ملف كامل عن كافة طرق تحمير الدجاج

انا بعطيكم طريقتي للقلي وهي
مقدار من الكتشب + نفس المقدار من صلصة الصويا
تخلطينهم ثم تدهنين الدجاج منه ولكن شوي مو وايد بس وتحطينها بالدهن الحار وما تبتعدين عنها لانها بتتحمر بسرررعة وتصير مثل المشوية

رائعة يا تين .. كل هالكم الهائل .. حلو وبعضه جديد على .. تشكرى يا شيخة ...


دانا سعد .. طلتك مبارك يا عزيزتى .. وفعلا هى تتحمر بسرعة سواء بالكاتشب او الصلصل ( معجون الطماطم )

مها .. هلا بك اختى بينا .

==============

بالنسبة لطريقتى .. انقع بفنجان قهوة هيل + زعفران وماء ورد + وشوية لون .. اخلطهم عدل .. ثم اضيفهم على بهارات الدجاج .. واقلى سواء بالزيت او بالشواية ..

وانتبهى اذا كان الدجاج طازج .. وصغير .. اذا حمرتيه وما بغيتيه يصير يابس ..( حطيه فى الحرارة مباشرة وسكرى عليه ) عشان ما يصير يابس .

==============

والطريقة الثانية .. قطعى الدجاج الى قطع متوسطة 8 قطع مثلا واغسليها جيدا .. ثم .. حطى كركم ، زنجبيل وثوم وبقدونس وفلفل اخضر وفلفل رومى ( هذه خلطة مطحونة ) صلصل ، ملح قليل ، حبة ماجى ، ملح صينى ، شوية صوص ، وابهارات قليلة ، وخليه يغلى بدون ماء ، لانه الدجاج بنفسه راح يكون ماء ، وبعدين اقليه بالزيت حتى يحمر لونه . ومباشرة الى حرارة الطعام حتى لا يتيبس .. خاصة اذا كان طازج .

مرحبا جبولة
دخلت مشان قلك الله يعطيك ألف عافية على هالأفكار الحلوة
بس وينك ( ليش عم تضاربي علينا ) شو بدك بالطبخات ؟؟؟

يازينك ياجبولة انتي ومواضيعك الحلوة :27:

بالنسبة لطريقتي اجيب الدجاج طازة واغسلها تمام بالخل والملح
وبعدين اجيب ليمونة وشوية كركم وفلفل اسود مطحون
وافرك فيها الدجاجة وبعدن اخلي الليمونة بقشرها في بطن الدجاجة يعطيها ريحة حلوة وادخلها الفرن واضيف شوي ماء في الصينية واتركها الين تستوي وبعدين اخرجها وادهنها بالمايونيز كلها ..........
وادخلها ثاني تتحمر وترى المايونيز يعطيها لون حلو .....
انشالله تعجبكم طريقتي :27: سلاااام .