بنات في برامج في الموبايلات تعتبر مدرب شخصي
تكتبين شنو التمارين اللي سويتيها اليوم ويحسب لج السعرات
وتكتبين شنو اللي أكلتي اليوم ويقول لج شنو سعرات كل أكلة
وهو يحدد لنا كم عدد السعرات اللي نحتاجها
في البداية نعطيه معلومات عنا الوزن والعمر والطول
أنا البرنامج اللي محملته اسمه Noom Weight Loss Coach
بعد ما عطيته معلوماتي حدد لي 1200 سعرة في اليوم
وبعد ما أسوي رياضة يزيد لي السعرات تصير 1320
وكل يوم يحط لي مقالات عن التغذية والرشاقة
وأحياناً يعطيني واجبات مثلاً إني آكل خمس أنواع فواكه وخضراوات اليوم بألوان مختلفة
ويوم مثلاً قال لي عشان أمشي مع صديق أو شخص مقرب
وفيه بعد عداد للخطوات يحسب لي كم خطوة مشيت في اليوم
وبين كم يوم ويوم يطلب مني أوزن
طبعاً أنا أحط له الوزن اللي أبغى أوصل له وهو يعطيني موعد تقديري
في برنامج ثاني اسمه My Fitness Pal وله موقع في النت هو معروف أكثر من نوم
بس أنا حسيت نوم أبسط
وبس .. حبيت أشارككم تجربتي
بنات في برامج في الموبايلات تعتبر مدرب شخصي
تكتبين شنو التمارين اللي سويتيها اليوم ويحسب لج...
أنا سجلت في بعض المواقع في النت بس ما أدخلها كثير
عكس الموبايل لأنه دايماً في يدي فأدخل البرنامج دايماً عشان أسجل أكلي وتماريني