بس حبيت اسألج كم كنت تضعفين بالاسبوع
وهل كنت تاخذين يوم راحة ..
مشكوره حبيبتي والله يقوي الارداه عندي وعندكم يارب.. بالنسبه لسؤالج الاول كم كنت اضعف بالاسبوع ؟اول اسبوع نزل وزني تقريبا اثنينه كيلو لاني بس قطعت العشا ..فلما خففت الغدا لاحظت النزول اللي هوا يعني وصلت اربعه كيلو بالاسبوع.. في خلال شهر قطيت ثمانيه كيلو بس الشهر الثاني مانزل وزني وايد اقل يعني.. بالنسبه للشهر الثالث صار في نزول بالوزن بس مو كثر الشهر الاول اقل.. بالنسبه للشهر الرابع .اول اسبوعين ولا كيلو شنو قهرني الميزان ابي اضعف لو نص كيلو مو راضي ينزل الوزن وقف وزني عند 72 فقلت اغير شوي بدل خمس تمرات الصبح اخذلي ثلاث تمرات.. قللت التمر وفعلا نزل وزني نزله حلوه خمس كيلوات نزلت بسرعه نزلتها يعني صار باليوم ينزل كيلو مو معقوله هالشي.وايد فرحت بهالنزول
السؤال الثاني:وهل كنت تاخذين يوم راحة ؟
اى نعم اخذلي راحه بس شلون طريقتي كل يوم ثلاثاء عندنا عشا مع الاهل وكل مالذ وطاب موجود في هاليوم هذا.. كنت امتنع عن الغدا او اكلي سلطه بس .. في وقت العشا اتعشى عادي اكل اللي ابيه كله.. واذا رحت البيت شربت شاي رويال اللي قتلكم عنه وشغلت جهاز المشي وصرت امشي على الجهاز علشان احرق اللي كليته فاكون ماخسرت شي بهالطريقه

اتمنى انج تكبين لنا يومياتج برمضان علشان نستفيد من التجربة
انشالله حبوبه راح اقولكم انشالله اليوم انا شنو كليت وشنو سويت
اليوم فطرت عادي وكليت من كل الاصناف اللي موجوده بس بكميات قليله يعني ماخليت شي بخاطري لان الصايم يشتهي الاكل .. شوربه كميه قليله .. هريس ملعقتين بسس .. كبة بطاط وحده.. سمبوسك وحده ..ملعقتين عيش.. ملعقتين تشريبه
بهالطريقه اكون كليت من كلشي وبنفس الوقت كمية قليله وشبعتني هالكميه
وبعدين مع القهوه اكلت حلو صب القفشه بس الشيره مو الشيره مالتنا العاديه لاء هذي الشيره مالت الرجيم يعني على سكرين شريتها من الجمعيه يبيعونها مخصوص لمرضى السكر وللرجيم
اكلت صب القفشه على سكرين والله لذيذه.. المهم ماانحرم من صب القفشه:))
بالليل من شوي شغلت جهاز المشي ومشيت ثلاثه كيلو وبعدها شاي رويال وبعدين مافي سحور
:)))هذا اللي سويته اليوم.. واي سؤال انا حاظره
:))

مرحبا اختى
مبروك نزول اوزن وعقبالى انشاء الله
انا مثلك مااحب التزم برجيم معين من اكل االبيت واخفف الكمية وخاصة انى اطبخ بزيت ذرة بنسبة قليلة والارز الابيض اسلقة من غير زيت او شىء واستعمل سكر لفواكه
انا الحين وصل وزنى للتوب وعمرى ماوصلت للزيادة هذه 80 كيلو وانا لى 5 شهور جايبة بنتى وكمان ضاربة ابرة منع الحمل وابرة حساسية شوفى التضاريس من كل صوب
المهم باذن الله رايحة ابدء بالرجيم بعد العيد انشاء الله

الله يوفقج وتسلمين

تسلمون والله اسيرة الامل والغلا وانشالله ينزل وزنكم وتوصلون الوزن المثالي والله يوفقكم يارب