امس شفت برنامج فى الفضائيه الكويتيه كان يتكلم على المشى
لازم يكون مشى سريع مع تحريك الايدى للاعلى
والمداومه من اهم الخطوات
ولابد ان يمر على الاقل سااعتين بعد الاكل

أهلا أختي دنيا ومشكورة على االملاحظة هذي وجزاك الله خيرا

والحمد لله أنا مشيت اليوم في الصباح قبل الفطور لمدة 20 دقيقة وأنا والحمد لله كل يوم أزيد

المدة لأني توي مبتدئة وكمان أسوي تمارين للبطن والأرداف والساقين والأفخاذ وشكرا لكم حبيباتي ياليت تستمروا معي ونشجع بعض يكون حلو والله

وينك دلول حبيبتي ها إن شاء الله مشيتي اليوم

مرحبا خواتي ....
salehaمرحبا اختي ... حمستينا للمشي الصراحه ..
وانا معاكم ابتديت من يوم السبت بمشي على الجهاز لمدة ربع ساعه مع ساعه ايروبيك في النادي ... تمااااااااااام ؟
وانشاء الله يااااااارب ننحف ..

هلا وغلا باختي صالحه
انا اصلا امشي من مده طويلة
يعني اقطع فتره ارد امشي مره ثانية
وزني يفشل انا الحين تقريبا 105
اسوي رجيم من سنه تقريبا بس مقطع يعني اسوي فتره واترك فتره
الحين انا مشتركه بالمجموعه الثالثه
وان شاء الله اصير رشيقه

بالنسبه للرياضه:
الحمد لله ما قطت المشي هالاسبوع
امس كنت مشغوله وما قدرت ادخل النت
اليوم سويت سيكل شوي
ومشيت 45 دقيقه
الحمد لله انا اعتبره زين
ما قلتي لي كم وزنك انتي؟

الاموره حياج الله ويانا اختي
ويلا خلونا نشجع بعض