عرسي بعد شهر ومو عارفة كيف أخس ؟؟

الف مبروك عالعرس والفال لنا ههههههه
حبيبتي خففي الاكل وسوي رياضه حتى لو نص ساعه في اليوم
ولما تبين تهجمين عالاكل تذكري عمرج وانت عالكوشه
عروووووووس
حلووووووه
رشيييييييقه
والعيووووون عليج

اهلين اختي
انا برايي تبدين برجيم حسين دشتي مع مشي نص ساعه.... وشرب ثلاث اكواب شاي اخضر يعني بعد كل وجبه وكثري من الماي.. يعني اشربي من 8 الى 12 كوب

ترى رهيييييييييب وبتلاحظين انك نحفتي بسرعه

وانا احس ان هالرجيم سهل وماراح تحسين انك مسويه رجيم.. لان كثير سووه ويقولون انهم مايحسون انهم مسوين رجيم

دلال202
مشكورة الغالية .. والله يبارك في حياتك .. ياليت الموضوع بها السهولة .. المشكلة أني ما أذكر أني عروس غير بعد ما أكون خلصت هجوم .. أقعد أتندم .. وأتحسر .. تصدقين أني اليوم سايرة السوق وشارية كم شغلة حق العرس .. وللأسف في شغلات ما كانت من مقاسي .. ما تدرين اش كثر تضايقت .. بس يالله لازم بعد نحاول .. وأنا باخذ بنصيحتج ..

*&*سعودية*&*
مشكورة أختي الغالية .. فعلاً رجيم سهل .. وأنا ببدي فيه من باشر .. الله جزيج الخير أختي ..

مشكورات .. والله رفعتوا معنوياتي ..

مبروووووووووك وعقبال ماتصيرين أحلى عروس

بصراحه الرجيم المضمون عندي

قللي أكل وامتنعي عن الحلويات يعني لو خاطرج كلي شوي لاتزيدين السكر

ولا تاكلين الأكل العادي بالنسبه لج يعني مثلا عادي تاكلين سنكرس ماتفرق عندج بس جلكسي تحبينه

فلا تاكلين شي انه بغرض خلاص بكله وبس

امشي ونطي الحيل بصراحه نط الحبل فضيييييييييييييييييييع انصحج والله بيه

شربي شاي اخضر وكثر من الماي لأنه يشبع ويخليج تاكلين بكميه بسيطه جدا

وتمنياتي لج بالتوفيق

يا بنت الحلال .. انا وزني 105 وطولي 170

والحمدلله هذا انا تزوجت وماشي الحاااال


وسعي صدرك ولا تشيلين هم ......كركركر


اختك الملحه