4 سنوات عمر حلو للروضه

لأن ثلاث سنوات بعده ياهل وقدراته اقل من الاطفال لي عمرهم 4 سنوات

وانا تدربت شهرين في روضه وكنت ادرس اول روضه ولاحظت ان لي عمرهم 3 مايعرفون يمسكون القلم زين مثل عمر ال 4

وفهمهم أبطأ ويحبون اللعب والرسم اكثر من الحروف والارقاام....


بس الجمييييع ماشالله يقدرون يحفظون السور القصيره..اطفال ال3 و الا 4 بس يبالهم متابعه يوميا...


وفي وجهة نظري..انشالله يوم الله بيرزقني...في عمر الثلاث ببدأ احفظهم قراان فقط..وطبعا اللعب شي ضرووري لهم عشن يكتشفون ويزيد ذكائهم
واعرف شوهواياتهم وانميها لهم..

وسن 4 بدخلهم الروضه ...بس قبل دخولهم الروضه بين كمن يوم بمر وياهم وبراويهم الروضه من برع وبقولهم هذي روضتكم
وبيكون عندكم اصدقاء وبشتري شنطه صغيره والوان للروضه ....

لأن يقولون هالطريقه تخلي الياهل مايشعر بالخوف في اول يوم دراسي له يكون متعود وبالتالي مابكون اول يوم صعب

أنا دخلت ولدي على 3 سنين مركز تحفيظ قرآن

4 سنين دخل KG2 بصراحة شوي صعب وهو في مدرسة دبي الدولية وهم اللي حطوه بهالصف وكنا مفتكرين بكي جي 1 لكن قالوا حرام يلعب وبس وسووا امتحان وقالوا كي جي على طول بدون كلام مع اني خفت ولكنهم قالوا لي حرام يلعب وبيكونوا اصغر منه ما بيستمتعز


المهم درس بالروضة عربي وانجليزي ودين وفرنسي وكان مستواه بصراحة متوسط يميل للشطارة يعني بتقدري تقولي ترتيبه الثامن على 22 ولد .

ولما رحت زيارة للمدرسة كان في بنتين قمة في الشطارة وحدة مصرية ( كالمعتاد بالشطارة ) والثانية لبنانية .

تخيلوا كم عمر المصرية الأولى على الصف ؟؟؟؟؟؟؟؟؟؟؟
ابني كان بآخر الروضة عمره : اربع سنين و8 شهور
والبنت عمرها ست سنين وشهرين .


يعني فرق كبير كبير والثانية عالصف عمرها 6 سنين .

والباقي بعمر ابني اللي كمل 5 او بعد أشهر بيكمل .


وانقهرت ورحت للمديرة وقلت لها انتو اللي حطيتوه بهالصف قالت : مش لازم يكون ابنك الأول عالصف ولا الثاني ولا الثالث .

وانا مع المديرة طبعا لنو في صفات أحسن منهم يعني يلبس لوحده وياكل لوحده ويمثل ويروي قصص ويألف شغلات ويقول انا مهندس .

قالت لي الديرة البنت الشاطرة : تقرأ وتكتب وعبقرية لكن ينقصها اشياء كثيرة وحتى ولا تلعب كالأطفال وكل الوقت تقرأ وقالت لي هذا غير صحي ولا سليم .


رحت تعرفت على الأم وجلست معاها وخبرتني بانها تدرس البنت 3 ساعات باليوم !!!! معقولة لهالدرجة ؟؟؟؟؟؟؟؟؟؟؟؟؟؟؟؟؟؟؟؟؟؟؟

واقتنعت بابني ومستواه والحمد لله .


لكن الثاني بخليه يدخل الأول على 6 سنين ان شاء الله .حتى لما يصير بالجامعة يصير فرق بينه وبين اخوه وما نتغلبش بالمصاريف ان الله أراد ان شاء الله .

شكرا حبيباتي على الرد بصراحة انا وايد استانست من ردودكم خصوصا انها نفس رأي بس حبيت اشاوركم..........ماشاء عليكم اكثر من خوات....
scson شكرا حبيبتي
ام صلوح ان شاء الله انشوفه عريس بس لاتنسين تعزمينا....
gogitta شكرا على ارائك وطرقك الحلوة وعقبال ما نسمع انك دخلتي ولدك المدرسة الله ييسر امورك.........

يالله بنات نبا مشاركات

عمر اولدي 4 سنوات ونص
بدخله السنه هذي روضه ان شالله

طيب انا ابني عمره 4 سنوات و8شهور ودخلته تمهيدي مع انه ذكي وبيستوعب وبيمسك القلم وبيكتب ....
هل المنهج حيكون اكبر من مستوى تفكيره لدرجة تتعبه وترهق تفكيره ؟؟؟؟