ROSHANA :

النهاردة الصبح سلقت فرخة وعملت رز ابيض ولما روحت قمت فى طاسة حطيت قطع الفراخ مع زيت زيتون وزعتر وفلفل اسود فى طاسة تيفال وقلب قلب لحد الفراخ ما احمرت من الجنبين وبعدين حطيت 3 كوب شوربة فى حلة يغلو وجبت كوب لبن دوبت فية 2 معلقة بودرة بشاميل ومعلقة كبيرة بودرة شوربة مشروم كنور وقلب قلب وقمت حطاه على الشوربة وقلب قلب بسرعة لحد ما داب اخد غلوة وطفين وحطيت فى اطباق وعلية عصرة ليمون بقت شوربة كريمة مشروم جميلة الحمد لله وعصير فراولة بعملة بطريقة سريعة بجيب شفشق ازاز اللى بتاع لومينارك ده واغسل الفراولة واحطها فية واضيف مية وسكر وبعدين اجيب الملتى كويك الهراسة بتاعتها وتك تك تك وقلب فى كل الاتجاهات بقى عصير من غير ما اوسخ الخلاط وابهدل الدنيا وبعمل نفس الحكاية فى عصير الليمون بس وانا بصب فى الكوبايات بمصفاه عشان التفل والقشر والحمد والشكر لله

النهاردة الصبح سلقت فرخة وعملت رز ابيض ولما روحت قمت فى طاسة حطيت قطع الفراخ مع زيت زيتون وزعتر...