من الدايركت
… هذي حصلت لي اليوم ولدي طلع مع عمه للنادي وطبعا ولدي يسبح سباحه عاديه لان عمره لسا عشر سنوات ولا يعرف للغويط ابد وطااح اليوم بالغويط وكاان خلاص بيروح فيها وخلاص الولد شوي ويغرق بس الحممدلله لحق عليه عمه وطلعه باخر لحظه لولا فضل الله علينا ورحمته كان ولدي الحين في عداد الموتئ والحمدلله ربي ستر وحماه لي وسبحان الله اليوم ارسلت فطور للعمال الصايمين وعرفت ان ربي انقذ ولدي بسبب هالشي البسيط الي سويته اليوم ..اوصيكم حبايبي ع الصدقه الصدقه الصدقه ..حتئ لو شي بسيط ماتدرين وش ربي مخبي لنا من تفريج كربه او انقاذ حياة… مانقص مال من صدقه…
#لا اله الا الله وحده لا شريك له
له الملك وله الحمد وهو على كل شي قدير

سبحان الله أختي نسمة هواء الموضوع مرررررة رائع و أسلوب الطرح القصصي فيه جميل ،
و لأنه يلامس الواقع فهو أكثر تأثيراً
أكملي موضوعك بارك الله فيك حتى و إن ما حصلتي ردود كثيرة فمؤكد أنه سيترك أثر بإذن الله

القصص كثيرة و جميلة أنا شخصياً استمتعت بموضوعك و استفدت منه ، ربي يكتب لك الأجر
و كنت حابه أرد عليك من القصص الأولى ( لأني فعلاً استمتعت ) لكن قلت أفضل أكمل قراءة الموضوع و بعده أضيف الرد

سدد الله خطاك حبيبتي و وفقك لكل خييييير

امين يارب وياك
تسلمين قلبي على ردك الذوق
عسى الله ينفع فيها
وانا بنفسي استفدت منها حبيت افيد خواتي هنا

من الدايركت
حبيت اقولكم روتيني اللي غير حياتي للاحسسن ولله الحمد كنت مهمومه وكسلانه وكارهه الكليه وروتيني ممل المهم بدت سنه جديده قلت خليني اغيير وحطيت جدول لما اروح الكليه اقرا الاذكار من برنامج اذكاري مررره جمييل وبعدها كنت اقرا قران من برنامج الختمه وكنت محدده ست صفحات باليوم وم راح تاخذ منكك غير خمس دقايق واشتركت بتكافل حق الايتام كان ياخذ اربعين هلله والله العظيم كل شي تغيير حسيت براحه وكل اموري تيسرت حتئ مستواي بالكليه امتياز بعد ماكان متدني ومكافاه الكليه كانت م تبقئ معايا واطفر والحمدلله الان كل م صرفت ترجعلي وزياده وكل هذا من التبرع للايتام وكلها هذا من الجوال جربوه والله منتو خسارنين وراح تحسي بالتغير واذا تعودتي عليه مستحييل تتركينها وربي يغفرلنا ويسعدناا بالدنياا والاخره

#الحمدلله

من الدايركت
😯 انا متزوجه ، موظفه ، عندي اطفال وحياتي عاديه كان اكبر همي هو كيف اصير غنية و بطاقتي حقة البنك تصير ذهبية ويصير عندي بيت ملك. الهم هذا ينام ويقوم معاي ابكي ليل نهار طبعا والسبب اني الوحيده من اهلي اللي ماديتي بسيطه وفي ايجار. قعدت اجمع واجمع لين وصل حسابي ذهبي ورحت للبنك وادخل لقسم الذهبية وكلي فخر
وبدأت مرحلة ابي بطاقة ألماسيه 💴💵💷💶 ببدأ اجمع.
طبعا طول هالفترة متعلقة بالمظاهر اهم شي البس وعيالي ماركات مستعده اقعد ١٠ ساعات ادور في السوق اجمع ماركات اكشخ انا وعيالي واسافر علشان الناس يقولون سافرت.
وفي ليلة رحت بولدي الصغير للطبيب واكتشفنا ان عنده توحد،،، تعرفون يعني ايش توحد يعني اضطراب في التواصل...
يعني ولدي غير الاطفال الطبيعيين
هنا انا قمت من النوم
هنا تغيرت حياتي انقلبت ١٨٠ درجة
عرفت ان السعاده ماهي بفستان قوتشي وحزام إيترو
عرفت ان اعظم هم ومصيبه هو فقدانك لدينك. وعرفت ان النعمه اللي اذا ملكتيها كأنك ملكت الدنيا هي الصحة ،،، وباقي امور الدنيا بتجي،، الان الولد يحتاج تدخل ويحتاج تدريب يحتاج مراكز وكل هذا يحتاج فلوووووووس راحت الالماسيه والذهبيه والله والله والله ماعادت تهمني اشوف قصور ولا اشتاق اسكن فيها اشوف فساتين كنت اول ماانام الا وهي في دولابي ماتشغل فكري ولا واحد بالمية.
والحمدلله اللي ماجعله اعظم،،، الخير والفرج جاي لكن نصيحتي لكل من هي في مثل حالتي الاولى استشعري النعم العظيمة اللي حواليك قبل مابجيك حاجة تصحيك وتذكرك.
#لا اله الا انت سبحانك اني كنت من الظالمين