يا ربي في حد مثلي
الحمدلله
انا كان على بالي اني الوحيده الي ما ييني النوم من هاي السالفه .. لاني كل ما اكلم حد و اقوله عن مخاوفي يقولي ليش مكبره السالفه و كل على التربيه .. صح نحن ان شاء الله بنربي زين بس الي حواليهم نحن مش ضامنينهم
و الله انا بعد ما ودي ادخله المدرسه مع الاولاد الكبار .. لو كان علي جان خذت عيالي و سكنت معاهم في خيمه في نص الصحراء
بس لازم نتوكل على الله .. ترا ما بيصير الا الي الله كاتبنه .. انتو بس ادعوا الله يحفظ عيالكم و ربوهم عدل و ان شاء الله ما يصير الا الخير

يا أمهات ويا أخوات والله هذا الزمن صار يخوف زمنا هذا فما بالكم بعد عشر سنين كيف راح يكون الوضع زمن أولادنا هو زمن الانترنت والبلاوي الثانية عشان كذا من وجهة نظري انه الوحدة فينا
لازم تحتاط من الآن وتربي أولادها تربية حسنه وتتقي الله في تربيتهم "ومن يتق الله يجعل له مخرجا"
لازم نزرع فيهم حب الله والخوف من الله نفهمهم انه الله علينا رقيب يشوفنا ويشوف أخطاءنا
نبعدهم عن الدشوش اللعينه والقنوات الفضائية ونختار لهم أشرطة فيديو هادفة
نحفظهم القرآن والأذكار ونعلمهم فوائدها وانها سبب في حفظ الله لنا من كل شر
لأنه الطفل زي النبته الصغيرة اذا رعيناها من صغرها واهتمينا فيها راح تصير شجرة قويه ونشوف ثمارها لمن تكبر
الكلام حلو وسهل بس التنفيذ يبغاله صبر واحنا اذا خايفين على عيالنا فعلاً لازم نتعب في تربيتهم
أنا في انتظار اقتراحاتكم مع الشكر لصاحبة الموضوع لأنه احنا في حاجة مثل هذي المواضيع .

على فكرة مرة سبت ولدي على الانترنت يدور العاب علشان يتسلى رحت ورجعت وهو يلعب بلعبة ماني فاكرة اسمها بس هي عبارة عن مراحل اذا عداها يعطوه جائزته" بنت من بنات الهوى " والبنت لابسة سنتيانه وكلسون وبس
الله واكبر على اللي حط اللعبة هذي واللي زيها من الألعاب طبعاً أنا جيت ولدي لسه في المرحلة الأولى يجرب وغلط ما عداها والبنت ظهرت تقول "آسفة حاول مرة أخرى " ولدي هذا سنه ثانية ابتدائي وتراه جدا بريء طبعاً فهمته قلتله "يابابا هذي اللعبة وحشة والبنت هذي شوف وسخة لابسة عريان فلا تلعبها
رد علي :ما كنت عارف
طبعاً موعارف علشان كذا المتابعة والتوجيه شيء مهم للطفل .
بنت الاجودي يعجبني حرصك على خواتك وعلى نفسك الله يرزقك بالزوج والاولاد الصالحين .:26:

ياررررربي تستر على اولادنا وترزقنا الذرية الصالحه

فعلا والله كلامكم صحيح الواحد صار يفضل البنت اما الاولاد الله يصلحهم صارت تربيتهم مره صعبه في زمن

صعب والله يابنات وانا خارجة من المدرسه اشوف طلاب المتوسطة الاولاد صغار ويدخنون ومن اجلس مع اولاد اخوي اسمعهم يتكلمون عن اشياء غريبة في مدارسهم اشياء تخووووف من حب واعجاب وغيره وغيرررره


اللي ينخاف عليهم الاولاد الصغار المساكين ممكن ينضحك عليهم او احد يضربهم والمصيبه اذا ماعلموا اهلهم

فلازم كل وحده تعلم ولدها انه لازم يقول لها كل شي وتعلمه ان فيه مناطق في جسمه لازم مايخلي احد يلمسها

او يقرب منها ولا تتركينه مع اي ولد اكبر منه حتى لو اخوه او عمه انا دايم اقول لاخواتي كذا واحذرهم

ويقولون لي انتي شكاكه وموسوسه بس بعد اللي شفته ماانلام


تخيلوا جيرانا عايله كبيره وساكنين مع بعض العيال مع ابوهم الشايب كلهم في بيت واحد وكل واحد من العيال عنده


شقه في البيت الكبير وعايش فيها هو وزوجته واولاده طبعا عيالهم على طول عند جدانهم ومع بعض ياكلون سوا ويقعدون سوا

بس وقت النوم على شققهم

تخيلوا زوجة الابن الاصغر كانت تدور على ولدها ومالقته بعدين لقته في وضع مشين مع ولد عمه طبعا ماتحملت واغمى عليها

تخيلوا ولد عمه اللي معه اربع وعشرين ساعه

هو ولد صغير كيف تعلم اكيد اول مره كان بالتهديد او الضرب او التخويف


فلازم نكون قريبين من اولادنا وننتبه لهم انا اشك في كل الناس ومااستامن احد عليهم ابد حتى ابوهم مااخليهم يروحون معه

لاني اخاف يهملهم او ماينتبه لهم لانه دايما يقول لي خليهم على راحتهم انتي شكاكهفاخاف يتركهم واحد يضحك عليهم


الله يصلح ذريتنا يارب يارب اميييييييييييييييييييين



مشكوره الف شكر ياصاحبه الموضوع :26:

^_^ ريماز ^_^
شفتي وشلون انا من اول من يومني صغيرة وانا ضد النجاب احس انه انانيه من الاهل يبغون عيال عشان يوسعون صدرهم عليهم والعيال هذولي اللي بيجيبونهم اكيد بيتعذبون في الدنيا لان ما احد مرتاح تخيلي هذي وجهة نظري وانا صغيره بالمتوسط والابتدائي ولاحين لما كبرت صرت ضد الانجاب لاسباب ثانيه مثل هلابلاوي اللي تتحذف علينا من كل جهه. بس يا حبيبتي ليش تخلين بنتك تنوم عند الشغاله انتي زي اللي يحط الخشب جنب النار انتبهي ولا عشان حامل تتعبين في النوم تدرين وش احسن حل خلي الشغاله تنومها قدام عيونك واذا نامت البنيه الله يحفظلك اياها خليها تحطها في غرفتك وتروح ترا الشغالات يعشقون الجنس انتبهي. وحسبي الله على هالشغاله المعفنه حتى انا سمعت ان وحده تقول اني لما اشغل المكنسه يصرخ ولدي يخاف خوف مو طبيعي منها مو زي بقية الاطفال الام ما اهتمت تحسب الولد خواف رجعت يوم من المدرسه بدري وتسمع المكنسه يوم دخلت عليهم لقت الشغاله اللي ما تخاف الله تشفط الولد بالمكنسه عشان يوقف وتقدر تسوي فيه حسبي الله ونعم الوكيل عليهم.
الحمدلله ندعي ونستودع الله بس مازال الخوف يسيطر علي.




بنت الاجودي
انتبهي زين الموضوع مو سهل ابد انتبهي لاخوانك واخواتك حتى الاولاد انتبهي عليهم وانا اتوقع ان هالشي مو طبيعه في اخوك بس يمكن احد اعتدى عليه وهو صغير وصار كذا دايم اللي يعتدى عليه وهو صغير يصير عنده الميول المرضيه هذي انتبهي وحاولي تكلمين اخوك وخوفيه من الله واعرضي عليه مراجعة طبيب نفسي وااوعديه انه اذا تعالج تزوجونه عشان ينبسط بالحلال.
والله المستعان على هذا الزمن . والله يعوضط على حرصك وتعبك علىاخوانك كل الخير ويرفع حرصك من موازين اعمالك ويرزقك الله ما تتمنين.