القهوة برية والحمسة متوسطة لافاتحة ولا غامقة والهيل اللي لونه اخضر مو المصفر المشهب

اغلي ماء واذا فار حطي القهوة وخليها تفور ثم وطي النار واتركيها تغلي اقل شيء نصف ساعة ( مدة الغلي سر من اسرار نجاح القهوة او فشلها اذا قلت طلع عندك ماء ولون فقط) بتشمين الريحة ودك تشربينها وهي عالنار

بعد ما تغلي حطي في دلة التقديم ( فيه ناس يسمونها الزل) فنجان هيل مطحون وكم شعرة زعفران ( كم شعرة لا تكثرين تطلع كأنها كركم ) واذا انت من محبي المسمار ( بعضهم يسميه العويدي أو القرنفل) حطي ذرة .. انا اذا القهوة لي ما احطه اذا للرجال احط لأنهم يحبونه

ثم ارفعي القهوة من النار وافتحي الغطاء دقيقة حتى تهدأ ثم صبي على دلة التقديم وارفعيها عالنار وخليك واقفة جنبها حتى يرتفع الهيل على وجهها او يقلب ثم طفي النار وشيلي الهيل من الوجه بملعقة او صفيها في ترمس ( ترى اكثر الترامس تغير الطعم ) وبالهناء والشفاء

هذه طريقتي واي واحد يشربها عندنا جديد يسأل ايش حاطين فيها وكيف تسوونها

والله كل ما احد شرب قهوتي حبها وريحتها جنان ولا اي خرابيط ولا قرنفل ولا شيبه ولا هكلام كللله




وربي يطلبونها مني بطلب لدرجة يقولو وين قهوة ساره

اغلي مويه بغلايه ....
واحط بحقت القهوه معلقتين بن و1 م زنجببل وشويه كفي ميت مجرد تفتيح لون للقهوه ممكن حليب بوده بس لا تكثرو حليب لنه يعطي طعم ...
وخلطة القصيم م 1

واحط القدر ع النار يدفى شويا واحط المويه واخليه يغلي شوياااات ابو 7 دقائق واحط 1م هيل مطحوون


بسيطه وسهله ولا تقلبي ع لنار نص ساعه ولا شي المهم ان البن تكون نوعيته ممتاززه ..

على حسب نوع القهوة في انواع مالها طعم افضل انواع القهوة اليافعي والهرري انا استعمل الهرري محموسة وسط ممتازة


اللهم نسألك تيسيراً ليس بعده عسر...

اشتري بن هرري لون وسط من عندي الحربي وسوي قهوتك اللي متعودة عليها بس لاتطبخ اكثر من ١٢ الى ١٥ دقيقة
لان كثر الطبخ يضيع طعم القهوة نصيحة لاتطبخ كثير وبسسسسس