جروح الألم مشكورة وما قصرتي يالغالية

وإن شالله إن ربي يقويني

دعواتك ياطيبة الله يسعدك يارب

الله يساعدك وينحفك وانت في صحه طيبه

حبيبتي اولا مبروك الخطبه والله يسعدك ويوفقك!!

شوفي انت او حاجه فكري انا اش استفيد لما اكل قبل ما تاكل حتي لو انت ميته جوع اسالي نفسك هذا السؤال؟؟ اش تحسي لما اكل عشان بس اشبع طيب وبعدين اش استفيد غير زيادة وزن !! صح !

تخيل نفسك وانت في الملكه وخطيبك يشوفك بعد اخر مرة شافك فيه وانت باحلي فستان واحلى وجه واحلى جسم تخيل اش حيكون ردة فعله اش حيسوي والله اول ما تحطي هذا التخيل في راسك نفسك تنسد!!

فكري في صحتك في جسمك عظامك كل هذا حيتاثر بالوزن الزايد!!

تخيل كيف اصير حامل ان شاء الله وان بهذه الزيادة والله حاجه مرة مو حلوة!!

استحملي قرص الجوع عشان هدف انا لازم اوصل له !!

انت اختاري رجيم في اكل يعني مثر رجيم الكربوهيدرات والله في وحدة اعرفه انا ماشفته بس ماما واختي الكبيرة شافوها والله يحلفو انه صارت منيكان بس سوت رجيم الكربوهيدرات نقصت في شهر 30 كيلو هذا كلام الشخصه نفسها!!

انت خلي عندك ارادة وبس اتوكلي على الله ةابدي لا تقولي من يوم السبت او الاسبوع الجاي لا قول من اليوم حتي لو خلص النهار ابدي عشان العزيمه تقوي!!

لا تزعلي من كلامي بس انا والله حاسه فيك وحسيتك ذي اختي وقلت لك الكلام هذا عشان احسمك !!

اثبتي لجميع ان عندك ارادة ومو شرط الكل يعرف ان انت عامله رجيم اعتذري وقت غذاهم وعشاهم ان مالك نفس او انت مشغوله ولما اخلص اجيكم ومن هذا الاعذار وبعدين انت روحي كلي اكل الرجيم!!

فكري واستخيري الله في رجيم الكربوهيدرات والله يقويك

سامحيني مرة ثانيه!!!

حبيبتي اقري البقره كل 3 ايام ان شاء الله تساعدك

أم عليوة ..

والله يا أختي إني كنت ناوية أبدأ ريجيم الكاربوهيدرات من بكرا

اليوم أنا ما أكت غير تفاح وكنت ناوية أكمل على ريجيم يوم خضار ويوم فواكه بس والله تعبت كثير وقلت إن شالله أبدأ ريجيم الكاربوهيدرات .. وهذا إنتي دحين كمان قلتيلي عليه وشجعتيني

والله يا أختي إن كلامك صح وإن شالله أنا بإذن الله خلاص ببدأ

مشكورة ياقلبي الله يسعدك يارب

فياصل ..

تخيلي أختي أنا ماشالله تبارك الله أقرا سورة البقرة يومياً والله العظيم وادعي بعدها وادعي بعد الصلاة وفي كل وقت

وإن شالله ربي يستجيبلي

مشكورة يالغالية