(متجدد)(شاركونا تجاربكم الفاشله مع الريجيم )

اهلين اختي والله موضوعك عسل مثلك

راح ادخل بالموضوع ... تروني متحمسه مرررره
المهم
مره قريت عن رجيم خمس ايام كل يوم نوع
وكان اول يوم زبادي وكنت مره متحمسه
واتصل ذاك اليوم على البقاله ولا يردون ؟؟؟؟ وازن على ابو الشباب
حتى جاب الزبادي وهو يتمسخر علي .. وانا مطنشههههه
وجا اول يوم لو تشوفون شكلي وانا اتغصب الزبادي والله ترحموني
ومره مع الملح ومره مع سكر الرجيم بغيت ادوخ من الطعم
المهم يوم جا بكره والا اتفاجئ من بطني
كبررررررررررر يااابنات ووزني ما نزل ولا غرام ..
واخرتها بعد تثقيف نفسي اكتشفت انه الحليب ومشتقاته ما يناسبوني
وينفخون بطني بعد .. طبعا خبيت على زوجي الحبيب عشان ما يلاقيها فرصه للتمسخر ....

وايييييش بعد .... ايهه الشاي الاخضر ما ينفعني ابد ..

واكل النشويات بالرجيم ماااا تنفعني ابد ...

والرياضه حلوه بس وقتها المفروض ما اوزن عشان ما اتحطم من عدم نزول الوزن المؤقت ... مع انه ترتب الجسم مرررره ويبان باللبس
بس وش اسوي بعقلي التنكه ما اصدق الا لما اشوف الميزان واذا شفته ثابت طرطعت مع اني فاهمه الطبخه زين وانه العضلات تكبر مع الرياضه والهن يقل وكل هذا فاهمته لكن لا جا وقت الميزان يجيني غباء نصه يكفي .... ما كني عصبت ؟؟؟ والله غصبااا علي اعذروني


نرجع للموضوع... ( بدري .................. )

ما ناسبني رجيم التمر والزبادي ...

واكتشفت انه اذا قللت شرب الماء والسوائل في الرجيم ما انزل بسرعه
....


........ واذا تذكرت شي راجعتلكم ....

ريجيم الصنف الواحد فاااااااشل معي..
وسبب لي دوخة وخفقان وبغيت اموت بسبته ..

قياس الوزن اليومي بعد شي مو زين ..
لاني اذا مانحفت اصير اندفع للأكل من القهر <== ماعندها وقت

وبرضو الاحسن اني احط ببالي ان التخفيف مو مسألة اسبوع او يوم لا ..
احتاج يكون هو معياري بالحياة بس بدون حرمان..
ممكن يوم بالاسبوع مفتوح..
وباقي الايام تخفيف ..

انا لاحظت اني اذا مسكت ريجيم معين انهبل اكثر على الاكل ..
ويزيد وزني اكثر! يمكن لان انا مااتحمل شعور الحرمان ...

وبعدين في شي حلو ...
لو مسكتي نظام اكل صحي ومافيه جنك فود لا تهتمين بالوزن..
طبيعي ماراح ينزل بسرعه لكن نزوله تدريجي ومستمر..
وانا لما كنت اقيس وزني كل اسبوعين ماالاقيه نزل كنت اقول بنفسي اقلها كسبت اكل صحي يفيد العظام واعضاء الجسم.. مو مثل بعض الريجيمات ممكن تحرمين نفسك وتتعبين ولا يستفيد جسمك وممكن ماتنزلين بالشكل المطلوب ...

هذا اللي جا ببالي وحلو موضوعك :)

بقولكم قصتي مع الميزان .. لوووول ..

قبل عرسي بشهر ونص تقريبآ بدت الأعصاب تتلف .. وصرت وايد عصبية ..

ويوم ازعل واعصب أحب آكل ..

فخفت وزني يزيد وصعب انزله .. واتوهق مع الفستان ..

كنت كل يوم الصبح أول شي اسويه اوزن واشوف اذا زاد وزني ولا لأ ..

فكان سلمكم الله الميزان كل يوم يعطيني نفس الوزن .. واذا يزيد نص كيلو بس ..

وبعدين قلت مستحيل ما زاد وزني ولا كيلو .. أنا حاسه بثقل ..

وجربت البس بنطلون من بناطليني القديمة مالت أيام العز ..

والمفاجأة القاسية البنطلون ما يتسكر :icon33: ..

وقلت لأمي احينا اطرشين حد يشتري ميزان ضروري ..

ويوم وزن الميزان ..

المفاجأة الاقسى .. وزني زاد 7 كيلو .. :icon33:

على طوووووووول خدت موعد عن المصمم ورحت اشوف القياسات ..

الحمدلله قالي ما تغير شي من قياساتي :)

ودخلت المنتدى وشفت ريجيم 12 كيلو في 12 يوم .. وقلت لازم اعاقب نفسي وانزل 12 كيلو ..

وكنت اروح النادي والعب رياضة احيانآ مرتين في اليوم .. 3 ساعات العب رياضة ..

بس للأسف ما نزلي الريجيم الا 5 كيلو .. :(

وكنت تعبانة حتى اهلي يقولون كل هاه خوف من يوم العرس .. ويهج صاير اصفر :(

وباقي كيلوين لازم انزلهم ..

وسويت ريجيم كيماوي كانت تسويه بنت عمي ..

ونزلت 8 كيلو في اسبوع

ورحت للمصمم وقالي قياساتج صغرت :icon28:

# واحينا توووووووووووووووبة ما استخدم الميزان العادي ولا الالكتروني :D ..

بس في النادي في ميزان يطلع نسبة المواد اللي في الجسم .. والطول .. والوزن المثالي ..

:( بس هالايام وزني قاعد يزيد .. ومب قادرة اسيطر على نفسي ..

قبل يوم كنت بنت ..وقت ما ابى اسوي ريجيم محد يقولي لا .. بس احينا :icon33:

والسمووووووووووووووحة عالاطالة ..

انا يابنات مشكلتى مشكله

بقالى خمس سنوات منذ انجاب اول طفل لى احاول انزل وزنى

ولكن للاسف الشديد دائما افشل

ولا استمر على رجيم واحد اكثر من نصف يوم

اى حتى موعد الغداء

واجلس بعد كل اكله مخالفه للرجيم ابكى بكاءا شديدا :icon36: :icon33:

يتبعه اكل اكثر واكثر :10_8_10:

وتتعب نفسيتى اكثر واكثر

انا حزينه جدا على نفسى :(

واحزن اكثر عندما ارى هذا الحزن فى عيون زوجى :06:

الذى قال لى مرارا وتكرارا ان انحف وبكل الطرق والوسائل :angry2:

واحضر لى الاجهزه الرياضيه :7_5_127:

ولا حياة لمن تنادى

وفى نهاية المطاف اصبح صامتا ولا يفتح هذا الموضوع ابدا

مشكلتى الاساسيه فى اى رجيم انى عندما اتضايق ولو من شىء بسيط

افرغ حزنى وغضبى فى الاكل :f226:

خاصة واننا فى الغربه بعيدا عن الاهل والاوطان

ساعدونى يا بنات بماذا تنصحوننى :confused:

فانا حقا استاهل الضرب :icon29:

mazagea ..... mashkoura 7beebty 3la 6r7 el-mawthou3...ana mo bel moud 7aleyan eny athkir fshaly el-tharee3 weya el-rejeam leash eny lo batkalam ba'alif kotob
Bs 3endy so'al ,entay thekarty ena el-chaay el-akthar eythabet el-wazen,min wean yayba hal ma3louma o etha 6la3 s7ea7 etkoun moseeba sra7a,leash eny ana ga3da ashrab aqal shy maretean bel youm o fe3lan wazny ya thabet o etha t7ara7 zaad :(,leash eny gareat 3n rejeam min mowathee3ich etgoleen ena 3la el-reaj kintay takhthean chaay akhthar ,fa aby tawthee7 PLZZZZZZZZZZZZZZ
o kil el-khawat ya36ekom el-3afya 3la mosharakatkom elly akeed ra7 eykoun feha fayda lena