من الدايركت أنا متزوجه لي اربع سنين ماجاني عيال المهم بعد الفخوصات تبين ان السبب من زوجي بكيت كثير تعبت نفسيتي ماني قادره اتخيل حياتي من دون اطفال وبالمقابل ماني قادره اتخيل حياتي من دون زوجي اللي عوضني وطلع ثقتي بنفسي وانا في أحدى الليالي ابكي ومنهاره بكى تذكرت دعوتي وانا بالصف الثاني الثانوي كنا جالسين انا وبنات فصلي نسولف عن الولاده وانها مؤلمه عاد انت لأني سويت عملية زائده وتعبت فيها قلت ماابغى احمل اذا تزوجت قالت لي وحده من صحباتي اذا ماتبين عيال الرجال يبي عيال ولاماجبتي بيتزوج عليك وأجي أنا وأدعي وأنا رافعه يدي أني أتزوج وأحد غني وعقيم وذحين حسيت بغلطتي انهارت اعصابي ومستغربه معقوله دعوه من قبل عشر سنين تستجاب أحذر كل من تدعي على نفسها لاتجيبين البلاء لنفسك
#لا اله الا انت سبحانك اني كنت من الظالمين

من الدايركت

انا بحكي لكم عن شي احنا غافلين عنه ونقدر نسويه يوميا وكل ساعه ومع الوقت ماراح نقدر نتخلى عنه
هو خاتم الاستغفار سبب كبير بعد ربي لتغير حياتي😩
اولا انا من يومي كنت احب استغفر احب اقراء قران كل يوم لو حزب كنت دايم افكر اقول ربي خلقني عشان اعبده وانا وش سويت بهاليوم لربي غير اني صليت !!!
وغير المعاصي الي يوميا نقترفها سوى من كلام او من نظر لشي محرم وكذا يعني ...
فصرت استغفر بجوالي اوقات استخدم الحاسبه عشان تساعدني وكنت استغفر ١٠٠ يوميا واحسها شي كبير
لمن جا ذاك اليوم وجت خالتي وعطتني خاتم تسبيح من صديقتها (طبعا صديقتها هذي انسانه متفتحه فري يعني ) بس تحب تسوي الخير ❤️ المهم صرت احطه بيدي واستغفر ربي اوصل الف والله بدقايق معدوده وبدونن ماحس ي بنات شوي صرت اقول ( الله اكبر . لااله الا الله . الحمدلله . واصلي ع النبي محمد )
ومع الوقت صرت اوصل الالاف يوميا ولاقدر اتركها تخيلو 😩❤️
صرت احس اني سعيده والله العظيم يابنات صرت قنووووعه وراضيه صرت احس بالنعم الي ريي معطيني اياها صرت ابكي اشتاق لربي اتمنى اشوفه اتمنى مايحرمني من هالشي يوم القيامه
تعلقت بربي كثيرررر فوق ماتخيلون والله ي بنات صرت اشتري منه وعطي صديقاتي اعطي امي اعطي ناس بالجامعه لانه صدقه جاريه
ومايدري الواحد وش ممكن يوصل اجره وعمله لوين !!!
هذي صاحبه خالتي تروح وتجي وتنبسط ويجيها اجري واجر امي واجر من علمته انا..
تخيلو يعني انتي بدون ماتدرين يوم القيامه الاجبال حسنات لك من شي بسيط جدا جدا جدا وقيمته ريالين تحصلونه باي محل كماليات (ابو ريالين ) نصيحه والله لاني احبكم واتمنى لكم كل الخير اشترو منه ووزعوه اعطو امكم ابوكم اخوانكم مع الوقت هم ماراح يقدرون يتركونه 😩❤️ راح يحسون بقيمه هالعباده
خلونا نفكر بالاخره شوي كل همنا دنيا دنيا وهي زايله واكبر دليل هالي جالسين يروحون كل يوم مممنا
وادعو لامواتكم ابوانكم امهاتكم اموات المسلمين اذكروهم فرحوهم بس بجد تراهم محتاجين هالشي والي يدعي للناس بيسخر له ربي من يدعي له ❤️
بغض النظر عن امر الاخره والله ي بنات ان حياتي متسهله لي
#استغفر الله العظيم
استغفر الله العظيم

هاه بنات مافي ردود تحمس انزل زود
مع اني مابي لا ردود ولا شي
بس ابغى دعوه بظهر الغيب لكل من دخلت وقرت

مواقف رائعة جدا اسأل الله ان لا يحرمك الاجر
لي مواقف مع الصدقه مستحيل انساها
اولها ولدي الله يحفظه تأخر عن الكلام وصار عمره ثلاث سنين ونصف وهو بس يقول ماما وبابا وكل من شافه قال وديه لدكتور اكيد فيه شي خصوصا ان عيال اقاربنا يتكلمون بدري مره الا ولدي وانا ماوديته لدكتور خايفه يقول ان فيه شي ولما قرب يكمل اربع سنين خلاص صرت لما اشوفه يحاول يتكلم ولايقدر تخنقني العبره المهم فكرت في الصدقة والله العظيم طلعت المبلغ الصبح ورحت شغلي ورجعت ببتي وانشغلت لما جيت بأنام تذكرت الصدقه وفزيت وناديت ولدي وجاء وسألته عن اسمه والله العظيم انه قال اسمه بالكامل ومخارج الحروف صحيحه
انا قمت اناقز واصحي ابوه وانادي الشغاله واسمعهم وش يقول وكلهم مو مصدقين
فسبحان الله
عندنا كنز عظيم وهي الصدقه

يالله م اعظم رحمه ربي
اسال الله ان يحفظه لك ويصلحه ويفرج عن كل مهموم