من الايميل كنا في الويكند انا واهلي نايمين ببيت جدتي عشان العمال ببيتنا وكذا .. المهم بليلة السبت نمنا انا وامي يمكن الساعه ٢ او شي زي كذا ويوم اذن قمنا نصلي وبعدها كل وحده مسكت جوالها شوي الا تقولي امي تعالي نطلع للصاله نقعد فيها احسن م نزعج اخواني النايميين طبعا كنا كلنا نايمين بمجلس الرجال .. طلعنا بالصاله والصاله تصير تحت الدرج على طول .. قعدنا نسولف وشوي جا اخوي جلس معانا يمكن قعدنا ٤ ساعات نسولف ويوم جت ٩ طلعت جدتي وقالت تعالو نطلع برا بالصاله الثانيه احسن .. مر نقوووم ونروح مع جدتي اااقسسم بايات الله حنا طلعنا من هنا وطاح السقف من هنااا .. اول ما سمعت الصوت كان ققووي مره راح بالي انه اذا طاح خلاص بينهدم البيت واخواني جوا كيف اطلعهم امي من الروعه ماتحركت بس قالت لي انا واخوي بسسسرعه جيبو ااااخوااانكم واركض انا اجيب اخوي الصغير واخوي الثاني يقوم خواتي البيت بينهدم البيت بينهدم وياحياتي هم فزو وقامو يهجون وكششهم طايره مايسمعون الا البيت بينهدم المهم ونطلع للحوش وانا ارتججففف مررره والله بحياتي ماصار لي كذا ولا ان شاء الله يصير .. شوي قعدت الا اتذكر ان قبل م نطلع للصاله اللي تحت الدرج كنت فاتحه باث ومرت صوره فيها الاذكار وكنت متعيجزه اقرا بس قلت وش وراي خلني اقررت .. عقبببهها دعيييت للبنت وقللللللتت ان شاء الله ماراح اقطع الاذكار صدق ربي الحافظ .. يوم هدت الاوضاع دخلت بشوف وش صار جوا بالصاله طلع الجبس من فوق طاح وعلى مكاني انا وامي اكثر شي بععد بعد هذا الموقف عرفت فضل الاذكار صدق ❤️ داومو عليهااا صدقوني بعد الله بتحفظكم من كل شي ومايبيلها ولا خمس دقايق ..
اللهم احفظني انا واهلي وكل من يقول امين من كل مكروه وسوء

من الدايركت

بعد ما توفى والدي رحمة الله عليه عودنا انفسنا انا وأمي واخواني في كل يوم جمعه ندعيله ولأموات المسلمين ولأنفسنا في ساعة الإستجابه واللي ينسى نذكره ..وانا متزوجه ومعلمه ومستقره خارج مدينة اهلي وفي يوم من الأيام كان السبت أول يوم دوام فجتني متدربه كانت عندنا في المدرسه معرفتي فيها أقل من اسبوعين .. وقالت لي يا ساره أبوك متوفي والا عايش؟!لأني تحلمت فيه ..
(تقول شفت اللهم اجعله خير ..
كأنه يوم جمعه وفيه رجال كبير بالعمر جالس في مجلس وينتظر ويتلفت
تقول يوم شفته سألته.. وقال انا انتظر كل جمعه أجلس في هذا المكان .. وسكت ما كمّل..!! و شافتني جايته ومشغوله))انتهى
تعجبت من الحلم وعلمتني .. وقلت لها حنا كل جمعه نوحد الدعاء ﻷبوي بوقت الإستجابه
وانا كنت مشغووله وفاتتني ساعه الاستجابه
وأتصلت على اهلي اسألهم عن إذا كانو دعو او لا ..وتفاجأت يوم قالو كنا طالعين ونسينا ندعي يعني ولا أحد دعا
فقالت سبحان الله أكيد هذي رساله ببشارة خير ان دعواتكم توصله ويفرح فيها وينتظرها
ولا تقطعون هذي السنه .. اللهم أرحم والدي وأدخله فسيح جناتك ..وجميع موتانا وموتا المسلمين
#اللهم اغفر لي وارحمني
اللهم اغفر لمواتنا وموتى المسلمين

من الدايركت
بذكر لكم موقف مريت انا فيه بخصوص اليتامى وعمل الخير لهم
مره كنت في هم ما يعلمه فيه الا الله الدنيا متسكره بوجهي من كل جهه وكنت صابرره ومحتسبه الأجر المهم من الضيقه الي فيني حسيت ابي اطلع بروح اي مكان رحت للسوق وامشي بدون هدف والاقي قدامي كشك الجهات الخيرية حقت التبرعات لقيته خاص بالايتام وأوقف عنده واقرا بالمنشورات لقيت منشوره فيها تبرع مبلغ مالي ريعه يروح لتقديم هدايا للأيتام لإدخال السعاده في قلوبهم !!عجبتني الفكره كثير انا كنت في مرحلة ابي احس بالسعاده وحسيت فيهم تبرعت وانا فرحانه من كل قلبي اني بكون سبب في سعادة هالايتام 💕 وش أقول بس بعدها ياهيون تسخرت لي أسباب ماكانت على البال ولا على الخاطر الحمدلله والشكر 💕 حاجتنا لتقديم الخير اكثر من حاجة الناس الي نتبرع لهم ❤️ كلها بركه وسعة في الرزق وراحة بال هذا غير ثواب الاخره ! اهم شي النيه وانتو تتبرعون️انوو فيها خير الدنيا والأخره انوو فيها التقرب لربي بالطاعات مو بس خير الدنيا️ انوو فيها اللهم انك عفو كريم تحب العفو فاعفو عنا ،، اذا ربي عفا عنك بعدها الرزق بيجيك بإذن الله❤️
كفالة اليتيم من أعظم الذخر الذي يدخره العبد عند لقاء الله سبحانه وتعالى، قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : " أَنَا وَكَافِلُ الْيَتِيمِ كَهَاتَيْنِ فِي الْجَنَّةِ ، وَأَشَارَ بِالسَّبَّابَةِ وَالْوُسْطَى ، وَفَرَّقَ بَيْنَهُمَا قَلِيلًا "
وميزتها انها كل يوم تحسب لك صدقه ❤️ لانه كل يوم ينسحب منك ٤٠ هلله
تدرون ٤٠ هلله كم تساوي بالشهر ؟ ١٢ ريال بس 💕 قيمة قليله بفايده عظيمه احنا كنا غافلين عنها
لا وبعد فيها تبرع للوالدين ❤️ الطريقه : الجمعية الخيرية لرعاية الايتام (انسان) @ensanorg
١/ أرسل رسالة فارغة للرقم 5055
من أي شركةأتصال
تسهم بكفالة #يتيم بـ10ريال >هذا تبرع لمره وحده بس

٢/ بعدين تجيك رساله ثانيه منهم
تم استلام تبرعك بمبلغ 10 ريال لصالح الجمعية الخيرية لرعاية الايتام (انسان) بإمكانك التبرع اليومي بمبلغ 40 هلله من خلال إرسال رقم 1 إلى 5055 ، وللتبرع عن الوالدين بإشتراك يومي بمبلغ 40 هلله أرسل رقم 11الى 5055

من الدايركت

كنت مسافره مع حمولتي وكنا كثار كان الشقه اللي ماخذينها زي البيت دور فوق وتحت المهم الحريم صاروا فوق والرجال تحت وعندهم المطبخ تحت مره عقب ماتعشينا وخلصنا جلسنا نرتب الغرفه من الحوسه المهم انا اخذت علب موية الصحه جمعتها ورميتها في الزباله قالت حماتي حرام ترمينها فيها مويه قلت بس من بيشربها محد قابل يشربها عقب احد ولا عقب بزران وخليتها مرميه بالزباله المهم جلست سهرت مع البنات لين دخت قلت خلاص بروح انام جيت بنام احس بعطش قوي قلت بنزل تحت للمطبخ اشرب مويه نزلت كان باب المطبخ مسكر حاولت افتحه ماقدرت واحاول واحاول فيه عجززت ينفتح وارقى للبنات معكم مويه قالوا لااا قلت باب المطبخ مسكر ماعرفت افتحه نزلت معي وحده حاولت تفتحه نفس الشي ماقدرت تفتح الباب قالت بدخل غرفة الرجال وافتح من الباب اللي عندهم لانه الرجال اخوانها وعمها وابوها بس المهم دخلت شوي شوي لانهم كانوا نايمين كلهم وصلت عند الباب ووقفت شافت عمها نايم عند الباب مرره من الزحمه تقول ماقدر اقوم عمي لو اخوي قومته عشان افتح الباب ورجعنا نحاول في الباب اللي حولنا ابد مانفتح رقيت قلت موب لازم مويه واروح انام عجزززت يجيني نوم وانا عطشااانه حسيت اني بموت لو ماشربت حلقي ياااابس واقوم اتذكر علب المويه اللي رميتها في الزباله والله من دون شعور قمت واخذت لي علبه واشرب واشرب بدون ماحس بنفسي من العطش وربي احس نفسي بصحراء ذيك الساعه ولقيت واحة مويه عقب مارتويت ضاااق صدري مرره قلت هذي عقوبه من ربي بيذكرني شلون تكبرت على النعمه ورميتها بالزباله ومن ساعتها وانا ماارمي اي علبه فيها مويه اخليها للطيور تشربها صااار درس لي ماانساه طوول عمري صرت اقول قصتي للكل عشان يتعضون مني ومانتكبر ع النعمه ابد

#لا اله الا انت سبحانك اني كنت من الظالمين

امين يارب وياك
الحمدلله اعجبك الموضوع وطريقته
اسال الله ان ينفعنا فيه