معاناتي مع زوجي وسمنته

يسعد مسااااكم اخواتي الغاليات
احمد الله ان جعل لنا هذه المنتديات لكي تكون متنفسا لنا حينما تضيق علينا وتنعدم في اعيننا الحلول
واحمد الله انني وفقت للتسجيل في هذا المنتدى ووجودي بين اخوات لم تلدهم امي يسمعوني ويرشدوني ويواسووووني



بأحكي قصتي من البدايه وهي بداية ارتباطي بزوجي الله يحفظه
طبعا سمين جدا جدا وبصراحه لا اعرف كم وزنه ولا يريد ان يبوح لي بوزنه بالإضافه اصابته بالإحباط إللي خلاه يطنش وياكل ومن غير اي اهتمام وزنه وصل لحد كم
بس اكيييييد فوق 150
لدرجه يوم الملكه عماني لما شافوه اعترضوا على الزواج وكلمني عمي وجلس ينصح فيني وانه ماينقصني شي وكيف اضيع شبابي مع انسان ممكن السمنه وامراضها تفقدني اياه في اي لحظه .وان الحياه الزوجيه تعاون وصعبه يكون متعاون معك وهو بهالوزن .....الخ بس انا كنت مقتنعه تماما ان هالإنسان هو إللي بيسعدني وكان عندي عزيممممه قويه اني اساعده ينحف واكون سبب بعد الله في رشاقته وقلت لعمي معليش ياعم سمنته سبب غير منطقي اني ارفض الإرتباط فيه لأن ممكن ارفضه ويجيني واحد نحيييييف و ينكد علي عيشتي يعني السمنه مااااالها دخل في نجاح الزواج او فشله طبعا إقتنع عمي بكلامي ودعالي بالتوفيق والحمدلله كل اللي حولي احترموا رغبتي ولا عارضوني



المهم ما انكر ان كلامه إلى الآن يرن في اذني وخصوصا اني فعلا لمست صحه كلامه من خلال حياتي مع زوجي اكتشفت انه فعلا السمنه منغص حقيقي لحياتي مستحيل اقدر انكر هالشي ابدا
كل يوم يزيد تعلقي بهالشخص كل مايزيد خوفي وقلقي عليه من القادم
دايم افكر كيف بتكون حياتنا بكره
دايم احاتي هالشي


ما اقولكم اني ندمانه ع الإرتباط فيه لا والله بالعكس زوجي اخلاااااقه جدا جدا عاليه وطيب وحنون والكل يشهدله بهالشي والحمدلله قدر بطيبته وحنانه يغطي ع عيب جسمه



تزوجت ووزني كان 60 وطولي 163 وزني جدا منااااسب بس للأسف بدل ماأأثر عليه واخليه ينحف بديت الاحظ اني انا تأثرت بعاداته الغذائيه السيئه

اغلب مقاضيه للبيت شوكليت وشيبساااات وخرااابيط لدرجه المخزن صار كأنه بقاله في البدايه كنت ارفض احاول امنعه بس مافي فايده عنده ادماااان رهيب ع الشوكولاتااات وهووووس رهيب في شرائها مع الوقت صرت اشوفه ياكلها بديت اشتهيها معه وشوي شوي بديت الاحظ زيااااده وزني وكل من شااافني يلاحظ هالشي

وصار وزني خلال ثلاث شهور 70 مصييييييبه عمري ماتوقعت اني اوصل لهالوزن





هنا بديت اصحى ع نفسي واحط هدفي قدامي بديت اضغط عليه دايم اذكره بهدفه اخوفه من السمنه ومضاعفاااتها يعني الحمدلله جابت نتيجه وبدأ يقلل مو يقطعها وبدأت احسه افضل عن اول بوااااااجد



سوينا رجييييم بس والله اكتشفت اني قاعده اضحك ع نفسي
زوووووجي ابدا مو متعااااون معي نهاااائيا يعني في البدايه مشى معي صح لما يزور اهله ويالله اليوم طبخنا كذا وسوينا الحلا الفلااااني وتعال يافلان ذوق هذي وهذي



يعني للأسف اهله هم سبب سمنته يعني العادات الغذائيه السيئه متأصله فيهم احس كل كلامهم عن الأكل وعن المطعم الفلاني ومدري وشو


يعني انا هنا بين نااارين بينه وبين تمرده وعدم تعاونه وبين اهله إللي مو مساعديني المشكله امه دايم توصي علي خلاص ابدأوا في الرجيم ومن هالحكي وهي إذا جاها تأكله وهذا وانا مخبرتها اني ماشيه معاه في الرجيم قمة التناااااااقض


بديت اصااااب بالأحباط عمري ماحسيت نفسي محبطه بهالشكل دايم عزيمتي مالها حد بس في هذا الموضووووع صارت صفر لأن مافي شي بإيدي ويد وحده ماتصفق

زوووجي يبي ينحف انا عارفه انه مدمووور من سمنته بس مو قادر يقاوم المغريات إذا مو عند اهله في الإسترااااحه وروحاته اليوميه لها
تعبت من الكلام الجارح وتعليقات الناس إذا شافوه إللي تقول مسكييينه كيف تتقبله وإلي يقول كويس انه يمشي ع رجوله آآآخ ياقلبي

خلاااااص تعبت تعبت سمنته مأثره ع كل شي في حياتنا
حتى رغبته الجنسيه احس كل مالها في تدني
يعني مقيدين في وضعيه وحده وبعد فيها جهد كبييير عليه اخاااف نوصل لمرحله نصييير فيها اخوااان وهالشي ينحذف من حياتنا

صرت احسه يتهرب يتحجج وخصوصا بعد ماحملت لقاله درزن من الأعذار عشان حملك ومدري وشو


انا عارفه وعاااذرته وبأصبر معاااه للآخر بس إلى متى إلى متى
يعني لو مابيده حلول والله لأقتنع بعيشتي واسكت بس بإيده حلوووول كثييييره وابواب كثيره قدامه تنتظره يفتحها وهو رااافض

صرت اكلمه عن عمليات تحوير وربط المعده خلاااااص اشوفها الحل النهائي له يعني لا رجيم لا رياضه لا حركه ولا حتى مشي وش بيذووووب هالدهوووون ابي افهم

بس للأسف دااااايم يسكر هالمواضيييع قبل لا تنفتح ويقوووول انا رااافض تماما اي تدخل جرااااحي



ياااربي وربي اكتب والعبره خانقتني
يعني الحمدلله ربي لطف بحااااالي واستجاااب دعائي ورزقني بالحمل والحمدلله والشكر له وحده

بالرغم انه اول ماتقدم لي اول شي خوفوني منه الناس ان السمين خصووووبته منخفضه واحياااانا منعدمه بس انا توكلت ع الله والحمدلله كل شي بإرادته وحده هو الرازق وهو الواهب إذا قال لشي كن فيكون

بس من حملت زاااد خوفي من المستقبل صرت خااايفه انه يجي يوم ويتيتم ولدي صرت خايفه ع زوووجي اكثر من الأمراض والمشاكل بجد عااايشه في هم الله لا يذيقكم إياه

أكيييييد بتقولولي لا تفكرين في بكره
وهالشي معكم حق فيه بس كيف ما اقلق من بكره وخصوصا اني مو شايفه قدامي اي بصيص امل



انا عمري مافضفضت لأحد بهالكلااام واول مره اتجرأ واكتب كل إللي في خاطري وفعلا حسيت برااااحه من فضفضت وانا وااااثقه ان نصااايحكم وكلااامكم راااح تريحني اكثر ومتعشمه فيكم اني الاقي حلوول عندكم لأن بجد سودت الدنيا بعيني وماعاد قدامي شي