مشكوووووووووره أختي عالموووضع والتمرييين
أنا جوانبي معذبتني ... ليا 5 أيام أسوي التمرين اللي قلتي عليه وإنشالله ما أقول تخف لا تختفييييييييييي ... وأردافي ما عندي بس ألحييين ملاحظتها شووي بدأت بسوي تمريينك يومياً
هذا غير المشي من 20 لـ 40 دقيقه عالسير و ألأوربترك ربع ساعه و أهم شي الرجيييم إنشاله تبين النتيجه وإنشالله تستمر هالإراده >>> قووولوو آميين يابنات
مشكوووووووووره أختي عالموووضع والتمرييين
أنا جوانبي معذبتني ... ليا 5 أيام أسوي التمرين اللي...
شلونج وشخبارج عساج بخير
شوفي عزيزتي
الكلام اللي بقولة الان لج وللاخوات جميعا :39:
ولي انا اولكم :)
لازم تتعودين انه مافية شيء بسرعة ابداً
اذا تبين شيء بسرعة مابتلقين النتائج اللي تبيغينها وترجينها
لازم يكون عندج صبر تعرفين ليش ؟؟؟
لان اذا كان عندج صبر بتقدرين تسويين التمارين
واذا ماعندج صبر صدقيني مابتقدرين تسوين التمارين
يمكن تسوينه مرة او مرتين بس ما بتستمرين ولاتنضبطين !!؟؟
وهذا اللي ينخاف منه !!
الاستمرار والانضباط هو الاهم حبوبة
وليس معرفة التمرين تكفي ابداً لاتكفي !
الان بشرحلج اللي تبينة
شوفي الجوانب هي مانقصدبه الشحم الذي بجانب الحوض من الجهتين اليسرى واليمنى والتمرين الثاني هو الذي ينفع لج
شرحتة للاخوات وبرد اقوله لج مرة ثانية حبوبة :)
تنسدحين على الجهة اليمنى وتثنين رجلج اليسرى الى الخلف بحيث يكون الساق متلاصق بخلف فخذج وترفعين الى فوق وتنزلينة الى الارض وتكررين
بس لاتسرعين
ترفعين وتنزلين هذي مرة وتعملين التمرين 8 مرات
وتزيدين بالتدريج اليوم 8 بكرة 10 بعدة 15 بعدة 20 وهكذا
ايضا بنفس الوضعية ولكن بمد الساق اليسرى بمحاذات اليمنى فوق بعض وترفيعن اليسرى فوق بحيث ينفصل الساقان والفخذان مثل شكل المقص المفتوح
فتفتحين وتسكرين الساق اليسرى 8 الى 10 وتريحين ثواني وتبدأين مرة ثانية 8 الى 10
وهذا التمرين يختزل الجوانب بشكل ماتتصورينة لكن الصبر الصبر
وبنفس الوضعية لاتغيرين ترفعين ساقك اليمنى مع الفخذ الى الاعلى وتعدين 8 الى 10 حسب قدرتك بدون ثني الساق ابدا
ومن ثم تنقلبين الى الجهة اليسرى وتثنين الساق اليمنى الى الخلف وترفعينها وتنزلينها 8 وتزيدين كل يوم 5
ومن ثم تعملين التمرين الثاني بمد الساق اليمنى كالمقص وتفتحين وتسكرين مثل الاعلى تماما ..
وهكذا
وهلابج حبوبة اي شيء تبغينه :39: