هل كل من اتقنت الحلا اتقنت القهووووه<خاص بفنانات الحلا

السلام عليكم
عزيزاتي بنات حواء <اسمحوا لي ماعرف احتسي عربي مع انه تخصصي ابقلب عامي

خلونا ندخل في الموضوع دووووووغري بسراحه انا لي فتره من عقب ماطلعت من النفاس وجاراتي وصاحباتي ماسكاتني دوريه عزايم وحلى وخرابيط
وياسبحان الله ماغير اتقهوى واتفكر في قهاوي هالحريم
اللي تظبط الحلى القى قهوتها ماتنشرب ياتكون صافيه كني اشرب مويه يامرًه ماتنذاق يا ..يا.. وهلما جرى <حنت على العربي
واللي ماتعرف للحلا القاها حاطه تمر على السفره ومعمول جاهز وبس وقهوتهااااااااا تهببببببببببببل تقعد الراس ريحتها تهوووس ولونها شيييييييي والطعم ماتشبعين منها
والله اني اوقف شرب القهوه مستحيه من الحرمه والا ودي اقول عطيني الزمزميه اصبها عنتس <تبي تاخذ راحتها وتشفطها
المهم اني انقهرررر العزيمه ماتكمل اذا لقيت قهوتن كايفه وسنعه مالقيت حلى يبرد التسبد وان لقيت حلا يشهوي ماعجبتني القهوه

ابختصرها واقول لكم الزبده
(القهوه والحلى يكملون بعض) احسهم لازم يكونون كاملين من كل النواحي
لذلك رجاءءءءء خاص للي تتقن القهوه والكل يشهد لها بذلك تقول لنا على طريقتها بالتفصيل من حيث الاتي
**كم مدة طهي القهوه على النار؟
**وش نوع الزعفران وكيف يجي معك اصفرررررر مثل لون الكريمه ؟<اللي زعفرانها برتقالي والا احمر مثل زعفراني لاترد
**هل تستخدمين كوفي ميت ووش كثر تحطين ؟
**هل فيه نكهات تظيفينها لقهوتك عشان تصير مميزه ؟<تكفييييييين لاتغبين علينا جعلتس بالجنه علمينا
**الحين في الاسواق انتشرت حركات القهوه والخلطات هل جربتي منها شي ودخل مزاجك علمينا عنها ؟وبس خلااااااص
بنات انا اعرف اسوي قهوه بس عاديه <رحم الله امرئً عرف قدر نفسه
ابي قهوه رنانه اللي يذوقها يدووووخ :p
بيني وبينكم تفشلت وانا اسأل الحريم اللي قهاويهن حلوه ويقولون عادي مانحط فيها شي:angry2: مع اني متأكده ان فيه طعم غريب ونكهه حلوه
والا لون الزعفران شييييييييي مع اني احط نص علبه الزعفران الا ان لونها مايبين زي لون قهاويهن <اكيد لهن طريقه خاصه ..مع العلم ان زعفراني اصلي بس احيان اجيب احمر مغشوش حسبي الله على اللي مايخافون ربهم
بنات ردوا موشرط على كل الاسئله باللي تعرفون فيه بركه

شاكره لكم مقدما