انا عملت من يومين الفراخ بنفس طريقة مدام شيرين كانت حلوه جدا وطعم جديد وعملتها مع رز بسمتى
عشاق منال العالم فى قناه جديده اسمها الانسانيه بتجيب حلقات اسرار منال
انا شاهدت الحلقه الساعه 1 مساء بتوقيت السعوديه لكن دى كانت الاعاده لو حد يعرف ميعاد تانى يبقى جزاها الله خيرا

انجى دى مقادير الكيك ال ايمان قالت عليها
بصوا ف خلاط العصير
نضع 3 بيض و كوب سكر ونصف كوب زيت وكوب لبن او عصير برتقال وفانليا ونضرب فى الخلاط على سرعه عليا بس السر عارفيين القطعه الل بتتفتح ف الغطا خليها مفتوحه اثناء الخلط
فى اناء تانى بقى ننخل 2 كوب دقيق وعليهم كيس بينج بودر ونصب الخليط على الدقيق وبنقلب كويس وبعدين ف صينية مقاس 24 مدهونه دقيق وسمنة وضعها فى الفرن على حرار 160 لمدة ساعه وربع بس بعد 45 دقيقة بضو بصى عليها
وتمام كدا

السلام عليكم
جزامى الله خيرا مدام وائل على موضوعك حلو جدا وان شاء الله نستفيد منه كلنا لان السؤال اللى كل واحدة بتكرهه هههههههه هتطبخى ايه النهاردة

انا كتبت من يومين هنا بس معرفش المشاركة راحت فين اكلتها القطة تقريبا نقول تانى بقى

اول امبارح جربت للغدا كبسة وكانت ظريفة جدا سما سحاب قالت لى عليها ربنا يكرمها جربوها هتعجبكم جدا ان شاء الله بس صراحة ملحقتش اعمل الخطوات للاخر عملت الرز بدون الخليط اللى على الوش
وده رابط الكبسة
http://forum.hawaaworld.com/showthread.php?t=1226798&highlight=%C7%E1%DF%C8%D3%E5

وعملت الحلو كيكة شيكولاتة بالايس كريم بتاع مشاعر 90
http://forum.hawaaworld.com/showthread.php?t=1581752
كانت خطييرة ما شاء الله وممكن لو حاسين انها تقيلة تكتفوا بالكيكة وتقدموها مع الايس كريم ودى طريقة تانية للكيك
http://www.lakii.com/vb/showthread.php?t=165855

امبارح غدانا كان سمك فيلية اخدت جزء عملته ليا فى صينية تبلته بتوم وملح وكمون وبهارات سمك وعصير ليمون وقطعت طماطم وبصل مكعبات صغيرة ورشيت فى الصينية رشة زيت زيتون وحطيت السمك والخضار وعصرت ليمون على السمك وغطيته بفويل ربع ساة كان استوى ا دوب حمرت الوش
والجزء التانى من السمك عملته لجوزى بانية يعنى تبلة قطع السمك برضه وحطيتها فى بيض وبقسماط وقليتها
وجنب السمك عملت رز بسمتى ابيض بالذرة الصفرا والحلو كان رمان بالسكر

النهاردة بقى عملت شاورما لحم بطريقتى المعتمدة
الشاورما

- بتجيبى اللحمة بتاعة الشاورما اللى مقطعة شرايح بالطول تتبليها من قبلها بيوم علشان تشرب التتبيلة ومش تاخد تسوية كتيير

- التتبيلة ( بصل مبشور -ملح-فلفل اسود- سنة قرفة- نص م سماق-نص م كارى- توابل شاورما-2 م ك خل-وزبادى يعنى معلقتين او 3 كبار ) تقلبى اللحمة كويس فى التتبيلة وتغطيها وتسبيها فى الثلاجة لحد ما تيجى تعمليها

- تحطى م ك سمنة وشوية نعناع فى الحلة على اللحمة وغطيها وسبيها على النار وقلبيها من وقت للتانى هتلاقيها بتنزل ميتها وهتستوى فيها وممكن تزوديها ميه لو احتاجت لما تلاقيها استوت تكونى مقطعة طماطماية صغيرة مكعبات صغيرة وبقدونس مفروم ويادوب تسبيهم شوية على الشاورما وتطفى النار وتغطيها لحد ما تيجى تحشيها

-طبعا بتجيبى العيش اللبنانى الابيض بيبقى رقيق خالص ممكن تدهنيه مايونيز او سلطة طحينة خفيف وممكن رشة سماق خفيفة وتحطى الشاورما وعليها صوابع بطاطس مقلية وطرنشات فلفل اخضر وبصل وطماطم وتلفي الساندويتشات ومعاها سلطات بقى

واوقات بعمل خبز الصاج والفها فيها ودى بتبقى احلى كتير بصراحة باعمل خبز الصاج بتاع مدام شيرين

وللتغيير ممكن اعملها فتة شاورما بطريقة رواء الاسلام

تكوني انت محضرة رز عادي
و عيش لبناني محمص
تجيبي صينية تحطي فيها العيش من تحت و فوقه الرز و هو سخن و بعد كدة توزعي الشاورمة وقوقيها
فوق الشاورمة بنحط الصوص ده
سلطة طحينة و عليها ضعف الكمية زبادي و تخلطيها كويس و توزعيها فوق الشاورمة