صباح الخير يا بنات

هعمل النهاردة مكرونة بالصلصة و عندي باقي من امبارح فراخ مشوية و يمكن أعمل سلطه خضراء معاها

ممكن الايس كريم او الكيك بس علي شان يلزق علي سطح الكيك يبقي يكون علية طبقة كريمة او صوص شيكولاتة او حتي معلقة مربي بس علي شان يثبت

السلام عليكم اخواتي تسلم الايادي
واطعمكم الله من ثمار الجنة اليوم الغدا
محشي بذنجان ابيض وكوسة وفلفل و
فراخ مشوية وسلطة وشكرا للجميع.

النهاردة غدانا كان باقى مكرونة باشاميل من امبارح وعملت معاها مكرونة بولونيز واصابع موزاريلا قليتها وخس حاجات سريعة عشان الويك اند مبحبش اطبخ فيه كتيير

انا امبارح عملت سندوتشات همبرجر
انا بعملالهمبرجر فى البيت وبيبقى طعمه على فكرة مع الاضافات اللى فى السندوتش بيتفرقش عن الجاهز
الهمبرجر بعمله بطريقة دون الله يكرمها
نص لحمة مفرومة وبحط عليه بهارات مشكلة وقرفة مش كتير وملح بس وادعكه كويسه واشكله انصاص (انا عندى دايرة بايد كده كنت جايباها عشان البيض العيون بتحطيها فى الطاسة وتكسرى البيضه فى قلبها) المهم دى اللى بشكل بيها الهمبرجر وارصه فى طبق مفروش بكيس بلاستيك واحط طبقة تانية من الكيس وارص الطبقة التانية لغاية ما تخلص الكمية واحطه فى الفريزر من غير ما اخلى حاجه حواليه عشان متبوظش شكله لغاية ما يتجمد
المهم حمرت الهمبرجر فى زيت خفيف وجبت الكيزر دهنته مايونيز وحطيت خس وشريحة جبنة شيدر وواحده همبرجر وحلقة طماطم وكاتشاب ومسطرده وحطيت مع السندوتشات بطاطس محمرة ومخلل ودمتم