من الدايركت

كنت دائما ما ادعي ربي ولايستجيب لي جلست اربع سنوات ادعي ربي بماده بالجامعة اشوف الكل ينجح فيها الا انا رغم اني محافظه على صلاتي واحاول ارضي ربي ووالديني وما اسمع اغاني لكن ما يستجيب ربي دعائي واستغرب كيف الكل ينجح الا انا بمرة من المرات سمعت عبارة من احد المشايخ انه لاتنظر الى صغر المعصية ولكن انظر الى عظم من عصيت او حاجه زي كدا فجلست افكر ايش عندي من ذنوب تخلي دعائي ممكن مايستجاب وتذكرت ذنب كنت اسويه لكن مستهييينه فيه مررة قلت خليني اجرب واحاول قد ما اقدر اني ابتعد عن هالذنب .. والله الذي لا اله الا هو من بعدها بنفس الفترة كانت معاي هذي المادة ادرسها ودرجاتي زففت فيها لكني دعيت ربي بقيام الليل وبكل وقت زي كل سنة يعني اخذ هالمادة وارسب فيها لكن هالمرة كنت تاركه الذنب اللي اسويه والحمدلله نجحت فيها مع انو ماتوقعت ابدا
بعدها عزمت اني اترك هالذنب نهائي صحيح احيانا اغفل واسويه بس استغفر ع طول المهم بقلبي عقدت العزم على تركه من بعدها وانا اشوف كثيير من دعواتي تستجاب بفضل ربي سبحانه دعيت ربي دعوات كثيره زي الزواج والعافية و
كل ماواجهتني مشكله بسيطه او كبيرة اشوفها تنحل بكل يسر يارب لك الحمد والشكر فعلا لاتنظرون لحجم المعصية اللي تسوونها وتقولون ربي غفور رحيم والذنب بسيط لا انظروا لعظم إللي عصيتوه سبحانه ولاتاخذكم العزة بالاثم والله كنت غافله عن هالشئ مع اني استغفر كثير وقتها لكن ايش الفايده وانا ماعزمت على ترك الذنب كنت اقول انه بسيط ما يستاهل بس يوم تركته انفتحت لي امور كثير حتى نفسيتي اتحسنت الحمدلله الحمدلله الحمدلله فكروا يابنات ولاتضيعون اعماركم بذنوب انتم في غنى عنها ولو تركتوها يعوضكم ربي بالاجمل ..
#لا حول ولا قوة الا بالله
لا حول ولا قوة الا بالله

قصتي
عنوانها من عاب أخاه بذنب لم يمت حتى يفعله..
انا تشمت بوحده- في قلبي- من دون ماأنطق بحرف تشمت فيها سنين انها ماكانت تصحى الصبح وتصحي عيالها للمدرسة كانوا يصحون بلحالهم وابوهم يشتري لهم الساندويشات الجاهزه ويفطرهم ويروحون للمدرسة ، وعلى هالحال يمكن أكثر من تسع سنين بعدها كبروا عيالي ودخلوا المدرسة وكنت زي اي ام اصحيهم واجهز فسحتهم وافطرهم ويروحون ماكنت ادري وش مخبي لي القدر حملت بعدها وصرت اسهر الين الفجر من تعب الحمل وهمه وبعدها اصلي وانام ولاأصحى الاالساعه سبع بعد مايروحون للمدارس واقوم مفزوعه اطل في غرف عيالي ماألقاهم وادق على زوجي يقول وديتهم لمدرستهم وكان عادي بعدين زاد الموضوع عن حده صار كل يوم ، ماادري وش لبسوا ولا وش كلوا ولا ادري حتى هم ياخذون فطور او فلوس وصرت ابكي كل يوم الصبح اذا صحيت ومالقيتهم وجا الشتاء وتفاجأت انهم احيانا رايحين بدون فطور ولا حتى بلوڤر وتعبت نفسيتي وحسيت اني ام فاسده ماأستاهلهم وصرت ادعي ربي انه يصلح حالي وكانت بنتي تقول تكفين قومي الصبح قبل مااروح ابي اشوفك وكلام يقطع القلب وكنت اجاهد نفسي مااستسلمت لحظه ومع التفكير في الشي اللي وصلني لهالحاله تذكرت هذي الحرمه وقلت بس هذي عقوبتي وصرت استغفر كثيييير وادعي ربي وتبت له وندمت على استهزائي واصلي الليل أحياناً وادعي وانا ابكي بكا يقطع القلب قعدت على حالي ثلاث سنين الين اصلح ربي حالي ورجعت زي قبل ولله الحمد والمنه ❤️
مايستفاد من القصة :
لاتعيبين على أحد ولاتستنقصين منه حتى لو في نفسك ، اذا دعيتي ربك بشي استمري وألحي .
#سبحان الله وبحمده
سبحان الله العظيم

من الدايركت
انا مااطلع من بيتي الا وانا مستودعه نفسي واهلي ومالي وجميع مارزقتني مره بالجامعه وصاحباتي ننتظر الدكتوره لمن تجي كنت جالسه على الكرسي ووحده من صاحباتي على الطاوله ونسولف عادي اﻻ شي ياخذني من مكاني ويجلسني جنب صاحبتي اﻻ ع الطاوله والله كاني بغيبوبه كيف قمت وكيف اتحركت من مكاني ما ادري ما انتبهت اﻻ وانا ع الطاوله بمجرد ماجلست اﻻ ويطيح مربع السقف على كرسيه بالتمام لو تأخرت ثانيه بالقومه يطيح على راسي وتدخل القطع بشنطتي وينعدم كرسيه الحمدلله نجيت بإستوداع الله نفسي واﻻعجب ان الحبر داخل الدفتر ساح من المويه ﻻن القطعه طاحت بسبب مويه التكييف المركزي لكن فلوسي ما جاها شي وﻻ حتى ابتلت ﻻني استودعت نفسي ومالي من بعدها ماصرت اترك اﻻستوداع ابدا..
#استغفر الله العظيم
استغفر الله العظيم

من الدايركت
.
بتكلم عن حاجتين مهم وصارت معي انا شخصياً * البلاء موكل بالمنطق*
*من عاب ابتلى *
كلها بسالفه وحده.. انا وحده كنت اذكر لفظ الطلاق بشكل كثير .. حتى وانا مو متزوجه ، يعني مثلاً اذا جمعت اغراض لي وطلعتها اسميها* عفش مطلقه* ..اذا خربت نفسيتي اقول * نفسية وحده مطلقه* وفيه مره انتشر برودكاست عن انه نفسيتي نفسية مطلقه وضحكت عليه وارسلته ..حتى انو حذرتني وحده وقالت انتبهي ترا البلاء موكل بالمنطق.. +
وبهذيك الفتره خطبني واحد منفصل ..جيت انا بكل ثقه قلت : خييير انا اتزوج واحد مطلق!! ..خليه يدور على مطلقه مثله .. *استغفرالله* :( بعد فتره من الزمان انخطبت لواحد ثاني ووافقت عليه مع اني ماكنت مرتاحه ، بس سبحان اللي يمشينا على الاقدار ..اول ماتملكت وبنفس اليوم ويجيني شي مو طبيعي من النفور من ناحيته ..شي لا استطيع شرحه ، ماكملت شهر وتطلقت ..مع اننا منفصلين عن بعض بعد اسبوع من الملكه بس ماوقع الطلاق اللفظي الا بعد شهر *
*
نصيحه : انتبهوا لكلامكم ولا تتكلمون الا بخير .. ولا تستصغرون الناس ابداً
اسأل الله ان يهدينا جميعاً ❤
#اللهم اجعل كتابي في عليين واحفظ لساني عن العالمين
امين

من الدايركت
😆 ولد عمي ساكن بالجبيل وراح مع صديقه لحفر الباطن بدون مايعلم اهله انه بيسافر الولد عمره عشرين سنه ،وصار لهم حادث بالطريق اكثر شي تضرر ولد عمي وقالوا لنا نسبة شفائه٥٪،امه بكت بكي يقطع القلبهو اكبر ولد عندهم وهو اللي قايم فالبيت المهم ارسلو اوراقه وتحاليله لألمانيا قالو مستحيل يقوم من الغيبوبه الا بعد ستة اشهر هذا اذا قام بعد لان المخ جايه دم ،وكل اللي راحو وزاروه قالو ماضنتي بيصحى وبيمشي يوم من الايام طبعاً كلنا ندعي له وراحت اختي مع زوجها للمستشفى يشوفون حالته ويزورونه رجعت تبكي تقول معاق والله مستحيل يرجع زي قبل ،طبعاً ام الولد ايش كانت تسوي كانت تشتري كراتين مويه بارده وتوزعها على عمال النظافه اللي بشارع وتحط مع المويه عشرة ريال لكل عامل بنية شفاء ولدها تقول بعز الحر اطلع للشوارع انا وكراتيني واوزع ،صحيح انه مبلغ بسيط وعمل بسيط بس مع اليقين برب العالمين ربي انزل عليه شفاء وصحى من الغيبوبهوطلع للبيت والحمد لله صار يمشي شوي شوي طبعاً الحادث صار بشهر ٨يعني قبل شهر تقريباً شفتوا كيف قدرة رب العالمين فوق قدرة الاطباء ،والحين هو بأتم الصحه والعافيه لك الحمد يارب العالمين
#سبحان الله والحمدلله
ولا اله الا الله والله اكبر