بسم الله

1_جيبي ورقه وقلم....واكتبي ليش تبغين تنحفين:عشان زوجي ,عشان صحتي,عشان شكلي,عشان أناقتي...............الخ.ودايما أقريهاوأقنعي نفسك بأهمية هذي الأسباب

2_دائما تخيلي نفسك وانت نحيفة....وانت لابسه جينز وتوب...وتركضين مع زوجك......وقولي لنفسك راح يجي هذا اليوم بأذن الله.

3_ضعي الله نصب عينيك....أدعيه داااااائما وأبدا في كل سجده وبين الأذان والأقامه وعصر يوم الجمعة.أنه ينحفك من غير هم ولا مرض

4_أخلصي نيتك.يساعدك الله......حطي في بالك انك راح تنحفين لكي ترضين زوجك وتملين عينه ويغض بصره عن الحرام.لا تكون نيتك أنك تنحفين عشان تلبسين عاري وقصير ومشخلع عند الناس

5_حددي هدفك...مثلا في شهر راح أنحف15كيلو...الشهر الثاني10وهكذا ولاتكوني طمووووووحه جدا ولا محبطه جدا

6_حددي ريجيمك.....اختاري ريجيم يناسبك ويناسب جسمك السمين ويناسب الفتره اللي هي قبل ملكتك

7_اتعضي بغيرك.....مثلا أنا( وأعوذ بالله من كلمة أنا) أعيش في حاله لا يعلم فيها الا الله بسبب السمنة
مع أني أنحف منك بأربعين كيلو..
أنا ما أبغا أحطمك ولكن هذي هي الحقيقة....كرهت السوق .كرهت المناسبات...كرهت الزواجات...أتفشل من زوجي لما في السوق يقول أشتري هاللبس بيصير حلو عليك ولكن لما أرجع البيت ويشوفني لابسته يتغير وجهه,..لأنه في الملكان مومثل هو علي

لما نروح أي مكان الناس يتخيلوني أمه..لما أروح السوبر ماركت ما أقدر أشتري حلويات أحس النا س يتطنزون فيني (دبه وتاكل حلاو)
لما أروح بوفيه ما أغرف الاشوي خايفة الناس يضحكون علي لما أغرف اللي نفسي فيه أنحرمت من اللبس الحلو عند زوجي.صرت أستحي حتى في أدق اللحظات....

8_الرياضة....اطلعي أمشي في الشارع ..روحي نوادي...غيري جو......خلي دائما قارورة المويه معك عشان ماتحسين بالجوع....
تذكري أن زوجك لاسمح الله قد يطير من يدك بسبب الأكل ...وش أهم عندك زوجك ولا بطنك؟؟؟؟؟؟؟؟؟

أتمنى كلامي ما يزعلك بس هذي الحقيقه المره اللي قد تواجهينها لو ماتداركتي نفسك.

عموما أي خدمه أنا حاااااااااضره.لو تبغين نصح أومشوره.....صحيح أنا دبه بس أنا اللحين بدأت وبقوووةلعالم الرشاقة وأنا راضيه عن نفسي مع أني ما نقصت كثير بس لسا المشوار قداااااامي

.

الله يوفقك وينحفك..

اسال الله العظيم رب العرش العظيم ان ينحفني واياك من غير هم ولامرض

عاجلا غير اجل يارب العالمين

حبيبتي والله البنات ماقصروا كفوا ووفوا
اولا حبيبتي اشتركي بنادي كويس والله بتحسي بالحماس مع مجموعه وغير عن رياضه البيت
تحسي بمتعه وحماس
ثانيا هذا الميزان الغيه من حياتك لانه سبب اساسي للأحباط والتخبيص واكتفي بأخذ وزنك كل شهر والله ما بتحسي نفسك مضغوطه او عندك استرس واكيد بيفرق
ثالثا ابدأي نظام غذائي صحي ومتوازن ولو مرة هفتك نفسك على قطعه حلا ولا هامبرجر قولي لنفسك انا كم مرة ذقت هالاكل ونفس الطعم ماتغير الي تغير جسمي وتراكمت الشحوم ودايم حسسي نفسك انك قويه وتقدري تمتنعي عن الاكل وقولي لنفسك هي فترة وتعدي يعني مثلا 6 شهور وبرجع اكل منه يعني الاكل ما بيطير موجود
رابعا تخيلي احلا ليله بعمرك وانتي لابسه الفستان الابيض والانظار كلها عليكي وانك ملكه ذيك االليله وانتي رشيقه
خامسا بتمري بحاله ثبات الوزن بس فترة وتعدي لا تحبطي وانشاء الله حتى لو ثبت الوزن شهر يرجع ينزل واسرع من اول
سادسا استخدمي جميع المساعدات لتخفيف الوزن شاهي اخضر زنجبيل نعناع كريمات تنحيف خل تفاح ولوكنتي بالسعوديه اشتري شاي جامو والله انه رهيب في انقاص الوزن
تمنياتي لكي بحياة سعيدة والله ينحفنا جميعا
ولا تنسينا من دعواتك الطيبه
اختك
جروح الالم

صهيل الخيل

جزاكي الله خير أختي

إنتي معاكي حق على كل حال وإن شالله ربي يقويني ..

الله يسعدك ويوفقك يا أختي في حياتك ويرضيكي يارب

مشغولة ..

اسال الله العظيم رب العرش العظيم ان ينحفني واياك من غير هم ولامرض

عاجلا غير اجل يارب العالمين

مشكورة أختي