السلام عليكم إيلين
أنا كمان عندي سكر حمل من الشهر الخامس

بالنسبة لوضعك
الحمد لله زيادة السكر عندك قليلة
انا بعد 60 دقيقة كنت 218
وبعد 120 كنت 186

والحمد لله مع الحمية صار طبيعي

وانت كمان الحمد لله سكر الصايم عندك متلي طبيعي وهذا أهم شيء يعني المشكلة بس في الأكل ومابتحتاجي دواء بإذن الله

نصائحي إلك حتى تكون نسبة السكر طبيعية
أولا
لازم تبتعدي نهائيا وتماما ومابصير أبدا أي شي فيه سكر
مو تخففي لأ ممنوع تماما
ثانيا استبدلي كلشي أبيض بأسمر (الخبز ،الرز،المعكرونة )

ثالثا
من المهم أنه تنظمي أوقات وجباتك
يعني حاولي قدر الإمكان يكون الفطور والغدا والعشا تقريبا نفس الوقت يوميا

رابعا
لازم تكون وجباتك
6 وجبات تقريبا كل ساعتين ثلاثة وجبة
3 وجبات رئيسية فطور غداء عشا
وثلاثة (بين الفطور والغدا
بين الغدا والعشا
وقبل النوم


بإذن الله إذا مشيتي على هذا النظام بصير السكر بمعدل طبيعي

وحتى تكوني متأكدة
اشتري جهاز قياس السكر
وقيسي كل يوم
سكر الصايم
بعد الفطور وبعد الغدا وبعد العشا بساعتين

لازم الصايم اقل من 90
وبعد الوجبات الرئيسة بساعتين اقل من 120

اول يوم افطري فطورك المعتاد وبعد ساعتين شوفي النتيجة
اذا في زيادة حاولي كل يوم تخففي شي وتشوفي نتيجة التحليل لبين ما تشوفي كم الكمية المناسبة حتى تكون النسبة طبيعية

وهكذا بالغدا والعشا

مع العلم انه بالفطور بتحسني تدللي حالك أكتر الشي لأنه بالصبح سبحان الله الجسم بيحرق أكتر بكتير من بعدين

استخدمي هذا الجدول لمعرفة نتائجك

مثال

بس متل ماقلتلك
انت ماشاء الله الزيادة عندك قليلة
فما تخافي
بس لازم تنتبهي على نوعية الأكل