كوبونات الراقية تسجيل الدخول

la rosa
la rosa •
عطر الشموع عطر الشموع :
و انا اهو هكتب لكم النهارده تورلي و رز ابيض و فراخ مشويه على الجريل و سلاطه و بسسسس و من يومين عملت حواوشي من الالف للياء يعني بالعجين و حشيت نصه لحم مفروم و نصه فراخ بالزيتون و الفلفل الملون و الجبنه بس طلع تحفه ماشاء الله
و انا اهو هكتب لكم النهارده تورلي و رز ابيض و فراخ مشويه على الجريل و سلاطه و بسسسس و من...
احنا متفقين مهما كانت الحاجه بسيطة او بديهية تتكتب طريقتها
اكتبيلنا طريقة التورلى بالزبط والفراخ المشوية كمان والسلطة كانت مكوناتها ايه
مدام وائل
مدام وائل •
la rosa la rosa :
احنا متفقين مهما كانت الحاجه بسيطة او بديهية تتكتب طريقتها اكتبيلنا طريقة التورلى بالزبط والفراخ المشوية كمان والسلطة كانت مكوناتها ايه
احنا متفقين مهما كانت الحاجه بسيطة او بديهية تتكتب طريقتها اكتبيلنا طريقة التورلى بالزبط والفراخ...
وانا اضم صوتى لصوتك يا روزا
واطالب كمان بعودتك لقعدة الستات

راجعه تانى باذن الله
ROSHANA
ROSHANA •
انا النهاردة كفتة رز ومحشيى

كنت ناوية اعلمها بالصلصة وبالفعل حمرت توم مفروم فى معلقة سمن ورشة كمون اصفروا وبعدين ضيفت عصير طماطم مضروبة وخدتها غلوتين
بس عجبتنا وهى محمرة وناشفة اكلنها كده وكان فية طبق محشي ملفوف (من عند ماما ربنا يبارك فيها متفهمونيش غلط انا مليش فى الحجات دى) وكيس شوربة فى الفريزر حطيت الشوربة فى حلة لما فكت حطيتها على المحشى الملفوف وبشرت عليهم 1 طماطم كبيرة وغلى ووطيت علية

ان شاء الله ان عشنا وكان لينا عمر بكرة باقى المحشى وباقى الكفتة المحمرة هاحطها فى الصلصة اللى جهزتها ومعاها بططساية مكعبات
مدام وائل
مدام وائل •
الغذا النهاردة كان سمك هامور فيلية ورز بنى وسلطة خضرا و سلطة طحينة وباذنجان مخلل

الباذنجان فى اول مشاركة ليا طريقتة
السمك بيتبل بثوم مفروم وكمون وكسبرة وملح وفلفل وكركم وليمون ونقطة خل وشطة وبتبل ساعه
وبعدين يغطى دقيق ويحمر فى زيت غزير ويطلع على ورق نشاف علشان الزيت

الرز البنى
نحمر البصلة لحد ما لونها يبقى بنى خالص نضيف لها ملعقه صلصصة وبهارات قرفة وكمون وكسبرة وزنجبيل ويتقلب كويس وبعدين نضيف 2 كوب ماء يغلى مع البصل شوية لحد ما لونه يتغير وبعدين نضيف الرز المغسول 2 كوب برضو ونهدى علية النار بعد ما يتشر المية
ونسييبة يستوى

وبس كدا بالهنا
ROSHANA
ROSHANA •
يوم الخميس عديت على الجزار جبت كفتة بخلية يقطع اللحمة قدامى ويوزنها ويفرمها ومعاها حتة لية صغيرة وبيضفلها بصل وتوابل من عنده ويقسمها فى اطباق بس كده تبقى جاهزة اصبعها وعلى الفرن على طول

وجربت حاجة اول مرة اعملها بس عجبتنى هو عندة صدور بانية فراخ خليتة فرملى نص كيلو

وخليتة عملى كفتة الرز برضه وكنت جايبة معايا مستلزماتها المكنة عنده بتظبطها احسن من البيت واسرع بصراحة

تانى يوم الجمعة صبعت طبق كفتة واخدت شوية من مفروم الفراخ قلت هاجرب الكفتة فى حبة صغيرين تبلتهم ببصل وتوم وبهارات وجوزة الطيب وبقدونس مفروم وصبعتها جنب كفتة اللحمة

كانت ظريفة جدا على فكرة
وجربت حكاية الفحمة بس فشلت كالعادة :( تقريبا ميرو قالتلى ان الفحم اللى عندى نوعة وحش او واخد رطوبة

اصل انا نفسي اعمل كفتة فراخ زى بتاعة الطازج بتعجبنى اوى واهو تغير عن كفتة اللحمة عشان الاطفال بس نفسي تظبط معايا حكاية الفحمة دى عشان تدى طعم الشوى للاكل

بس عامة كان اكل ظريف وخفيف وسريع ومعاه مكرونة اسباجتى

الصوص بتاعها بصلة مقطعة صغير فى معلقة سمن بلدى صغيرة شوحتها ورشة سكر وضفت جزرة مبشورة وفلفة مقطعة وزعتر وقلب قلب وبعدين كوب كبير مية وسبتها اتسبكت
وبعدين ضيفت طماطم مبشورة ومعلقتين صلصة