شوفو نظامي اللي اكثررر من روعه وتجربتي فيه وادوني تجاربكم

السلام عليكم ورحمة الله وبركاته :41:

بدون مقدمات ح اقولكم عن نظامي اللي احسه سعاااااااده نزلت لي من السماااء
نظام جدا مريح ولا فيه جوع ابدددددااااا وتاكلي اللي تبغي حتا من المطاعم :pinklove:

واهم شي ان النتيجه من اول اسبوع بااانت الحمد لله حتا اهلي لما رحتلهم لاحظوو ان خصري نحف وافخاذي بدات تنحف

وقبل ما اقولكم النظام وعشان اشجعكم ح اقولكم ايش الاشياء اللي اكلها

صواني خضار بالدجاج او اللحم وفوقها كريمة طبخ او بشاميل كذاب ورشه يحبها قلبكم من جبن الموزريلا
ستيك لحم او دجاج بأي صوص انتي تفضليه
لحوم بانواعها سمك دجاج لحم غنم وبكميات مفتوحه مشويه او مقليه او مسلوقه
خضار بانواعها مقليه او مشويه او مطبوخه بالطريقه اللي تحبيها

المشروبات اشرب قهوه فرنسي مرات بالحليب ومرات بدون واخفف السكر والافضل سكر الرجيم بس انا ما استخدمته
اشرب كولا دايت او سفن دايت لكن ممنوع اي عصير غير هذا النوع


شفتو كيف نظامي منوع بالاكل وعلى فكره الاجبان مسمووحه ماعدا الاجبان الطازجه
لانها تحتوي على حليب والحليب يتحول لسكريات بالجسم


اكيد اغلبكم كون فكره ويفتكر نظامي هو اتكنز :upsidedow
لكن نظامي مش اتكنز لكن شبيه له
يعني اتكنز يمنع الجزر لكن انا استخدمه مرات
واتكنز يمنع الحليب تماما لكن انا استخدمه مرات مش دائما
واتكنز يمنع اليوم المفتوح لكن انا يوم بالاسبوع اكل قطعة حلى قطعه صغيره مي كبيره


ونجي لزبدة الكلام وعلى طاري الزبده تراها من المسمووحات

انا امتنعت عن الرز والمكرونه واي شي فيه دقيق او نشا وطبعا الخبز كمان تركته ماعدا الفطور اخذ شريحتين توست اسمر
وتركت كمان السكرياااات

حتوقولو كذا مضر لان جسمي يحتاج الكربوهيدرات اقولكم كلامكم صح جسمي يحتاج الكربوهيدرات لكنه يحتاج كربوهيدرات صحيه مو اللي موجوده بالرز لان الرز والمكرونه فيها نسبه عاااااااليه من الكربوهيدرات تفوق احتياجنا وكلها تتحول لسكريات واخر شي تتحول دهوووووون


عشان كذا انا احصل على الكربوهيدرات من جميييع الخضار الورقيه وافضلها البقدونس اضيفه للسلطه مع خس وشيبت وملفوف وبكذا احصل على نسبه تناسب احتياجي




وابشركم خصري نقص انش باسبووووع
هيا شدووو الهمه واتركو النشويات واتمتعو باكل صحي الحمد لله بعد ماتركتها نسيت الخمول اللي بعد الاكل وصرت ما اشتهي الشكولاته بالرغم من اني كنت مدممممممممنه شوكليت
اكل تويكس وسنيكرز ويمكن اكملهم بكندر كمان بيوم واحد
والان لي اسبوع ماحطيتها بفمي ولا اشتهيها
اليوم خرجت زياره وكان قدامي مالذ وطاب من الحلا بس فعلا ماكنت مشتهيته ولا اكلته
واذا خرجت لمطعم او زياره اكل من اللي يناسب نظامي لحوم وخضار يعني حتا بالخرجات ما اشيل هم يعني مثلا البيك مسموح بس حاولي تشيلي الطبقه اللي فيها بقسماط وقطع دجاج كرسبي من كنتاكي كمان مسموح وكنت اتغاضى عن البقسماط اللي فيها :lechz:
والبروست كمان مسموح بس كمان شيلي الجزء اللي فيه بقسماط


شدوو همتكم وابدأوو واللي جربو النظام ادونا تجاربكم وشجعونا



على فكره وزني 87 وفصيلتي a موجب




:biggthump