اليوم السبت وزني ليوم الجمعه هو71 والجمعهالماضيه كان 71و800جرام يعني كويس
وهذا لاني خبصت في الخميس والجمعه علشان عندي ضيوف ولازم اكل معهم
لكن باحاول انزل الاسبوع هذا اكثر
راح ابدا احسب من جديد الحمعه
1300سعره
المشروب=شعير
رياضه مافيه لاني قاعد اعزل عفشي لاننا نبي نغير بيتنا
يالله همتكم ياشابات

وينكم يابنات وين صحبة6شهور متواصله كنا فيها مثل الخوات
كنا نتكلم عن الرجيم وغيره بصدق واحساس هذا ضني فيكم والله وحده هو الي يعلم
كنت اتمنى نرجع مع بعض من جديد لكن لكل وحده ظروفها الخاصه انا فتحت هذا الموضوع علشان
كان عندي امل اني اجتمع بشلة الانس والفرح مره ثانيه لكن ما اقول الى الله يوفقكم جميعا
ام عبد الرحمن =سحايب صيف= غريبه في ويلز= البتول العذراء=ام لين=زوجة العقبي=رشيقه في الاحلام=كن قويا
ام الكرم= سالفتي غير=سلوقلبي=ايام حلوه =سمر= مصراويه =ملكة الليل=ام مشاري =ام رفيده=جوري مروم =
ام رغد2000=ام الوليد=اللجين=بيلسا=نجمه ستايل
هذي هي شلتنا واذا نسيت احد ارجو المعذره

هذي الاسماء مستعاره لاشخاص لا اعرفهم شخصيا لكن انا متاكده انهم يحملون قلوبا نضيفه
واحاسيس مرهفه فلهم جميعا تحياتي وخالص دعواتي لهم بالتوفيق في الدنيا والاخره

صبااح الخير جنوبيه كيفك حبيبتي مبروك والحمد لله على سلامتك ..
أنا من الشله بس وووين مسحتيني نهائي:(مو مشكله حبيبتي ان شاء الله من اليوم معك يارب ..

داخله عالسريع لي عوده لن شاء الله ..

لكل البنات اللي كانوا معنا في القرووب وحشتوووني مررره ان شاء الله تكونوا بخير والله يحفظكم من كل شر ..

سلام خااااص لام عبدالرحمن وينك حبيبتي طمنينا عنك وعن أولادك ؟؟يارب تكوني بخير ..

بنااات حد عنده خبر عن ام عبدالرحمن انقطعت من مده عالمنتدى ان شاء الله المانع خير ..

يسلموووووووووو

الله يبارك فيك والعذر والسموحه منك رحيل 11لاتزعلين حبيبتي انا من لاول والذاكره عندي ميح والحين بعد الولاده صارت ميح كبتل خخخخخخخ
صدقيني اني ما ابغى انسى احد لكن من كثر مانحوس بالمنتدى صرنا مشتتين
وانا بديت لي اسبوعين لكن مقهوره لاني اطلع ل72ونصف وارجع انزل ل71وارجع اخرب على نفسي مره ثانيه
لاني مضغوطه اشوي مع البيت والعيال وكمان قاعدين ندور بيت جديد نطلع فيه وانااذا تعبت طحت بالتمر الله المستعان
وبالنسبه لام عبد الرحمن كلنا مشتاقين لها لكن كل وحده لها ظروفها الخاصه هي بالذات كانت اخت للجميع
الله يمدها بالصحه والعافيه

واحنا لازم نشد حيلنا ونتحدى شبح السمنه انا باحاول اركز على الرياضه اكثر من الاكل لاني ارضع
يومياتي راح تكون في حدود 1500سعره حتى يكبر ولدي ويصير ياخذ وجبات اضافيه مع الرضاعه وقتها اقدر اخفف سعراتي
طبعا النزول راح يكون بطيء لكني راضيه اهم شي ما ازيد
وانتي وش خطتك الي راح تتبعينها وكم صار وزنك الحين وكم طولك