يمه ..

تو ولدي عمره 3 شهور وخوفتوني والله..

طيب شسوي وانا لازم أروح الدواااام.. وأخليه عند الشغالة .. وهي ظاهرها طيب ولا أدري عنها

..والله أفكر أجيب جهاز مراقبة..

:(

بنت الأجودي .. والله يالحبيبة اني فخورة فيك حيل

أحس مع مثل هالقلب الحي ان الدنيا بخير.. الله يعينك ويسخرهم لعبادته ..

ولايحرمك من الزوج الصالح.. ويعطيك أحسن من نيتك الطيبة

انا مو متزوجه لكن عندي اخوان صغار .. ولد وبنت

يا أمهـات نصيحة مني لا تجيبون عيال وانتم كبار
قريبة لي عندها بنات في اول العشرين وهي عجوووووووووووز كبيييرة بالعمر ... يعني قليل انفتاحها على هالوقت .. بجد الوضع مشكلة

اتذكر لما عرفت ان امي حامل قبل كم سنة بكيييييييت من جد هي تضحك علي تقول شسالفة ؟
لكنها سقطت بعدها بفترة ولله الحكمة في هالشي

بجد أحس يكفي الحمد لله انا واخواني بنات وعيال وش تبي أكثر من كذا ؟
تفرغي للي عندك وحسي بـ ( الأمــــانة ) اللي وراك وتنتظرك فيهم .. لا يكون همك بس المفاخرة بعددهم وكثرتهم . عيشي معهم دنياهم وابنوا أحلامكم سوا ..

نصيحة لا تنســـون الصدقــة .. تدفع البلا عنكم وعن عيااااالكم .. فيه حصالة بغرفتي كل يوم افتح البوك واحط فيها ريال او اللي يحصل .. أو حتى الهلل اللي يبقى .. ما تتخيلون المبلغ اللي توصل له .. في النهاية أتـــصدق فيها جربــوا هالطريقة من جد مفيدة وبسيطة



بنت الأجودي .. وربي انت روووووووووووووووووووعة يا شيخة .. ربي يحفظك

ديموووو الله يسعدك على كلامك الحلو .. وان شاء الله الخير موجود وبكل مكان
والله يجزاكِ خير ويصلح لكِ ولدكِ وتشوفينه عريس يااااااااااااارب ..

ماذا بعد ؟ .. أنتِ الأروع ياقلبي والله يحفظكِ ويرزقك بالزوج الصالح

بنات تراي جد انحرجت واخاف يكبر راسي :23:

الله المستعان
الله يصلح ذرياتنا ولكن ياأخوات عندي حل من الحلول ما أظن ان في وحده تكلمت فيه وهو صلاح الوالدين فاذا صلح الوالدين صلح الأبناء فالله عزوجل ذكر في قصة الغلامان الذي عوضهما الله خيرا "وكان ابوهما صالحا "فالواجب علينا أخواتي أن نصلح أنفسنا ونقوي ايماننا بالله حتى يوفقنا الله للطريق المستقيم ويوفق الله أبنائناصحيح ان في عوائل يكون الوالدين غير صالحين ويخرج أحد الابناء من الصالحين وكذلك العكس لكن يا أخوات لا تظنون ان كنت أنت من الصالحات أن يخذلك الله ويفسد أبنائك ولقد كان ابن مسعود يقوم الليل ويكثر ثم ينظر لإبنه وهو نائم ويقول من أجلك يابني أقوم ويتذكر قول الله " وكان أبوهما صالحا ". فالله الله يا أخوات بايجاد الجوي الإيماني في أوساطنا واحدذروا كل الحذر من وجود التلفاز بقنواته السيئة أمام الأبناء ووالله أني أتذكر قصة ابن جيراننا الصغير وعمره ثلاث سنوات لاتزيد عن ذلك وهو موجود في بيئة سيئة للغاية دش وقنوات اباحية وذات يوم استيقظت جدته ووجدته يحاول أن يمارس معها بدايات الوطء بأسلوب لاأستطيع وصفه ,
ووالله اني اتألم على وضعه وكيف سيكون حاله اذا بلغ الثامنة والتاسعة فالله المستعان وأسأل الله صلاح ذرياتنا