وجهي تعبان وماعندي فلوس

السلام عليكم ورحمه الله
كيفكم بنات ان شاءالله طيبين،انا للاسف تعبانه جدا جدا بس الحمدلله منتظمه على العلاج .مشكلتي اني من زمان مالي خلق لا للرجيم ولا للانتظام بالأكل ولا العناية بالبشرة،ووصلت لمرحلة سيئة جدا من التعب النفسي بسبب هالشي ،وجهي ذبلان بشكل يخووووف وانا عارفة اني السبب واني استسلمت لظروفي بس ابي ابدأ ولااعرف من وين تعبااانه مررة ي بنات ومستحيه من كثر مااطلب عيالي يخدموني ،زوجي امس يترجاني يقول لي انحفي انتبهي لنفسك مايدري اني وصلت لمرحلة اني احس بمتعه وانا ااذي نفسي وانو طز حتى لو مت لكن لما احد يرمي علي كلمه او يلمح لي انو اشفيك كذا مو لهدرجه تستسلمين استحي على نفسي شوي ويصير نفسي أسوي شي لنفسي وفجأة اقعد ابكي على نفسي وعلى هالحال صار لي سنين، عيوني ذبلانه وجهي شاحب وزي ماقلت بالعنوان ماعندي فلوس اشتري شيء، ،تصدقون نحن بالعائلة ملامحنا صغنونه شفايفنا وانفنا وعيونا حلوة بس ماادري والله ليش صرت اخوف كذا شكله من النظارة 🥲للأسف صرت البسها على طول ، وكل شي كبر فيني اصلا وصرت زي العجوز ، غريب الظاهر فعلا الهم يعجز الوحدة منا 💔💔وبس والله.