انا مشهوره بقهوتي ماتقعد دقيقه اللي هي مخلصه سرري اممم خلاص بقول الشيبه والخولنجان
على حسب القهوه الي تشترونها لازم تاخذونها شقرا فاتحه اناقهوتي حلوه اللهم لك الحمد صرت اضبطها بداية زواجي انحست بها شوي اللحين تعجب الكل احط ملعقة ونص قهوه على ابريق القهوه الوسط اعبيه ماء حار الين يتعدى فم الابريق واناابريقي دايري موالي يجيك طويل اطبخها ربع ساعه بعدين احط الخلطه القصيميه واخليها تطبخ خمس دقايق على بال مااحوج الترمس احط فيه هيل توه مطحون انااطحن حق ثلاث ايام لانه اذا طول الهيل مطحون يضيع طعمه واحط براس ملعقه صغيره نخوه مطحونه وزنجبيل مطحون وملعقه صغيره كوفي ميت واسكر على القهوه واصبها بالترمس تجي تفتح النفس وساعات اذاحبيت اغير من طعمها احط من خلطتي الي سويتها عباره عن خلطه قصيميه اخلط معها جوزة الطيب وبشعه محمصه ومطحونه اخلطهم مع بعض مع شويه مصفر الي هو صبغه الزعفران اطبخ القهوه كالمعتاد واحوج الترمس كالمعتاد واضيف ملعقه صغيره من خلطتي بالترمس ياالله ياطعمها وريحتهاخصوصا ريحة جوز الطيب طبعا اقصد بالملعقه الصغيره هي حقت الشاهي هذه قصتي مع القهوه بالتفصيل الممل لازم يكون اختيار القهوه ممتاز خولاني اشقر يماني لانه اذا القهوه من البدايه مو كويسه مارح ينفع معها شي
نحنا طريقتنا الجنوبيه نحبها شقرا فاتحه مومره فاتحه الي تجيك صفرا لا تجي بني فاتح على صفار شوي عكس اهل نجد والقصيم يحبوها غامقه حيل قريبه للكوفي مرت عمي قصيميه تسويها كنها كوفي الصراحه تعجبني نوع من التغير بس الرجال مايحبوها وبعضهم تجيك القهوه عبصه ومره ماتنشرب وغامقه مره لاطعم ولالون مااحب الي كذا
تحطين زعفران شوي و شيبه حبتين و عويدي حبتين شوي ف الكبرج و تحطين عليه البن و ماء مغلي و تخلينها ع النار لين تغلي و تأخذ لها غلوهه و توطين النار عليها تقريبا من ربع ساعه الى ثلث ساعه
و التلاجة تحطين فيها ملعقتين صغيره خلطة القصيم و ملعقتين صغار هيل ~ وجتني هديه خلطة الجوف للقهوه و احط منها ملعقه صغيره و احط شوي من الزعفران >~ اعشقهه
ما اكيف الا ع هالقهوهه :)
و التلاجة تحطين فيها ملعقتين صغيره خلطة القصيم و ملعقتين صغار هيل ~ وجتني هديه خلطة الجوف للقهوه و احط منها ملعقه صغيره و احط شوي من الزعفران >~ اعشقهه
ما اكيف الا ع هالقهوهه :)
الصفحة الأخيرة
ماشاء الله ماتوقعت التفاعل وعدد المشاهدات > متحمسه :love:
أنا سجلت كل اللي كتبتوه عندي وكل يوم بجرب طريقة
بس فيه مشكلة الرجال مايحبون اللي فيها كوفي ميت يبون طريقة جداتنا :26:
طبعآ الطلبات سهل اجيبها مايحتاج اروح السوق > جيراننا شغالين بالعطارة .. أطلب اللي ابي ويجيبونه على طول
انا سجلت الطلبات بتكون خاصه للتجارب :icon30:
قهوة القصيم + شيبه ( شنه ) + مستكا رومي + زعفران + بن خولاني نص حمسه + بن أخضر علشان اجرب الحمس فالبيت
وش باقي .
صح كلام بائعة الريحان كل وحده تكتب طريقتها وتكتب جنبها طريقة اي منطقة كذا آحلى