مذكرات قروية في برايتن: أبونا مصخّن!!

هيابعد قلب قلبي أنت يارجيلي...


أجل مصخّن....؟؟؟؟:09:


_وعظااااااااامي عظااااااااامي تسنهن مضرّباتن بساطور...:eek:



بدأت المشكلة البارحة يوم انه كان ويك إند قبل لاأخلص روايتي المشهورة عن مورين يوم العيد....

وباقين عاد يوم الأحد نبي نروح نتمشى ونعين من الله خير...

الهقوة إننا البارح ماتمشينا ونبي نفشّها اليوم ونروح الشاطىء ....

أنا قلت لابونا وانحن نتكّس على رجيلاتنا نبي نروح للبير (اللي هو شاطىء برايتن) ...هلحين يوم انا جينا وضربنا مشوار للبيتش ورانا مالبسنا مايوهاتنا عشان نسبح ؟؟؟


وهو يفرّ راسه عني ويقول انهبلت الحرمة صدق...توها باديته الصخنة يابعد قلبي....!!


عاد انه بردٍ يشخف القلب بس مع ذلك به ناس متسدحين ومتبطحين (ظهر وبطن :) )....


وناس يتزحلقون على البحر الله لايهبلنا ....وناسن راكبين دبابات فوق البحر...

وناسن قاعدين تحت الشمس وفوقهم مظلة وحاطين نظارة شمسية ....هلحين يوم انكم ماتبون الشمس وش قالعكم لها ؟؟؟؟:30:

عاد اني يوم اني اوجست الشمس وابدا اذوب ...خابرتها كانت برد وش خلاها حر مدري...

قلت لابونا ابي عسكريم ...عسكريم باللي هي بالطول ولابالعرض...

بس المهم يكون حلال :)...بس هذي هي المشكلة...

قال يابنت الحلال خل نوصل همن يحلها ربك


طبعا وعشان توصلين للبيتش لازم تقطعين شارع...

والشارع من جيتي لهالديرة وهو عقدة العقد عندي..

الاشارات الضوئية حقت المشاة عمري ماقد شفتها الا بالتلفزيون ...

وحتى لو شفتها متى قد استخدمناها تكفون ؟؟؟؟عمرنا كله على سياراتنا ماقد نزلنا منها!!!!!



هنا الوضع تغيّر...ماهنا لاسيارة ولاهنا الا رجيلاتس الله يقويتس...وطالعي الاشارات قبل لاتقطعين ولا بتجيتس سيارتن ترصعتس وانت مادرى عنتس احد...



طبعا من البلاوي التي ابتليت بها ان رجلي متهوّر أو إنه متهوّر...

يعني يشوف الاشارة حقت المشاة مرسومن بها رجلن أحمر واقف..

يعني انطق واقف زيه عساك للبلا...


وهو يمسك يدي ويقول يالله مابه سيارات اقطعي اقطعي....!!!!!

يوايلي ويلاه...


طبعا عشان تفهموني لازم تعرفون خلفيتي التاريخية...

انا وانا بثالث ابتدائي وبالتحديد يوم مجلس الأمهات ....قد صدمتني سيارة بس ماكانت مسرعة:)


والا كان ماشفتوني اكتب لكم طبعا....

تثثثثثثثثثث.....شفتوا ثنوني طايحة عقب الثدمة....؟؟؟؟ماعندي ثنون....:22:

ومن زين الوجه الشايب الي صدمني نزل يهاوشني يقول وراتس ماتطالعين عساتس للعمى ...


يعني لاهو باللي ماصدمني وكسر ضلعي ولاهوب اللي قال لي بسم الله عليتس ...


الله لايذكر هكالوجه الودر بالخير....

تسيف إنه يوم إنه صيّحني وطيّح شنطتي والحلاو اللي كان معي جايبته للبنات عشان حفلة عيد الامهات..!!!!

أذكر أمي يوم اني قلت لها قالت لي تسان خبطتيه بالشنطة مع كرشته....

أذكر كان له كرشة بعد من زود النعمة....
ا

هئ اهئ شوي بروح امسح دموعي اهئ....:(نف نف


المهم وعقبها بأمانة وبصراحة ....صارت عندي وللحين عقدة من شكل السيارة....وخوف ورعب شديد منها لما تقرب مني وهي تتحرك ...حتى لو هي مهدية ....

يجيني نفس الشعور اللي صار لي يوم تخبطني ....


وسلّط ربي علي رجلن مايرحم وماغير يسحب يدي والسيارة تقرب وانا تشوفوني ماغير اصايح لألألألألأ انتبه انتبه انتباااااااااااااااااااااه..

وهو يقول يابنت الحلال مهيب لمنا...


يوم انها جت القشرا هكاليوم ....وهو يمعط يدي بقوة وان ايوم شفتها ماقدرت كعيت بوسط الشارع...

وقفت تخيلوا....!!!!

وهو يضرب الانغليزي هكالبوري طااااااااااااااااااااااااط ...ويطلع يده ويسبني ....

انا صراحة ماالومه بغيت اسبب له حادث واللوميقع اولا واخيرا على رجلي هالفالح الي بغى يروحني...

المهم وهو يبدا ينتفض عارفن ان المسالة صارت جد واروح اخليه ابعد عنه (على بالي فيلم رومانس امريكي:) )



ويجي يراضيني بالشارع (ياسلاااااااااااام) بدورة بدورة معليش اخر مرة ....

وانا ماغير انافخ : مرة ثانية تبي تموت موت لحالك انا ماودي اموت ...


إلخ من قاموس الشتائم والهوشات....

عقب هالموقف وموقف ثاني بغت تصقعني فيه سيارة شايب انغليزي صار رجلي يوقف حتى لو مافيه سيارة :) انتقلت العقدة مني له


هكاليوم وحدة تلبق سيارتها مير يوقف يحسبنها تبي تمر ...أحسن ....خليك تتأدب مرة ثانية...


دقيقة بروح اشلون ابونا واجيكم...