرة انا ما قرات الردود السابقة ان شاء الله افضى اقراهم وارد عليها اذا كان عندي لها رد نسيت اقول لكم نقطة لما كنت عم اتبع نظام تخيف الاكل ساويت بعض الحركات في المطبخ تخليني اتحرك اكثر يعني بعدت المنشفة عن المغسلة ...صرت لما اغسل ايدي واجي لانشف امشي لعند المنشفة انشف وارجع وكذلك الزبالة" الله يكرمكم" شلتها من تحت المغسلة وحطيتها بنهاية المطبخ لنفس السبب .. وكمان مساكات الايدين بعدتها عن الفرن لما بدي اطالع شي من الفرن امشي لعند المساكات واخذهم وارجع للفرن وبعدين ارجعهم مكانهم وهكذا .....فصرت احس اني وانا بالمطبخ عم اتحرك اكثر ...صحي عم اتعب اكثر بس رياضة سريعة وداخلة ضمن الواجبات اليومية

اولا اسمحلوا اعتذر عن انقطاعي ما رأيك تجاه هذا الرأي ...؟؟؟؟ اعتقد انه صحيح وهل ازداد...