يا عمري انتي طولي بالك الموضوع جدا سهل شوفي طريقتك حلوة بالكشنه انتظري لين تنضج اللحمه وكوني غاسله الرز وصفي ميته وبعدين حطي الرز بقدر وبلاش كاتم للرز نصيحتي وخليه المياه فوق الرز بأول طرف اصبعك وحطي زيت الزيتون فوقه والزبيب والحبحار وخليه يغلي يقرب يشرب ميته حطي قصديرة وخليه نص ساعه وادعيلي والله زوجك مايجلس الا يمدح طبخك بس اهم شئ سمي الله قبل الطبخ

شوفي ياعسل
انا اسوي كشنة مزبوووطة بالبصل والثوم والطماطم والبهااارات ( اسوي كمية واقسمها لكم يوم قدام ) وارمي علي فلفل حار ..
واخذ منها شوية واحط اللحمة عليها بقدر الضغط لمدة 30 او 40 دقيقة
بعدين اغسل رز ابو كاس واحطها على اللحم والمرق ( السر في انو المرقة تكون بنفس مستوى الرز او اكثر شي بسيييييط جدااا )
وكمان ابشر جزر مع الرز
واكتمها بقدر الضغط لمدة 13 - او 15 دقيقة




ملاحظة ... 1- انا ما احب انقع الرز ..
2- الرز ما يتقلب كثير على النار لانو يتعجن ويتكسر ..
3- زي ما قلت لك .. السرررر في قلة الموية .. يطلع رزك مفلفل مو متلبك ..

اسمعي ي عسل
كشني بطريقتك العاديه واول ماتبداين نقعي الرز بمويه دافيه يعني حق ثلث ساعه طبعا تحسبي للدجاج 10 دقايق لما يصفر واذا لحم صغير ممكن 15 دقيقه
موية الرز كيف تكون مضبوطه حطي ملعقه خشب اذا وقفت ماطاحت بالقدر المويه تمام واذا طاحت المويه كثيره طبعا يكون الارتفاع مقدار انشين ونقصي النار واضغطيه
فيه بهارات اسمها اسناد مكتوب ابازيز برياني مررره لذيذه وتعطي نكهه جميله للكبس

اطبخي في قدر عادي من بدري الى ماتضبطين الكبسات وبعدين اطبخي في قدر الضغ

والله ياقلبي بعطيك طريقه سهله ولذيذه سواء ضغط او عادي
كشني بصل وبس يحمر حطي الدجاج او اللحم وقلبي الين يتغير اللون وبعدين قطعي طماطم وقلبي وحطي صلصه وضيفي شوية مويه بس
بعدين ضيفي البهارات لازم البهارات بعد الصلصه( كمون فلفل اسود كزبره ناشفه)
❀وملح وليمون ناشف( الاسود) قرنفل قرفه هيل (بكبارها)
وبعدين ضيفي المويه الي تغطي الدجاج
اذا ضغط 5 دقايق وقفلي وارمي الرز( انا رز الوليمه انقعه 5 دقايق فقط) المويه يادوب تغطي الرز ومرتفعه عن الرز نص اصباعك السبابه يعني ولمن يبدا يطلع صوت الهسهسه احسبي 5 دقايق عالي
وبعدين 15دقيقه على نار مره واطيه ( شمعه)
وقفليه وشوفي
واذا قدر عادي نفس الشي ولمن توطي النار غطيه بمنشفه
ونفس حسبة فوق
وان شاء الله تظبط معاك