طيب ما فيها شي لو اتعلمتي من اخواته و امه ، روحي لهم يوم و قولي بشوف طريقة كبستكم ،،، و اتعلميها ، يمكن مهما تسوي ما راح يعجبه الا طريقة اهله ،،

ياعممري 😅 والله طريقتك زينهه والمقارنه ماتصلح 🙊
المهم بقولك على طريقتي
حطي بالمطحنه جزر حبتين ثلاث وبصله وحبتين ثوم وحبه فلفل رومي وشوحيهم ع النار وحطي بهارات زي لومي قرفه هيل قرنفل شيبه مدري شبه المهم ورق غار واذا تحمرت حطي ثلاث طماطمات مطحونه ومكعب ماجي ومعجون طماطم وبهارات الكبسه لو ماعندك حطي فلفل اسود وكمون وهرده وملعقة دبس رمان لو ماعندك عادي وحطي الدجاج اللي سلقتيه قبل وخليه عشر دقايق بعدين شيلي الدجاج وبصينيه على الفرن وحطي الرز ومرقة الدجاج واملحيه ولاتكثري المويه وبس وبالعافيه ذي طريقتي ودايم تعجب ابو الشباب😅


لولو سلطان

طماط وبهارات كاري اسناد العدله ماتتطعم قوة

اخذي نصيحتي وباذن تدعين لي اول سر للطبخ تكثري بصل مو حبه وحده وقطعيها تقطيع ناعم الزيت لازم يكون ساخن مو تحطي البصل وبعدين الزيت فهمت وبعدين البصل لازم يستوي يكون ذابل مو ذايب لانو لو ذاب مع الطبخ ينهري وتروح نكهتو اذا زوجك يحب الثوم حطي ثوم وتوصي وحطيه بعد مايستوي البصل لان الثوم يستوي بسرعه وينحرق اول مايتغير لونو ويصير ذهبي حطي عليه الطماطم وقصري عليه لحد ماتذوب الدجاج واللحم انقعيهم في خل ابيض يشيل الزفره ويطريهم هذا تبغي تسوي كبسه بعدين حطي اللحم او الدجاج وقلبيهم مع بعض وحطي كركم وبهارات مشكله كلها مطحونه وكم عود قرفه وحبات هيل وقرنفل وحطي المويا الرز نقعيه وصفيه تمام وبعدها حطيه واول مايغلي قصري النار وحطي الملح خليه عشر دقايق بعدها ذوقي الملح لو حيستي انو قليل زودي شوي وغطي القدر واذا نشف من المويا جيبي قطع زبده ووزعيهم ع وجه الرز وارجعي غطي القدر خمس دقايق تكون النار مقصره ع اخر شي اذا بتسوي برياني نفس الخطوات اللي قلت لك في البدايه بس حطي زنجبيل طازج مبشور كاري كزبره خضر زبادي بدون مويا وحطي الدجاج قص ي النار وكل شوي شوفي اذا احتاج مويا زودي مويا شوي قد فنجال الشاهي تكون المويا حاره والرز اسلقيه في قدر ثاني ثلاث ارباع استوى وبعدها صفيه من المويا وحطي نصو ع الدجاج وقلبيه لحد مايشرب الخلطه تمام وحطي باقي الرز بدون تحريك وقصري النار اذا استوى رشي بودرة زعفران وكزبره خضرا وقطع الزبده وشوي موية كادي وغطي عليه دقايق وتمتعي بالذ رز واذا تبغي تسوي الدجاج بالفرن نظفيه بخل وملح تمام وبعدها من الليل نقعيه في زبادي وخل ودخليه التلاجه ووقت الطبخ حطيه في صينيه وباقي الخلطه حطي عليها مويا وكركم وبهارات وملح وصبيها ع الدجاج وغلفي الصينيه بقصدير ودخليها الفرن واذا استوت ولعي عليها مو فوق راح تطلع زي دجاج المطاعم طريه ولذيذه دعواتك لي

الله يعينك