البنات ماقصروا ربي يعافيهم جميع
بحط لك طريقة كبستي ممكن تعجبك ,, والمقادير اعتمدها بالنظر بس بحاول أقرب لك
-بصله متوسطه ومثلها طماطه قطعيهم مربعات صغيره نوعا ما
-في قدر حطي 4 تقريبا ملاعق زيت زيتون ولابدا يحتر الزيت حطي البصل والطماط
-اغسلي 1 قرن فلفل حار وحطيه معه وحركيه وممكن تغطينه شوي لابدت الحمسه تذبل
حطي الدجاجه وتكونين قبل مقطعتها مثلا نص وغاسلتها ..
-قلبي واضيفي م ص تقريبا بهارات مشكله وانصحك بالبهارات السبعه من اسناد حلوه للكبسات
-وايضا فلفل اسود عدل+كمون عدل لوعندك+حبوب كزبره من كل شي 6 حبات تقريبا+3قرنفل+3هيل
واقطعي قطعة فلفل بارد وحطيها معهم ولاتحطين ليمون اسود موكل ليمون اسود ينفع بعضه يخرب الطبخ
-لاحسيتي الحمسه بدا يتغير لونها وتتسبك طبعا مع التقليب شوي جهزي ما مغلي وانتبهي لهالنقطه!
-اضيفي الما المغلي لين يتغطى الدجاج بس يعني تشوفين طرف علو الدجاجه طالع وخلي النار عاليه الحين وغطيه
-خليها تطبخ 20 دقيقه بس وثم غسلي الرز وارشح لك ملك الارز واحيان اسوي العائله
-غسل الرز مقدار3بيالات حطيه في زبديه وصبي عليه ما وحوسيه بيدك وغسليه كم غسله تقريبا 3 لين تحسين مويته صارت صافيه
-املحي المرق وثم حطي الرز المغسول بدون مويته وثم ذوقي اذا يحتاج شوي ملح زيدي
-خلي النار متوسطه الى عاليه يغلي وماراح يطول وأول ماتشوفين الرز بدا يطلع يعني تشوفينه عن المرق
قصري عليه مره اقصر شي خليه ع نار هاديه مره لان المرقه بتكون شويه ونبيه يستوي ع هياده واضيفي عليه قطع فلفل بارد ابد اقطعي بيدك متوسطه واضيفي كم قطعه وسكريه بالغطا
-تبين تكبسينه ع الدجاج او طلعي الدجاجه بعد 20 دقيقه اللي راحت وحطيها الفرن مع دهنها بشوي صلصه بس عشان تشقر ولعي عليها من فوق
-الكبسه يبيلها تستوي هنا اكثر من ربع تقريبا المهم ممكن بعد الربع تفتحينها وتشوفين استواء الرز وتخلينه يطبخ ع بخار الكبسه بس اهم شي مايحرق
-طفي عنها عقب واغرفيها والدجاجه حمريها من فوق بس لوحابه تحمير
وإن شاء الله تضبط معك
دعواتك ربي يسعدك ويسخر لك
البنات ماقصروا ربي يعافيهم جميع
بحط لك طريقة كبستي ممكن تعجبك ,, والمقادير اعتمدها بالنظر بس...
صاحبه الموضوع حطي بهار مطحون وثوم وبندوره وصلصله طماطم من وصفك احس اكلك ماله طعم