**مقر مجموعة الدعم للتخلص من السمنه** حياكم الله

صباحكم ورد:26:

بصراحه فيني كلاااااام وايد وودي أفضفض :27:

من ولدت من 8 شهور وشوي وانا مبتليه بحالات ضيقة خلق ماني عارفتلها سبب ؛؛ وطبعا حاطه همي بملذات الطعام والله اني آكل من غير احساس بالجوع ووزني يزيد يزيد يزيد الى أن صرت فيل صغيرون (وزني يضيق الخلق ماني مخرعتكم) 00 بديت بريجيم واستمر 3-4 أيام وينزل الوزن وارد اتكاسل وابدي بريجيم ثاني وينزل الوزن وارجع اتكاسل وادري ان هذا مو زين بس فيني شي بداخلى مضايجني وودي أوصله عشان اعرف احله؛؛ شريت جهاز مشي محترم مشيت عليه اسبوع كل يوم نص ساعه والله ارتاحت نفسيتي وحسيت اني أخف من الاول وبعدها تركته مادري ليش ؛؛ حابسه نفسي بالبيت من غير معنى واعتذر عن دعوات توصلني وعذري لنفسي ان منظري مو حلو بأي فستان واستحي الناس تشوفني بهالجسم وتعاتبني من بعد ماكان جسمي حلو قبل الحمل 000 زوجي طيب ويخاف الله فيني وكان دايما بالدواوين سابقا وبعدين لما شافني دايما مكتئبه افتكر ان هذا هو السبب(أكيد هذا من ضمن الأسباب طبعا) فصار يقعد بالبيت مده أكبر وخصص يومين بس بالاسبوع للدواوين ولكنه يقعد من غير ولاكلمه وكل ماانتقد طريقته يقولي هذا هو طبعي ماحب اتكلم وايد ؛؛ محتاجته يكون أقرب معنويا لي لأن أكيد الوضع بيفرق معاي ؛؛ أنا رومانسيه جدا وهو عملي جدا دايما يكون رده حاضر بأي مره انتقد اسلوبه معاي (أنا مشاعري بتصرفاتي وبقلبي ومااعرف أألف كلام) 000 أقول لنفسي يمكن اني ابالغ بالموضوع واكيد هذا شي عادي وانا اللي حساسه زياده عن اللزوم ؛؛؛ وطبعا لما تضيق الدنيا فيني تعرفوووووون وين تلاقوني ((( بجانب الثلاجه اسلم عليها واسولف معاها:cook: ))

تحياتي لكم 00:26:

السلام عليكم
مبروك افتتاح المشروع
واللة يا جورية كانك بتوصفى الوضع فى البيت عندنا
بس انا باحاول اتغلب على الضيق وعلىاختلاف الطباع بالصحبة الطيبة واشغال وقتىبالخير وبمشاغل البيت
احيانا انجح واحيانا على التلاجة على طول بس الحمد للة اوقات النجاح اكتر
ونصحيتى ابحثى عن صديقة صالحة مقاربة لكى فى الطباع والمستوى الاجتماعى ونظمى الوقت بحيث تفضلى مشغولة علاطول
انا عندى عزومة النهاردة بس بكرة انشاء اللة بكمل الريجيم واللة يوفقنا جميعا:26: :24:

السلاااام عليييكم:26: :26:

شلووونكم؟؟انشااالله بخييير

اختي جورية الكوييت ... انشااالله تتخلصين من وضعج ذي بمساعدة مجموعة الدعم ذي و تفضفضييين لنا و نكووون خيير سند على تشجييعج انشااالله انتي و كلنا نشجع بعض و نتكاثف في القضاء على اول عدو لنا هنيييه اللي هو الوزن الزايد و السمنة...و انشااالله بمشاكل ثانية بعد نساعد بعضنا بعض...فعلا مثل ما قلتي اختي الحالة النفسية احيانا تحطم الواحد و يكووون موب طاايق نفسه...بس حاولي تطلعييين و تروحييين و تيين...اختلقي لج اعذاار للطلعة..يعني مثلا قولي بارووح ااشتري لي مجلة..مثل مجلة الجميييلة...والله وااايد حلوة ذي المجلة..و في غييرها و غيييرها من المجلات الحلوة...يعني اشغلي نفسج بشي مثل القراءة او شي تحبيين تسوييينه علشاان يباعدج عن الثلاجة...حاولي بعد تشربيين واااايد....بدل ما تاكلييين...في اشياء مثل الزنجبيل و القرفة تخليييج تحسين شبعااانه و تساعد على تذوييب الشحووم اللي بالبطن...

تقدريين اختي جوورية تركزيين على مشكلاتج الجمالية مثلا...كنوع من الالهاء و بعد تكسبين وراها فايدة....مثلا يعني دوري في المنتديات على خلطات الجمال و حلول مشكلات البشرة الجمالية..ودخلي المطبخ سوي لج اقنعة تحطينها على ويهج و جسمج...و لما تدخليين الحمام حولي حمامج الى صالوووووووووووون..ههههههههههههههه .. من غيير مبالغة...و استرخي داخل الحمااام..اقضي وقت طويييل داخل الحمام..حطي على جسمج خلطة..وسوي لج سكراب..حطي بشعرج حمام زيييت و نطري....حطي لج ميوزيك كلاسيك بعد اذا تبين.....والله تلتهيين عن شي اسمه اكل و ثلاجة....

بعد اذا كنتي تقدرييين تشتركييين بنادي ولا صالوون رياضة ايروبكس..و لا حتى سباحة اللي هي اقصر الطرق للرشاقة..روحي اشتركي لا تترددين..والله روعة ..راح يصير عندج ربع و صديقات نفس اهتماماتج تشجعيينهم و يشجعونج..رح تسمعيين تجارب و اشياءات وااايدة و انتي بعد راح تعطيين من تجاربج..يعني تفيديين و تستفيديين...و صدقييني اي نشااط تحطيين روحج فيييه راح يبعد تفكيرج عن الاكل....

بصراحة ذي الاشيااء اانه اتبعتها و فعلا نفعت معاي...قدرييت اانزل وزني وااايد..و ااغير من شكلي واااايد...و بعد ما زلت في صراااااااع من اجل الرشااااقة....باجي لي تقريبا 5 كيلووو و ااوصل للوزن الحلووو اللي ابيييه ( وزن عارضااات الازياااء:27: :27: :27: ))))))ههههههههههههههههه

شكلي طوليييت وااايد...سوري...هههههههههههه

الله يوفجنا كلنا مع بعض انشااالله..وماننسى بعضنا بعض من التجارب الحلوة الناجحة و الدعاااء...

اختكم
catty
:26:

ام سميه 00000ميرسي كتييييير على مشاركتج وبانتظارك


catty ياحلااة اسمج وحلاااااااة كلامج عاد تصدقين عقب ماكتبت اللي كتبته وقريت ردك مع رد ام سميه ودي اسوي انقلاب 180 درجه انشالله وبحاول اجرب اللي قلتيه واحنا هني يوميا بنتواصل وببشرج انشالله حبيبتي وعقبال ماتصيرين مانيكان المنتدى وسيري وانا وراااااج:26:

هلا جزريو الكويت وكل البنات اللي بالمجموعة انا الحين واصلة لأعلى درجات الغضب والاحباط وربي متضاااايقة ولو تعرفون السبب : ( ميتة جووووووع وارسلت السواق على مطعم صب واي علشان يجيبلي دجاج مشوي وطبعاً طلبتة دجاج بس من غير خبز ومن غير شئ سادة بس دجاج مشوي الا وانا متقطعة من الجوووع ومجهزة الخس والخبز اللي كله 25 جرام :( وانتظر الاكل على احر من الجمر يجيني السايق وجايب الدجاج غرفان في صوص أحمر كأنه مكرونة اسباجيتي انا عاد طبعاً مع الجوع كانه ماتلي ميت قعدت أبكي بكاء شددددددي وحلفت اني ما راح اتغذى ودخلت النت لين أهدأ شوي وربي الموقف ما يستاهل مرة بس الجوع كافر وانا طول عمري في انظمة رجيم وعلى طول أفشل وما بدي هالمرة أفشل ابداً بدي احقق النجاح ولو في اي حاجة في حياتي والله نفسيتي تعبانة جداً فحطيت حري في هالبكاء وربي مرة متضااااايقة