انا انهارده عهمل مقلوبة وسلطة خضرا
السلطة عبارة عن طماطم وخيار وخس وجزر وفلفل رومى ونعناع اخضر وبقدونس وكرنب احمر وكرنب اخضر وليمون وملح وبرش عليهم سماق وحبة البركة وبردقوش عشان الفايده ودبس رمان
المقلوبة بقطع بطاطس حلقات واحمرها وقرنبيط اغسله واصفيه واحمره وبتنجان عروس اقشره واعمله حلقات كبيرة لانى باعمل حسابى انه هيدوب اثناء السوا واحمره وفرخة مسلوقة اوقات بحمرها فى الزيت واوقات بشويها بعد ما اسلقها فى الفرن واوقات بحطها زى ما هى
بحط فى الحلة الفراخ وبعدين البطاطس وبعدين القرنبيط وبعدين الباذنجان وعليهم الرز بكون ناقعاه وغاسلاه ومملحاه واسقيهم بمرقة الفراخ او نص مرقة ونص من الحنفيه كمية المية بخلى المية تغطى الرز وتعلى يادوب سم او اقل ولازم اهز الحلة شويه عشان الرز يتداخل فى الخضار عشان تبان كمية المية المطلوبة عشان الواحد ميحطش كتير وتعجن منه وازبط الملح واخليها على نار عالية لغاية ما يبتدى الرز شرب المية اوطى عليه واكمل سوا زى سوا الرز العادى

النهاردة كان سمك بورى في الفرن

التتبيلة

توم وبصل وطماطم وجزر وفلفل اخضر وكمون وملح وفلفل اسود وكزبرة وزنجبيل وليمون بقشره كله في الكبة مضروب ناعم ونتبل السمك من جوه ومن بره ونعمل خطوط في جسم السمك عشان تدخل التتبيلة جوه ونرصه في صينية وعليه زيت زيتون وطماطم وبصل وليمون شرائح ورشة ملح وفلفل ويدخل الفرن ويستحسن يقعد شوية في التتبيلة
ونغطيه بقصدير ونسيبه ساعة ونشيل القصدير الوش يحمر

رز احمر

بصلة مفرومة ونحمرها في معلقة سمنة لما تدبل نحط طماطم مفرومة او معصورة ويتسبكوا مع بعض شوية ونحط ملح وفلفل وكمون وكزبرة ونقلب ونحط الرز (طبعا يكون مغسول ومنقوع) وميه سخنة تكون اعلى من الرز بحوالى 1 سم
ونسيبه على نار متوسطة لغاية مايشرب المية شوية وبعدين نهدى خالص ونغطيه لحد ما يستوى بيطلع حلو ومش معجن

سلطة طحينة

باخد معلقة من تتبيلة السمك واخليها للطحينة
احط 3 معالق كبيرة طحينة وازود مية لغاية ما يبقى خليط متجانس وندوق ونزبط الملح
والنهاردة جربت اضيف لها زبادى وطلعت جميلة

سلطة خضراء

كل الخضار اللى عندك قطعيه وحطيه والدريسنج عبارة عن زيت زيتون وملح وفلفل وكمو ن وزعتر وليمون وخل

وبالهنا والشفا

وبفكر اعمل رز بلبن او كيك مش عارفة

صباح الخير

دي صور الغدا امبارح بس هعمل رز أبيض جديد و عملت صنف حلو كرات الحليب الهندية


بامية باللحم



شوربة الشوفان بالنعناع و الشعيرية علي طريقتي
لذيذة و مفيدة



سلطة الشمندر لذييييييييييييييذة



كرات الحليب الهندية
أخدتها من فترة من المنتدي و غلبت في البحث عنها علشان أحط الرابط ملقيتهاش

انا اليوم غداى رز ايرانى
سهل
اسلق الرز بماجى وملح واسوى فوقة خلطة
الخلطة عبارة عن بصل مكشن وملح ليمون وماجى وزعفران وهيل مطحون ومعاه اللحم المسلوق واخلى الخلطة تتسبك على نا هادئة وفى الغرف اغرف الرز الأبيض واخلى مقدار غرفة فى زبدية ثم اخلط قليل من الخلطة مع الرز الى فى الزبدية واضعة فى صحن التقديم كاطبقة ثانية ثم اكمل بقية الخلطة ك طبقة ثالثة وبس وبالعافية على قلوب الكل

انا عاملة فتة عدس بالخل والتوم