والله جيتوا على الوتر
بس لاحظت اكثركم يتكلم عن ان الولد ممكن يسلك هذا الطريق باختياره
ونسيتوا الاطفال الصغار اللي ممكن يتعرضون للاغتصاب بدون اختيارهم
يعني لازم ان كل وحده فينا تنبه ولدها وتقول له اذا احد طلب منك تشيل ملابسك ارفض واهرب لان هذا خطأ ... على الاقل نوعيهم شوي احسن من البلاده...

ولد جيراننا في ثالث ابتدائي ويروح هو ومجموعه من الاولاد عند واحد يدرسهم القرآن
والله العظيم ماتتصورون ان هذا الرجل يتعهد بتدريسهم القرآن عشان يفعل اللواط معاهم والعياذ بالله وهم راضين وساكتين لانهم يشوفونه معلم وملتزم ولايعرفون ان هذا الشئ خطأ
والله يابنات انه اخذ ستار الدين عشان يمارس افعاله القذره مع الاطفال :(
قولوا آمين الله يشل اطرافه ويعميه

ام العبابيد
هذه المشكله ما فيه جهات مختصه لها الشي ابد والحكومات عندنا الحين مشغوله بالرهاب عن هالامور ولا عندنا مؤسسات خاصه تهتم بهالاشياء وانا ما كتبت هالموضوع الا ابغا اللي عندها معارف ممكن يوصلون الموضوع للجرايد او التلفزيون الموضوع لازم يتناقش بقوة لكن المشكله فيه ناس ضد مناقشة هالمواضيع يشوفون انها تخدش الحيا وتفتح العيون المغمضه المشكله ان البلاوي قاعده تزيد انا اشوف ان توعية الشباب الجديد ضرورة ولكن الناس عندنا متبعين سياسة النعام وهي دفن الرووس في التراب وانكار الامور الحاصله انا كم مرة افتح المواضيع اللي زي كذا مع قرايبنا ما تتخيلين المعارضه اللي تجيني لا اعوذ بالله نسبة اللي كذا قليله ينعدون على الاصابع احنا ما زلنا بخير ومن هالكلام

وبالنسبه للبس البنات انا اشوف البنت اهون من الولد يعني البنت بتتحكمين بلبسها او تلبسينها عبايه او ما تطلع ولا تجي الا معك لكن الولد اللي مشكله هذا العيال يلبسون مستر لكن ما زال فيه التحرش والعيال ما تحكمينهم بطلعاتهم ودخلاتهم

القلمُ الورديُّ
والله يابنات انه اخذ ستار الدين عشان يمارس افعاله القذره مع الاطفال
اعوذ بالله لاحول ولا قوة الا بالله

انا هدفي من كتابة الموضوع مناقشته من جميع نواحيه وانا اشوف انه من المستحيل ان الولد يطلع من هالنوع الا ان كان تم التحرش فيه وهو صغير لان الطفل اللي يتحرش فيه وهو صغير يتكون عنده هالميول المقرف لما يكبر واذا كان ماعنده ارادة قويه ووازع ديني قوي ممكن يصير من المتحرشين بالاطفال او الصحبه السيءه اللي يعرضون عليه هالصور لين ما يصير عنده ادمان عليها واحنا اصلا ما جاب لنا البلا في البدايه الا العماله الله ياخذعم ويفكنا منهم اللي يتحرشون بالاطفال الصغار لان ما عندهم حريمهم والحين كونوا هالميول عند بعض العيال عندنا

واحنا لازم نفكر بالموضوع من كل جوانبه

اول شي كيف نحمي عيالنا الصغار من التعرض للتحرش
ثاني شي كيف نحميهم من صحبة السوء
ثالث شي كيف نربي عيالنا على الصراحه بيننا وبينهم والثقه وان اي شي بيصير لهم احنا نقدر نحميهم منه اذا كلمونا لكن مافيه فايده من السكوت
رابع شي كيف نعالج الاطفال اللي تعرضوا للتحرش كيف نقنعهم ان اللي صار لهم ما لهم ذنب فيه لان غالبا الطفل
يحس بالذنب وهذا اللي يخليه يسكت على التحرش ولا يكلم اهله


ما ادري انا ابغى النقاش في هالمواضيع يوصل للاعلام الجرايد لازم يصير فيه توعيه في المدارس لازم نربي عيالنا على ان هالشي موجود لكنه غلط ومو سهل لازم نزرع في قلوبهم المبادئ الصح من صغرهم مو اذا كبروا وما فيها شي نتعرض للكلام عن الجنس وطريقته الصحيحه من غير تفصيل تام وايش الاشيا الغلط والحرام لان اطفالنا لو ما تعلموا منا بيتعلمون من برا وهذا اكبر غلطكذا يصيرون ما يعرفون الغلط من الصح

انتو معي ولا ضدي خلونا نتناقش ونشوف

انا معك ياسوسه ....والله ان هالشي مضيق صدري
يعني وين ما تروحين ما تامنين على عيالك واخوانك وحتى البنات اللي نقول نقدر نراقبهم لازم يصير فيهم شي حسبي الله على الاعلام اللي فتح عيون عيالنا على هالاشياء..
والله اني اذا صرنا مجتمعين في اي مكان اصير زي الخبله اقوم واقعد اروح اتفقد احوال الرعيه اشوف وين جالسين البزارين وش يسوون والله اني صرت اكره اروح لبعض الاجتماعات كله من خوفي من القصص اللي اسمعه ..
حتى المدارس ماتسلم من هالاشياء...يابالكلام والا بالافعال الله يحمى عيالنا وبناتنا ...
ومافيه حل الا بالمصارحه اللي اشوفه ان كل وحده عنده بنات اوعيال تصارحهم وتقول لهم ان فيه ناس قليلة حيا ماتخاف الله تسوي كذا وكذا
وامسكي اي واحد من عيالك او اخوانك واجلسي معه وصارحيه مو تحققين معه وتهاوشين لا اساليه وقولي فيه احد تعرفه يسوي شي مو زين اويقول كلام وسخ وقليل ادب راح تلاقينه على طول يقولك كل اللي شافه او سمعه...
وزوجي الله يحفظه عنده اخوان واذا وصلو سن معين يمسكهم على جنب ويصارحهم ويقول فيه اماكن ماتنلمس من اي احد واللي يسوي لكم شي او يتكلم عليكم على طول قولوا لي ..ويقول الحمد لله اذا صارحت الواحد فيهم خلاص ارتاح ولا اخاف عليه ,,,,,,,,,
الله يستر على عيالنا



واللي اشوفه ان الموضوع خطير ولا شفت تفاعل كبير:44: ليييييييييييييييش معقوله فيه احد مايعاني من هالشي في
هالزمن ......

اول شي كيف نحمي عيالنا الصغار من التعرض للتحرش
ثاني شي كيف نحميهم من صحبة السوء
ثالث شي كيف نربي عيالنا على الصراحه بيننا وبينهم والثقه وان اي شي بيصير لهم احنا نقدر نحميهم منه اذا كلمونا لكن مافيه فايده من السكوت
رابع شي كيف نعالج الاطفال اللي تعرضوا للتحرش كيف نقنعهم ان اللي صار لهم ما لهم ذنب فيه لان غالبا الطفل
يحس بالذنب وهذا اللي يخليه يسكت على التحرش ولا يكلم اهله

مارا ح اخيب ظنك وانشالله ربي يقدرن وانزل موضوع فيه اجابات شافيه لتساؤلاتك....