بس النتيجة هى كيلوااااااااااااااااااااااااااااااات كثير زيادة
طيب والحل ؟
الحل بقى محتج رجيم معتدل علشان نشيل اثار العدوان ههههههههههههههههههههههه
المهم بدأت رجيم من امبارح وربنا يسهل واستمر علية فاللى تحب تبدأ معايا ياريت كلا نشارك
هأقولكم الأول أية الرجيم
بعدين لية بقى كتبتة هنا
المهم كدا الفطار عادى
والعشا كمان
نجى بقى للغذا لو فضلت كل يوم اكل سوتية هأزهق واسيب الرجيم
ولو كل يوم لحمة مشوية برضو استحالة يوم والتانى وخلاص هنمل
ويخسر الرجيم بعيد الشر يعنى
فقلت طيب ما نقول كلنا افكار لخضار ولحوم بدون دهون وزيوت سواء مشوية او مسلوقة
هأقولك مثلا امبارح عملت الخضار اذاى...
فى حلة تيفال نصف ملعقة زيت نباتى وقلبت فيها بصلتين مقطعيين كبير وبعدين ضفت جزر مقطع وبعدين كوسة وبسلة وكرنب و بطاطس بس واحدة صغيرة جدا كل دول بالترتيب والتقليب فى الزيت بين كل نوع والتانى حوالى 3 دقايق وف الاخر اضفت طماطم مقطعة مش عصير وبعدين ضفت معكب مرقة لحمة
وسبتها لعى النار الهادية 10 دقايق طبعا الخضار نزل كل المااء وضفت علية كوب ماء مغلى وكمل سوا
وكفتة مشوية بدون اى دهون
لحمة مفرومة +بصلة مفرومة +بقونس وكسبرة+بيضة وقليل بقسماط وبهارات لحمة وملح وفلفل وكمون وكسبرة ناشفة وزنجبيل ونعجنتها كويس وعملتها اصابع على سيخ وبعدين سحبتها من السيخ وحطيتها فى صينية تيفال وعلى الفرن وكل 5 دقايق القلبها وبس
النهاردة بقى اكلت كبدة مشوية وخضار مشوى فى الفرن
الكبدة غسلتها وقطعتها قطع كبيرة نوعا وفرمت بصلة ناعم وبعدين جبت اكياس الشوى وممكن طبعا صينية وبعدين تبلت الكبدة بالبصل المفروم والليمون وبهارات وملح وفلفل وخل وسبتها فالثلاجة تقريبا ساعة
وجبت كيس تانى قطعت فية كوسة وبسلة وجزر وبصل وطماطم وبطاطس واحدة صغيرة وفلفل أخضر وتبلته بملح وفلفل وبهارات
وبعدين جبت صينية حطيت فيها كيس الخضار وكيس الكبدة وعلى الفرن والكبدة تقيبا استوت بعد 20 دقيقة والخضار سبته بعدها تقريبا ربع ساعة
بس الاهم يا بنات بجد والله وبأذن الله بأذن الله تتحقق
نلجأ لربنا لاننا دورنا كثير فى كل الاتجاتهات مرة رجيم ومره عمليات وكل ما يخطر على البال
ونسينا انها اسباب فنرجع لمن بيدة خزائن الارض والسماوات
فالدعاء الدعــــــــــــــــــــــــــــــــــاء مع الأخذ بالاسباب
بس كدا دا كانت تجاربى ضيفوا تجاربكم نعمل اية فى اللحوم والخضار بس دايت
بس طبعا ملف "هتطبخى اية النهاردة" مستمر لانى باطبخ لابنى جوزى ماهو حرام يعنى هيعملوا رجيم معايا
هههههههههههههههه
هأضيف فية فراخ محشية ومشوية ومكرونة نجرسكو
استنونى
مستنية وصفاتكم بسرعة
آه عايزة أقولكم الجيم اربع اسابيع لو فية مشاركة ونجحنا الاسبوع الاول ارفع باقى الاسابيع بأذن الله
ايمان
على العموم أنا حشجعكم واجيب اسماء كمان علشان عيا بقالها ( طول عمرها ) بتعمل رجيم
شوفي يا ستي ممكن تجيبي الصدور المخلية وبتبقى سهلة في الطبخ
وتعمليها في الفرن أنا بحب الأكياس علشان بتخلي اللحمة والخضار طرية
تبليهم عادي ملح وفلفل أسود وانا حديك نصيحة لما تعملي اكل رجيم مفيهوش دهون
لازم تحطي بهار مميز علشان يطعٍـم الأكل زي الكاري مثلا أو فلفل للي بيحب السبايسي كدا يعني
كمان حقترح عليك البابا غنوج على العشا بتخلطي البتنجان بعد ما تشويه بمعلقتين لبن ومعلقتين طحينية ومعلقتين زيت زيتون
بجد جميلة وتشبع:)
وكمان يا قمر التونة بتبقى حلوة لو عملتيها سلطة على العشا وتشبع تحطي عليها مثلا طماطم وبصل اخضر
وتعصري عليها ليمون
ويارب كلنا نخس واحنا بناكل كل حاجة :D