قصة حياة او موت لي ممكن جميعكم بلملف هناا ضروري خواتي الغاليات

اجل انا وش اقول وربي اني مثلك اقول لو الانتحار حلال انتحرت وربي خلاص تعبت من وزني وطفشت وزني الحين 127 ومعطل الحمل عندي تخيلي 9سنوات حرمان من الامومه والله صرت اتفشل اختلط باحد اولا عشان مااسمع السؤال الي دايم انسأله هاه مافي شي بالطريق؟ والثاني او يوووووه سمنتي ليه ماتسوين الرجيم الفلاني وليه ماتاخذين الدواء العلاني... والله كنك تتكلمين عني والله حتى اهلي ماعاد اروح لهم مو عشاني متفشله اهلي تعودو على شكلي بس احس جاني احباط كرهت نفسي وكرهت كل شي حولي مهما لبستي وتكشختي تحسين انك ناقصه لازم احد يطلعلك يحطمك والله قهر لما تسمعين احد يقولك والله انك حلوه وكشخه بس مخرب عليك جسمك ياما سمعتها هالكلمه وضايقتني... بس خليها على الله...وعلى قولة المثل لاتشكيلي ابكي لك... الحال من بعضه الله ينحفنا على خير وصحه وسلامه عاجل غير اجل.

الله يكونك في عونكم يارب بس ليش كل هذا الاحباط والياس هذا هو سبب الفشل في كل شي كل شي في البدايه صعب والاوزان الكبيره تنزل هوىىىىىىىىىى ماشاء الله بس شهر واحد بعدها راح تحبي نفسك وتكملي وطبعا لابد من تثبي الوزن بس انا قررت انه هدفي يكون مثلا 5 كيلو اوصل لها واحط 5 ثانيه لانه اذا اردت ان تطاع فامر بما يستطاع لو فكري انك محتاجه تنزلي مثلا 40 كيلو راح تلاقي نفسك عاجزه لان الامر شبه مستحححححححححيل لكن قسميها خمسه خمسه صدقيني بعد اول خمسه كيلو راح تطمعي في المزيد وهكذا خلي هدفك سنه كامله لو نفصتي نص كيلو في الاسبوع بس راح تنفصي 24 كيلو في السنه مو حلوين؟؟؟ حلوين ونص وثلاثه ارباع احسن مااازيد 24 ولاراح يزيدو لانه يعتبر نزول سريع لو تقدرون سجلو بنادي حمااااااااااااااااااااس والله وشد رهيب للجسم

بسم الله الرحمن الرحيم الله يهديج اختي على هالعنوان خرعتيني من الفير !
يختي الحل بيدج انتي صكري حلجج تحركي تقعدين تاكل اليابس والخضر وفارشه جدام الكمبيوتر ولا التلفزيون وتقولين بضعف !!!!!!
مايبقى فطاير مايبقى حلو كاكاو عيوش جبس سندويجات اكشال والوان ونقول نبي نضعف !
هذا عيبنا احنا نبي نبذل اقل مجهود ونكون باخر رفاهيه ميصير !
وكل ماشفنا وحده ضعفت علطووول قلنا اييييه اكيد شافطه يحز بخاطرنا انقول صكت حلجها وبذلت مجهود نحاول نقنع روحنا علشان مانبذل مجهود ...صح ولا لاء ؟؟؟؟؟
حطي في بالج اختي ماكو تنظيم اكل ماكو حركه يعني ماكو ضعف
تنظمين اكلج تلعبين رياضه بتلاقين نتيجه انتي وجهدج
كلشي متوفر عيال الحلال ماقصروا سوولنا اجهزت رياضه حتى واحنا قاعدين عالكمبيوتر

انا وحده ضاع عمري وانا احاول اضعف روحي ماقتنعت الا لمه شديت على نفسي
مع احترامي لبعض الخوات عمرج ماتصدقين تضعفين وانتي قاعده نظام تاكلين فيه خبز ولا عيش ولا كاكاو هذا اجليه بعدين انتي واصله مرحلة احباط وهذي انا وصلت لها اشسويت ؟؟؟؟؟؟؟؟
قطيت كلشي فيه نشا شكر دهن اي شي ممكن يتحول بجسمي الى دهون
عشت على المشويات والسلطات واروح اتدربح بالممشى لين اعرق تيي وحده مع احترامي تقولج لعبيلج 5 دقايق نظفي البيت هذا ماينفع بدال لاتقطين ربع وزنج بشهر راح تستمرين شهوور
اخذي خلاصة وحده مجربه تركي عنج اي مغريات رجيم بتضعفين عليه 7 كيلو بيومين ومن هالسوالف لاتضيعين على عمرج اكثر لاتتعلقين بوهم خلطه ولا رجيم ولا دوا
والله العظيم انه ماظل دوا بالدنيا ماجربته ماصفيت الا على رقعه بقلبي على اقل حركه وقرح بالمعده وتكرمين امساك
حطيلج بالثلاجه خضره والفاكهه اول الفتره خليج على تفاح اخضر برتقال غريب فروت وشتريلج صلصات حق السلطه ملوت الرجيم علشان ماتزهقين ترسيلج الفريزر لحم دياي سمج ربيان
يو
م سويلج ستيك يوم ديايه بالفرن يوم شيش طاووء يوم تكا يوم ربيان وترا تقزر
روحي اشتريلج البدله الي تعرق لبسيها وروحي امشي ماتقدرين تمشين بالممشى امشي بالحوش ماتقدرين امشي داخل البيت او بشقتج انا رفيجتي ساكنه بشقه والله بالصاله رايحه راده والافضل لو تشتركين بنادي
من زماااااااااان يمعت رجيمات كنت حاطه امل عليهم بينقص وزني بمده قياسيه وحاطه امل خلالاص بتحول من الى
عقب ماخلصت المده لقيت نفسي مانزلت غير 2 كيلو شصار ؟؟؟؟؟؟ قمت احط حرتي بالاكل والله وبالله العظيم بظرف مده قصيره لقيت نفسي ما اقدر انزل الدري من عوار ركبتي ولمه انام شخري
من الشحوووم اللي كاتمه على نفسي
ماعبر امشي السوق انسي الاقي شي قدي اصلن قمت ما اطلع حكرت نفسي بالبيت سنه كامله وربي يشهد علي من الحاله الي وصلت لها ................اللي بوصلج ياه لاتتعلقين بوهم نفس ماقلتلج لانج موناقصه احباط
انا هذا كلامي وتجربتي وفري على نفسج مشوار مفتاح الرشاقه بيدج وبيد كل وحده

تعوذي من الشيطان اختي واتركي عنك العزله والكآبه وتراهم يزيدون الطين بله وترى الدنيا ماانتهت قدامك فررررررصه استغليها بنظام غذائي صحي بدون حرمان مع حركه ورياضه وصدقيني راح تنقصين وانتي مبسوووطه ولاتستخدمين الميزان كل يوم لانه راح يحبطك انسيييه وقولي انا بغير طريقتي ونظامي بالاكل بسوي زي اللبنانيات بهتم بصحتي بشرب حليب قليل الدسم بكثر شرب ماء بتعشى فاكهه وزبادي اخف لي على المعده ولاتقولين انا سمينه انا جسمي شيييين بالعكس قولي انا بديت اتغير للافضل وراح انحف اكثر واكثر باذن الله واهم شي انحف بصحه وعافيه وقوه واذا طلعتي لمطعم لاتقولين بفلها بخربها لاااااااااااااا اتركي هالعاده واطلبي سلطة سيزار بالدجاج مع عصير او بيبسي دايت واستمتعي منها تغيير جو ومنها انك اكلتي بمطعم واستمتعتي مع زوجك وعيالك ولاتحرمين نفسك من الطلعه مع زوجك وعيالك بالعكس اطلعي عشان تحرقييين اكثر وعيشي حياتك واستمتعي فيها ترى الانسان مايعيش مرررررتين وحاولي انك تتحركين كثير في البيت .

هلا خواتي ليه اليأس هذااااااااا
والله الدنيا ماتسوى هذا التعب كله وماتوصل لحد ذكر الانتحار اخواتي
اعرف ان السمنه تسبب الاكتئاب لدى الكثير ولكن نستطيع التغلب على هذا الاكتئاب بطرق شتى واهمها الصلاة والدعاء
اخواتي ليس هناك عمل سحري او علاج لتخفيف الوزن بيوم ولليله فما افسده الدهر لا يصلحه العطار فلكي ننجح في تخفيف الوزن الابد من الصبر والعزيمه
انا لن اوطيل عليك اختي صاحبة الاميرات ولكن انا ممكن اعطيك طريقه سهله لتخفيف الوزن وماعليكم الا اتباعها للوصول للوزن المطلوب

هناك خطوات لابد من اتباعهااااااا في انزال الوزن
اولا :-
الاهداف

اختي قومي بتوجيه هذي الاسئله لنفسك وسجلها بورقه
1-لماذا اريد انزال وزني؟
ضعي سبب حقيقي وجوهري لكي تنحفي وليس فقط الاني اريد ان اكون رشيقه
اختي أورغانزا اسئل الله ان يرزقك الذريه الصالحه يارب فاعذريني لاني ساتخذ رغبة للحمل سبب جوهري وحقيقي لتخفيف الوزن فهذا سبب يجعلني اصر على انزال وزني

2- ماهو الوزن الان ؟
ماهو وزنك الحالي ..... مهما كان وزنك فليس هناك شئ صعب مع الارده والاصرار في الوصول لهدفي وهو تخفيف الوزن
3- ماهو الوزن المناسب لي من الناحيه الكتله العضميه والطول والعمر؟؟
للاسف الخطاء الذي نقع فيه جميعا هو انه نريد ان نكون مثل عارضات الازياء في يوم والليله فهناك اشياء لا يمكن تاجهلها في انزال الوزن وهي
* الكتله العضميه هل عضمك عريض او متوسط او نحيف
*الطول فهو يختلف الوزن ايضا من الطويله والمتوسطه والقصيره
*العمر يجب ان اضع امامنا العمري فلكل مرحله عمريه وزن يناسبها

4-ماهو هدفي الاساسي؟
جميعا نشترك في هدفنا الاساسي وهو الوصول اللوزن المرغوب بصحه وبدون مشاكل صحيه
وكذالك سبب نزولك فهو هدفك الحقيقي والجوهري

ثانيا:-
كيف يمكن تحقيق هذا الاهداف؟
هناك طرق كثيره لتحقيق هذي الاهداف فكل منا لها طرق مختلفه في تحقيق هدفها الاساسي وهو الوصول الى الوزن المطلوب ولكن نشترك جميعا في

1- اتباع برنامج غذائي صحي
نعم فاتباع البرنامج الصحي بدون حرمان يساعد على المواصله في هذا البرنامج اما الحرمان فنتيجه ستكون عكس مانتوقع صحيح استطيع ان انزل الكلوات التي اريده ولكن النتيجه ماذا ..... هي فقدان الصحه بعد فتره والعوده للوزن مره اخرى ولكن انا انصحك بذهاب الى اخصائي تغذيه لانزال وزنك بطريقه سليمه وصحيه

2- اتباع برنامج رياضي متنوع قدر المستطاع
اتبعي برنامج رياضي اثناء القيام بتخفيف الوزن
منها مثلا *المشي لمده ساعه يوميا بلا توقف مع شد الجسم وتكون البدايه من 5 دقائق الى 10 ثم قومي بزياده هذي المده الى ان تصلي الى الساعه
*الاشتراك بنادي رياضي
فاذا لم يكن بستطاعتك الاشتراك بنادي رياضي فقومي برياضه في البيت وبتدئها 5 دقائق ثم ابدئي بزيادة الوقت الى ان تصل لساعه يوميا
* رياضه السباحه فهي من اشد الرياضات وقاهرة الشحوم
.......... الخ

4 -التشجيع الذاتي
وهو من اهم الخطوات وهو التشجيع الذاتي ويكون بي:-
*عن طريق ان تشجعي ذاتك بنفسك فمثلا مع نهايه كل اسبوع قومي بمكافئة نفسيك اذا نجحتي في انقاص وزنك في شراء شئ تحبينه او اهداء لنفسك ورده فيها عباره تجشيعيه او اكل شئ تحبين ان تاكليه بكميات قليله ......الخ
* عن طريق اشراك احدا معاكي وتبليغها بتشجيعك على الاستمراريه مهما كان وتكون مشجع لذاتك
________________
واعتذر على الاطاله