قربت الاجازة وقربت الزواجات تعالوا نضبط اجسامنا لفساتينـّا في هالديوانيه

السلام عليكم..
اخواتي "
بماانه قربت الاجازة يعني قربت العزايم والزواجات والحفلات وانا مثلكم ماعندي استعداد اروح وانا دبة والا شكلي يجيب الهم واشين الفستان بجسمي حرام والله
عشان كذا قررت اني ابدأ الريجيم
لاني ابي انزل من 10 وفوق
لاتفكروني دبة بس انا مااحب السمن ابداً ابي اصير مررررررة نحيفه لان النحف في الفساتين يجنن
المهم
عشان كذا 3 -4 شهور يالله تكفينا انزال وتثبيت وزن
فاللي بتبدأ معاي الله يحييها
الموضوع راح يكون كل وحدة على راحتها في الريجيم اللي تبي تختارة
ومو شرط نبدأ مع بعض
ممكن تشاركين معانا وانتي باديه من زمان
هالموضوع نبيه ديوانية نجتمع فيها ونشكي لبعض مأساتنا ووقت ضعفنا وفرحتنا ونكتب فيه الوزن اللي نقصناه عندك شئ مضايقك تجين تقولينه تبين تسولفين عن الريجيم وغداك وعشاك وش سويتي والرياضه اللي سويتيها الله يحييك
يعني براحتكم

بس وشو الشرط ""
اللي تجوز لها الفكرة تدخل وتقول انا معاكم ونبيها تصير معانا على الاقل 3-4 مرات بالاسبوع عشان نعرف اخبار بعض ونصير مع بعض دايم
بالنسبه للبرنامج اللي انا استخدمه الحين هو الريجيم الصاروخي تبع الاخت غمامه الله يجزاها خير
هو نزلني اخر مرة استخدمته 9 كيلو
طبعاً مع الرياضه اللي هي مشي على السير مدة نص ساعه ورياضة البطن والصدر والذراع
يالله يابنات اللي تبي تدخل ديوانيتنا الله يحييها..
وراح تلقوني باذن الله معاكم كل يوم..