يا بنات يا حلوات يا امورات اللي اجسامكم اجسام ملكات جمال هيه و الله ما جذبت بس احنا نبغي نزيد عشان مب مرتاحين من اجسامنا و نغار من المربربات :D
المهم يا عزيزات المشاركات
مثل ما قلت خير الكلام ما قل و دل
اهم الاشيا المستفادة من الموضوع كله غير الحوار و تبادل الاراء
هي الاشياء التالية:
1- اهم الاشياء العزيمة و الارادة مثل عزيمة اختنا ماريا كلنا لازم نملك الارادة القوية للاستمرار في المشوار ربما يكون طويل نوعا ما .
2- الوجبات الرئيسية اليومية و هي 3 وجبات يجب التقيد بها و هالشي سبق و خبرناكم به يعني ننام بكير و نصحى بكير و نفطر و نتغدا و نتعشى و خلال النهار بطوله عندنا فرصة كبيرة للجوع و الاكل و طبعا اكل الاخضر و اليابس لا تنسون .
3- عدم الكسل مثلي يعني و العجز ... لما اجوع اتعاجز للذهاب الى المطبخ و الاكل اقول لنفسي بصبر شوي بصبر مالي خلق اروح اكل بذمتكم شفتوا وحدة كسولة مثلي :icon33: .
4- الحلويات و الاكثار منها مثل الشوكولاته جالكسي و اسنكرس و الاكثار من باونتي لان فيه سعرات اكثر و الايس كريم والمكسرات و كل انواع الحلوات و اعتقد الحلويات ما نحتاج نجوع عشان ناكلها صح و الا انا غلطانة .
5- شرب 3 اكواب حليب نيدو و هذا سبق ذكره ومن الاوليات اليومية كوب الصبح كوب العصر و كوب قبل النوم و هني و عافية :D .
6- اللي تحب تشرب زبيب تشرب لانه ينفع و اللي تحب الحلبة هم تجرب و احنا صايرين فيران تجارب جربوا كل شي يا بنات و لا تخلون شي و الحين انا افكر في السحلب و ان شاء الله امشي عليه يلا جربوا معاي يمكن ينفعنا .
7- لا ننسى الوجبات الخفيفة بين الوجبات الرئسية يعني اذا شوي بس حسيتي باليوع قومي سويلج سندوشة جبن مع العسل مع كوب عصير برتقال او كوب زبيب و الا كلي شبس ليز و هذا ما ننساه لازم تاخذولكم كرتونة شبس ليز و كلوا العصر قد ما تقدرون .
8- و هاي النقطة مهمة انا الصراحة ما احب اجرب حبوب لان مفعولها وقتي بس في اشيا ابغي فعلا اجربها و مجربة و مضمونة مثل حبوب الخميرة و المسقور مادري اذا اسمه صح و الا لا .
9- راجعي قائمة السعرات الحرارية و اختاري اعلى شي و كثري من اكله و اقولكم مرة ثانية شي ما تحبينه لا تاكلينه عشان ما تكرهين الاكل و كثري من الاكلات اللي تحبينها .
10- عندج ميزان في البيت خليه حق نهاية الاسبوع فقط يعني مب توزنين كل شوي و تشوفين ان وزنج نفس الشي و تحبطين لا يا اخوات اوزنوا مرة وحدة في الاسبوع عشان تشوفين الفرق.
11- استفيدي من قائمة الوجبات لبعض الاخوات و بعض التجارب المستفادة منها و حاولي تكثرين البحث في النت عن الامور هذي و عن بعض التجارب و يا كثرها في النت .
12- حطي في بالج انا احنا مجرد مشرفات على المسابقة و ما نقدر نزيد لج الوزن هالشي بايدج انتي اختي و تزيدين على قد عزيمتج و ارادتج و الكلام و الحوار و كل الردود ما تفيد اذا انتي ما بديتي تغيرين نفسج بنفسج .
13- كل اربعاء قلنا نشوف وزنكم كم وصل و ما شفنا الردود في الاسبوع الماضي و لا عرفنا كيف تمشي المسابقة مع اني كتبت ان كل وحدة تحط وزنها و يمكن لاني كنت مشغولة عنكم شوي فاعذروني و رجاءا من باجر كل وحدة تدخل تكتب وزنها قبل اسبوعين عند بداية المسابقة و وزنها الان عشان نشوف الفرق يلا همتكم .
المشرفات العزيزات ماريا و فسفورية خلونا نتعاون و نجمع النتايج
و بالنسبة لاقتراحج اختي ماريا محد مشى عليه و لا طبقنا سالفة النقاط للاسف
خلونا نكون جادين شوي و نبين لمشرفات القسم ان نحن قد هالمسابقة و ان شاء الله بنطلع بنتايج حلوة .
و اهلا بكل جديدة انضمت لنا و نقولهم الوقت ما فات و ابدوا من اليوم ان شاء الله
حياكم جميعا و ان شاء الله نتوفق
يا بنات يا حلوات يا امورات اللي اجسامكم اجسام ملكات جمال هيه و الله ما جذبت بس احنا نبغي نزيد...
تخاويني ؟ ههههههههههههه