كوبونات الراقية تسجيل الدخول

فدا عيونه
فدا عيونه •
يااخوات زي ماهو مكتوب في العنوان رز باب الهند عنبر تعبت
وانا اطبخه :cook:ماتسير حبته طويلة ومرات يتعجن علي لاتقولولي
نقعيه نقعته ولا فاد جارتي تطبخ من غير نقع ويسيرجنان
طعمة وريحتة تجنن بس طبخة متعب
ارجوكم اعطوني مقادير الماء بالتمام لكل كاس رز :44:

السلام عليكم اختي ام احمد شوفي انا عمري مافكرت اطبخ رز العنبر لين ذقته من ايدين سلفتي الله يرزقها الجنه وهي من سكان الشرقيه وداخلين في ناس من الكويت وعاد اهل الخليج هم اهل العنبر واجيك اسألها عن الطريقه وانفذها وطلعت روعه
اولا رز باب الهند نوعين واحد بكيس بلاستك ملون وعليه رسومات بوابه وخيول وعربه وناس وهومعتق وحبته اطول وطبعا اغلا
والثاني خياش بس حبته اقصر هذا للمعلوميه
نجي للطريقه بس لاتستغربينها وشوري عليك جربيها وراح تدعين لي ولاتنسين من علمني اياها
اولا اغسلي الرز
ثم انقعيه لمدة نص ساعه بمويه حاره
بعدين صفيه من موية النقع
وحطيه بقدر اكبر من كمية الرز لانك راح تحتاجين لكل كاس رز لترمويه مغليه ملحي المويه بالشكل اللي يناسبك واضيفي ماجي ابيض وممكن نصف كاس مرق من الدجاج اللي طبختيه اذا مافيه بهارولاينفع مرق اللحم
راح تلاحظين ان المويه اكثر من الرز بواجد وهذا هو المطلوب
ولعي النار عليه وخليه يطبخ لمدة عشر دقايق ولاتبعدين كل شوي ذوقي الرز لاتخلين الرز يلين مرهولايكون حب
الخطوه الاخيره صفي الرز من القدر وخليه شوي لين تروح كل مويته بعدين رجعيه للقدر مره ثانيه طبعا بدون مويه حطي عليه زيت راح يحتاج كميه من الزيت تقريبا 8ملاعق للكاسين
وحطي عليه شوي كركم او صفار الزعفران وبصل محموس
ولعي عليه نارواطيه من جديد لين يلصق الرز بقاع القدرالوقت يمكن ربع ساعه اوعشر دقايق اذا استفدتي تكفين ردي لي
حلقانيه
حلقانيه •
عصير فراولة عصير فراولة :
حبيبتي أنتي أي نوعية تستخدمين؟؟ ترا نوعين باب الهند اللي حبته طويلة وما تنكسر يجي في كيس بلاستك ومكتوب عليه كلاسيك أما اللي يجي في خيش هذا تتكسر حبته وعن تجربة الكثيرين وبالتوفيق
حبيبتي أنتي أي نوعية تستخدمين؟؟ ترا نوعين باب الهند اللي حبته طويلة وما تنكسر يجي في كيس بلاستك...
قللي المويه مره
كوكتيلا
كوكتيلا •
حبيبتي انا مثلك دوخني هالرز واتحداه ذاك اليوم من كثر ما قهرني ومن كثر ما غيرت في الطرق ولا فاد وهذي نتيجة التحدي ولله الحمد رز منتثرماشاء الله لا قوة الا بالله والطريقة كا لاتي:
غسلي الرز بدون نقع حطيه في قدر فيه مويه مغليه حارة مرا وحطي ماجي ابيض وهيل و مسمار ودارسين وملح واذا تبين كزبرة ناشفة في راس الملعقة الصغيرة واوقفي عليه لا تروحين لا يمين ولا يسار لمين تشوفين الرز انتفش وصار الين شوي مو كثير يعني مقرب يلين وطلعيه من القدر وحطيه في مشخالة حديد ونقصي من الموية اللي في القدر وحطي الرز بمشخالته فوق القدر واكتميه بقصدير وانسيه يس انتبهي لا تخلص الموية اللي تحت في القدر شيكي عليه بين فترة واخرى وابد اذا خلصتي من غداك الدجاج او لحم........ اكشفي القصدير وحطي اللون الاصفر واذا تبين بصل محموس بزيت مع كزبرة نا شفة او حطي زبيب اغسليه وحطيه في حفرة على جنب الرز مع اللون الاصفر ولا تنسين شوي زبدة حركيها بنعومة علشان ما يتكسر الرز
والله هذي الطريقة مريحة اذا حطيتيه في صحن التقديم يحسبونه من برا وبعدين ما تشيلين هم زادة المويه نعجن ولا ناشف لا لا لا بس اهم شي حطيه في قد مريح لللرز وموية كثيرة مو مهم المقاس بس امانة اذا نجحت معك تدعين لي ولزوجي وذريتي ووالديني بالعفو والعافية دنيا واخرة
RerOoO*2009
RerOoO*2009 •
up
charming_roro
charming_roro •
انا اطبخه من دون نقع وحبته تطلع طويلة وشكلها يجنن
اول شئ حطي زيت على النار وحطي الرز عليه وقلبيه مع الزيت دقيقتين وبعدين اسكبي مويه عليه خلي المويه تغطي الرز تقريبا 2 سم وبعدين خلي النار عالية عليه ولما يبدا الماء يتشرب قصري النار مررررررررررة واذا عندك حديدة زي غطا علبة النيدو احسن حطيها تحتها وغطي القدر وخليه يستوي على راحته ويطلع احلى رز